ನಿವೇಶನ ನೀಡಲು ಆಗ್ರಹಿಸಿ ಪ್ರತಿಭಟನೆ

ಮುಂಡರಗಿ: ದಲಿತ ಕುಟುಂಬಗಳಿಗೆ ನಿವೇಶನ ನೀಡಬೇಕು ಎಂದು ಒತ್ತಾಯಿಸಿ ಐದು ದಲಿತ ಕುಟುಂಬದವರು ಅಂಬೇಡ್ಕರ ದಲಿತ ಚಳವಳಿ ವೇದಿಕೆ ಆಶ್ರಯದಲ್ಲಿ ತಾಲೂಕಿನ ಗಂಗಾಪುರದ ನಿರಾಶ್ರಿತರು ತಹಸೀಲ್ದಾರ ಕಚೇರಿ ಮುಂದೆ ಪ್ರತಿಭಟನೆ ನಡೆಸಿದರು.

ಹಲವು ದಶಕಗಳಿಂದ ಆಶ್ರಯ ಮನೆಗಳಿಲ್ಲದೆ ದಲಿತ ಕುಟುಂಬದವರು ಸಣ್ಣ ಗುಡಿಸಲಿನಲ್ಲಿವಾಸಿಸುತ್ತಿದ್ದಾರೆ. ಮನೆಗಳನ್ನು ನಿರ್ಮಿಸಿಕೊಡಲು ಹಲವು ಬಾರಿ ಗ್ರಾಪಂ ಹಾಗೂ ಅಧಿಕಾರಿಗಳಿಗೆ ಮನವಿ ಸಲ್ಲಿಸಲಾಗಿದೆ. ಆದರೂ ಮನೆಗಳು ದೊರೆಯುತ್ತಿಲ್ಲಎಂದು ಆರೋಪಿಸಿದರು.

ಅಂಬೇಡ್ಕರ ದಲಿತ ಚಳವಳಿ ವೇದಿಕೆ ಅಧ್ಯಕ್ಷ ಲಕ್ಷತ್ರ್ಮಣ ತಗಡಿನಮನಿ, ನಿಂಗಪ್ಪ ಪೂಜಾರ, ಕೆಂಚವ್ವ ತಳಗೇರಿ, ಶಾರವ್ವ ಹರಿಜನ, ನಾಗಮ್ಮ ಹರಿಜನ, ಹನುಮವ್ವ ತಳಗೇರಿ, ರೇಣವ್ವ ತಿಪ್ಪಾಪೂರ, ಮಂಜಪ್ಪ ತಳಗೇರಿ, ಚಂದ್ರಪ್ಪ ತಳಗೇರಿ ಇತರರು ಪಾಲ್ಗೊಂಡಿದ್ದರು.