ವಕೀಲರಿಗೂ ಪರಿಹಾರದ ಹಣ ನೀಡಿ

ಲಕ್ಷ್ಮೇಶ್ವರ : ಕೋವಿಡ್‌-19 ಹಿನ್ನೆಲೆಯಲ್ಲಿಅನೇಕ ವೃತ್ತಿನಿರತರಿಗೆ ಆಪತ್ಕಾಲದ ಪರಿಹಾರದ ಹಣ ಘೋಷಣೆ ಮಾಡಿದಂತೆ ರಾಜ್ಯದಲ್ಲಿರುವ ಎಲ್ಲವಕೀಲ ಸದಸ್ಯರಿಗೂ ಸಹ ಪರಿಹಾರ ಹಣ ಬಿಡುಗಡೆ ಮಾಡುವ ಮೂಲಕ ಆರ್ಥಿಕ ಸಂಕಷ್ಟದಲ್ಲಿರುವ ವಕೀಲರಿಗೆ ಸಹಾಯ ಹಸ್ತ ಚಾಚಬೇಕೆಂದು ಆಗ್ರಹಿಸಿ ವಕೀಲರ ಸಂಘದಿಂದ ತಹಸೀಲ್ದಾರ ಮೂಲಕ ಸರಕಾರಕ್ಕೆ ಮನವಿ ಸಲ್ಲಿಸಿದರು.

ಮಾರ್ಚ್ ತಿಂಗಳಿಂದ ಜೂನ್‌ ತಿಂಗಳವರೆಗೂ ನ್ಯಾಯಾಲಯದ ಕಾರ್ಯಕಲಾಪ ಸ್ಥಗಿತಗೊಂಡಿದ್ದವು. ಇದರಿಂದ ಬಹುತೇಕ ವಕೀಲರು ಆರ್ಥಿಕ ಸಂಕಷ್ಟ ಅನುಭವಿಸಿದ್ದಾರೆ. ಮೂರು ತಿಂಗಳಿಂದಲೂ ಯಾವುದೇ ಆದಾಯವಿಲ್ಲದೆ ಕುಟುಂಬ ನಿರ್ವಹಿಸುವುದು ಕಷ್ಟದಾಯಕ. ಈ ಹಿನ್ನೆಲೆಯಲ್ಲಿತುರ್ತು ಸಂಕಷ್ಟ ನಿವಾರಣೆಗೆ ಸರಕಾರ ಆಪತ್ಕಾಲದ ಪರಿಹಾರ ಮೊತ್ತದಲ್ಲಿರಾಜ್ಯದ ಎಲ್ಲವಕೀಲರಿಗೂ ಪರಿಹಾರದ ಹಣ ಬಿಡುಗಡೆಗೊಳಿಸಬೇಕು ಎಂದು ಮನವಿಯಲ್ಲಿವಿನಂತಿಸಲಾಗಿದೆ.

ರಾಜ್ಯ ವಕೀಲರ ಹಾಗೂ ಬೆಂಗಳೂರು ವಕೀಲರ ಸಂಘದ ಪ್ರತಿಭಟನೆಗೆ ನೈತಿಕ ಬೆಂಬಲ ನೀಡುವ ಹಿನ್ನೆಲೆಯಲ್ಲಿನ್ಯಾಯಾಲಯದ ಕಾರ್ಯಕಲಾಪಗಳಿಂದ ದೂರ ಉಳಿದು ಪ್ರತಿಭಟನೆ ಮೂಲಕ ಈ ಮನವಿ ಸಲ್ಲಿಸಲಾಗಿದೆ ಎಂದು ಮನವಿಯಲ್ಲಿತಿಳಿಸಲಾಗಿದೆ.

ವಕೀಲರ ಸಂಘದ ಅಧ್ಯಕ್ಷ ಬಿ.ಎಸ್‌.ಪಾಟೀಲ, ಉಪಾಧ್ಯಕ್ಷ ಎನ್‌.ಐ.ಬೆಲ್ಲದ, ಎನ್‌.ಐ.ಸೊರಟೂರ, ಎಂ.ಎಂ.ಗದಗ,ಎ.ಬಿ.ಪಾಟೀಲ, ಬಿ.ಎಸ್‌.ಬಾಳೇಶ್ವರಮಠ, ವಿ.ಎಸ್‌.ಪಶುಪತಿಹಾಳ, ಐ.ಜಿ. ಹುಲಬಜಾರ ಇತರರು ಪಾಲ್ಗೊಂಡಿದ್ದರು.