ಬಡತನ ವಿದ್ಯೆಗೆ ಅಡ್ಡಿಯಾಗದು

ರೋಣ: ಸರಕಾರದ ಉತ್ತಮ ಯೋಜನೆಗಳಿಂದ ಬಡತನ ಮತ್ತು ಹಸಿವು ವಿದ್ಯೆಗೆ ಅಡ್ಡಿಬರಲಾರದು. ವಿದ್ಯಾರ್ಜನೆಯಿಂದ ಜೀವನದಲ್ಲಿಸಾಧನೆ ಮಾಡಲು ಸಾಧ್ಯ ಎಂದು ತಾಪಂ ಉಪಾಧ್ಯಕ್ಷೆ ಇಂದಿರಾ ತೇಲಿ ಹೇಳಿದರು.

ಅವರು ತಾಲೂಕಿನ ಹಿರೇಹಾಳದ ಸರಕಾರಿ ಪ್ರೌಢಶಾಲೆ 8ನೇ ತರಗತಿಯ ವಿದ್ಯಾರ್ಥಿಗಳಿಗೆ 2019-20ನೇ ಶೈಕ್ಷಣಿಕ ಸಾಲಿನ ಉಚಿತ ಸೈಕಲ್‌ ವಿತರಿಸಿ ಮಾತನಾಡಿದರು.

ವಿದ್ಯೆಯಿಂದ ಮಾತ್ರ ಬಡತನ ನಿವಾರಣೆ ಸಾಧ್ಯ ಎಂಬ ವಿಚಾರದಿಂದ ಈ ಹಿಂದೆಯೇ ಮುಖ್ಯಮಂತ್ರಿ ಬಿ.ಎಸ್‌.ಯಡಿಯೂರಪ್ಪನವರ ನೇತೃತ್ವದ ಬಿಜೆಪಿ ಸರಕಾರ ದೂರ ಪ್ರದೇಶದ ವಿದ್ಯಾರ್ಥಿಗಳಿಗೆ ಶಾಲೆಗೆ ತಲುಪಲು ತೊಂದರೆಯಾಗಬಾರದು ಎಂಬ ಕಾರಣಕ್ಕೆ ಸೈಕಲ್‌ ನೀಡಲಾಗುತ್ತಿದೆ ಎಂದರು. ಜಿಪಂ ಮಾಜಿ ಅಧ್ಯಕ್ಷ ನಿಂಗಪ್ಪ ಕೆಂಗಾರ ಮಾತನಾಡಿದರು

ಶಾಸಕ ಕಳಕಪ್ಪ ಬಂಡಿ ಅಧ್ಯಕ್ಷತೆ ವಹಿಸಿ, ಕೇಂದ್ರ ಮತ್ತು ರಾಜ್ಯ ಸರಕಾರ ಎಲ್ಲಸರಕಾರಿ ಶಾಲೆಯ 8ನೇ ತರಗತಿ ವಿದ್ಯಾರ್ಥಿಗಳಿಗೆ ಬೇಕಾದಷ್ಟು ಹಣ ಖರ್ಚು ಮಾಡುತ್ತಿದೆ ಎಂದರು

ಜಿಪಂ ಸದಸ್ಯ ಪಡಿಯಪ್ಪ ಪೂಜಾರ, ತಾಪಂ ಅಧ್ಯಕ್ಷೆ ಪ್ರೇಮವ್ವ ನಾಯಕ, ಹೇಮಾವತಿ ಕಡದಳ್ಳಿ, ವೀರುಪಾಕ್ಷಗೌಡ ಪಾಟೀಲ, ಎಸ್‌.ಎಸ್‌.ಚನ್ನಪ್ಪಗೌಡ್ರ, ಎಂ.ಎ.ತರಪದಾರ, ಮುತ್ತಣ್ಣ ಲಿಂಗನಗೌಡ್ರ, ಅನೀಲಕುಮಾರ ಪಲ್ಲೇದ, ಮುತ್ತು ಕಡಗದ, ಶಿವಾನಂದ ಜಿಡ್ಡಿಬಾಗಿಲ,ರಾಮನಗೌಡ ಪಾಟೀಲ, ಭೀಮಶಿ ಮಾದರ ಇತರರು ಹಾಜರಿದ್ದರು.