ನಿತ್ಯ ಯೋಗದಿಂದ ವ್ಯಕ್ತಿತ್ವ ವಿಕಸನ

ಗಜೇಂದ್ರಗಡ : ಮಕ್ಕಳು ನಿತ್ಯ ಯೋಗ ಮಾಡುವುದರಿಂದ ಓದಿನಲ್ಲಿಮುಂದೆ ಬರುತ್ತಾರೆ. ವ್ಯಕ್ತಿತ್ವ ವಿಕಸನವಾಗಲಿದೆ. ಮನಸ್ಸು ಕೇಂದ್ರಿಕೃತವಾಗಲಿದೆ. ಆರೋಗ್ಯ ವೃದ್ಧಿಸಲಿದೆ. ಜತೆಗೆ ಏಕಾಗ್ರತೆ ಹೆಚ್ಚಳವಾಗಲಿದೆ ಎಂದು ಧಾರವಾಡ ಯೋಗತಜ್ಞೆ ಡಾ. ಶೋಭಾ ಹುಲಿಕಟ್ಟಿ ಹೇಳಿದರು.

ಸ್ಥಳೀಯ ಜ. ತೋಂಟದಾರ್ಯ ವಿದ್ಯಾಪೀಠ ಸಿಬಿಎಸ್‌ಇ ಶಾಲೆಯಲ್ಲಿಶನಿವಾರ ಮಕ್ಕಳ ದಿನಾಚರಣೆ ನಿಮಿತ್ತ ವ್ಯಕ್ತಿತ್ವ ವಿಕಸನ ಶಿಬಿರದಲ್ಲಿಅವರು ಮಾತನಾಡಿದರು.

ಆರೋಗ್ಯಪೂರ್ಣ ಜೀನವಕ್ಕೆ ಯೋಗ ದಿಕ್ಸೂಚಿಯಾಗಿದೆ. ದೈಹಿಕ ಸದೃಢತೆ, ರೋಗ ನಿರೋಧಕ ಶಕ್ತಿ ಹೆಚ್ಚಳವಾಗಲಿದೆ. ಯೋಗಾಸನ ಮತ್ತು ಧ್ಯಾನ ಮನಸ್ಸಿನ ಚಾಂಚಲ್ಯ ಕಡಿಮೆಗೊಳಿಸುತ್ತದೆ. ಯೋಗವನ್ನು ಜೀವನದ ಭಾಗವಾಗಿ ಅಳವಡಿಸಿಕೊಂಡರೆ ಹೆಚ್ಚಿನ ಲಾಭವಾಗಲಿದೆ. ಶಾರೀರಿಕ, ಮಾನಸಿಕ, ಬೌದ್ಧಿಕ, ಭಾವನಾತ್ಮಕ, ಅಧ್ಯಾತ್ಮಿಕ, ಅವಶ್ಯಕತೆಗಳನ್ನು ಪೂರೈಸುವ ದಿವ್ಯ ಔಷಧಿಯಾಗಿದೆ ಎಂದರು.

ಪ್ರಾ. ರಶ್ಮಿ ದೇಶಪಾಂಡೆ ಮಾತನಾಡಿ, ಯೋಗದಲ್ಲಿಪಿ.ಎಚ್‌ಡಿ ಪದವಿ ಪಡೆದಿರುವ ಡಾ. ಶೋಭಾ ಹುಲಿಕಟ್ಟಿ ಮಾರ್ಗದರ್ಶನ ಮಕ್ಕಳ ಮನಸ್ಸಿನ ಮೇಲೆ ಪರಿಣಾಮ ಬೀರಿದೆ. ಮಕ್ಕಳ ದಿನಾಚರಣೆ ವಿಶಿಷ್ಟವಾಗಿ ಆಚರಿಸುವ ಹಿನ್ನೆಲೆಯಿಂದ ಯೋಗ, ವ್ಯಕ್ತಿತ್ವ ವಿಕಸನ, ಏಕಾಗ್ರತೆ ಕುರಿತು ಮಕ್ಕಳ ಮನಸ್ಸಿನ ಮೇಲೆ ಪರಿಣಾಮಕಾರಿಯಾಗಿ ಬಿಂಬಿಸಿದ ಅವರಿಗೆ ಸಂಸ್ಥೆಯಿಂದ ಕೃತಜ್ಞತೆ ಸಲ್ಲಿಸಿದರು.

ಶಿಕ್ಷಕರಾದ ವಿರೇಶ ಅಂಗಡಿ, ಶಿವಕುಮಾರ ಕೋಶಗಿ, ಎಮ್‌. ಬಿ. ಭೀಮೇಶ ಮಂಜುನಾಥ ರಾಟೋಡ, ಪಿ.ಜಿ. ಪೂಜಾ, ಪರವೀನ ನಧಾಫ, ನಾಗರತ್ನ ಕಟ್ಟಿ ಇತರರಿದ್ದರು.