ಹುತಾತ್ಮ ಯೋಧರಿಗೆ ಶ್ರದ್ಧಾಂಜಲಿ

ಲಕ್ಕುಂಡಿ: ಜಮ್ಮು ಕಾಶ್ಮೀರ ಪುಲ್ವಾಮನಲ್ಲಿ ನಡೆದ ಉಗ್ರರ ದಾಳಿಯಲ್ಲಿ ವೀರ ಮರಣವನ್ನಪ್ಪಿದ ದೇಶದ ಸೈನಿಕರಿಗೆ ಇಲ್ಲಿಯ ಸಮೀಪದ ತಿಮ್ಮಾಪೂರ ಗ್ರಾಮದ ಗಣ್ಯರು, ಜನಪ್ರತಿನಿಧಿಗಳು ಭಾವಪೂರ್ಣ ಶ್ರದ್ಧಾಂಜಲಿ ಸಲ್ಲಿಸಿದರು.

ಗ್ರಾಮದ ಪ್ರಮುಖ ಬೀದಿಯಲ್ಲಿ ಮೌನ ಮೆರವಣೆಗೆ ನಡೆಸಿ ಸಂಗೊಳ್ಳಿ ರಾಯಣ್ಣ ಪ್ರತಿಮೆ ಬಳಿ ಸಭೆ ಸೇರಿ 5 ನಿಮಿಷ ಮೌನ ಆಚರಿಸಿ 42 ಜನ ಹುತಾತ್ಮ ಯೋಧರಿಗೆ ಶ್ರದ್ಧಾಂಜಲಿ ಸಲ್ಲಿಸಲಾಯಿತು. ಸಾರ್ವಜನಿಕರು ದೇಣೆಗೆ ನೀಡಿದ ಹಣವನ್ನು ಸಿಂಡಿಕೇಟ್‌ ಬ್ಯಾಂಕ್‌ನಲ್ಲಿರುವ ಸೈನಿಕರ ಕಲ್ಯಾಣ ನಿಧಿಯ ಖಾತೆಗೆ ಜಮೆ ಮಾಡಲಾಯಿತು.

ಈ ಸಂದರ್ಭದಲ್ಲಿ ಮಾತನಾಡಿದ ಗ್ರಾಪಂ ಉಪಾಧ್ಯಕ್ಷ , ನಮ್ಮ ದೇಶದ ಯೋಧರನ್ನು ಹತ್ಯೆ ಮಾಡಿದ ಉಗ್ರರನ್ನು ಸದೆ ಬಡಿಯಬೇಕು. ಪಾಪಿ ಪಾಕಿಸ್ತಾನದ ಗರ್ವ ಮುರಿಯಬೇಕು ಎಂದರು. ಮಾಜಿ ಸೈನಿಕ ಶಿವಲಿಂಗಪ್ಪ ಕಲ್ಲಳ್ಳಿ, ಭೀಮಪ್ಪ ಎಮ್ಮೆ, ಗ್ರಾಪಂ ಸದಸ್ಯರಾದ ಸೀತಾ ಜೋಗೀನ, ಶರಣಪ್ಪ ಜೊಗೀನ, ಶಾಂತವ್ವ ಅಂಗಡಿ, ಗ್ರಾಮಸ್ಥರು ಹಾಜರಿದ್ದರು.