ವ್ಯಾಪಾರಕ್ಕೆ ಅವಕಾಶ ಕಲ್ಪಿಸಿ ಬೀದಿ ಬದಿ ವ್ಯಾಪಾರಸ್ಥರಿಂದ ಪ್ರತಿಭಟನೆ, ಮನವಿ

ಗಜೇಂದ್ರಗಡ: ವ್ಯಾಪಾರ ಸಮಯ ಕಡಿತಗೊಳಿಸಿರುವ ತೀರ್ಮಾನ ಕೈಬಿಟ್ಟು ಮೊದಲಿನಂತೆ ವ್ಯಾಪಾರಕ್ಕೆ ಅವಕಾಶ ಕಲ್ಪಿಸಬೇಕೆಂದು ಕೃಷಿಕೂಲಿಕಾರ ಸಂಘದ ತಾಲೂಕು ಅಧ್ಯಕ್ಷ ಬಾಲು ರಾಠೋಡ ಒತ್ತಾಯಿಸಿದರು.

ಇಲ್ಲಿನ ಬೀದಿ ಬದಿ ವ್ಯಾಪಾರಸ್ಥರ ಸಂಘ, ಸಿಐಟಿ ಹಾಗೂ ಕೃಷಿಕೂಲಿಕಾರ ಸಂಘದ ನೇತೃತ್ವದಲ್ಲಿವ್ಯಾಪಾರ ಅವಧಿ ಕಡಿತಗೊಳಿಸಿರುವುದನ್ನು ಖಂಡಿಸಿ ತಹಸೀಲ್ದಾರ ಕಚೇರಿ ಎದುರು ನಡೆದ ಪ್ರತಿಭಟನೆಯಲ್ಲಿಮಾತನಾಡಿದರು.

ಕೋವಿಡ್‌ ಸೋಂಕು ನಿಯಂತ್ರಿಸುವ ಹಿನ್ನೆಲೆಯಲ್ಲಿವ್ಯಾಪಾರದ ಅವಧಿ ಕಡಿಮೆ ಮಾಡಿ ರೋಗ ನಿಯಂತ್ರಿಸಲು ಸಾಧ್ಯವಿಲ್ಲ. ಸಾಮಾಜಿಕ ಅಂತರ, ಮಾಸ್ಕ್‌, ಸ್ಯಾನಿಟೇಜರ್‌ ಸೇರಿ ಅಗತ್ಯ ಮುಂಜಾಗೃತ ಕ್ರಮ ಕೈಗೊಳ್ಳಬೇಕೆಂದು ಆಗ್ರಹಿಸಿದ್ದಾರೆ.

ಬೀದಿ ವ್ಯಾಪಾರಸ್ಥರ ತಾಲೂಕು ಅಧ್ಯಕ್ಷ ಅಲ್ಲಾಭಕ್ಷಿ ಮುಚ್ಚಾಲಿ ಮಾತನಾಡಿ, ಜಿಲ್ಲಾಡಳಿತ ವ್ಯಾಪಾರಕ್ಕೆ ರಾತ್ರಿ 8ರವರೆಗೆ ಮುಕ್ತ ಅವಕಾಶ ನೀಡಬೇಕೆಂದು ತಹಸೀಲ್ದಾರ ಮೂಲಕ ಸರಕಾರಕ್ಕೆ ಮನವಿ ಸಲ್ಲಿಸಿದರು.

ಚೌಡಮ್ಮ ಯಲ್ಪು, ಬಾಷೆಸಾಬ ಗಣಿ, ಎಂ. ವೈ. ಮ್ಯಾಗೇರಿ, ಎಸ್‌. ಎಸ್‌. ರಂಗ್ರೇಜಿ, ಎ. ಆರ್‌. ನಾಗೇಶ, ಟಾಕಪ್ಪ ಅಜಮೀರ್‌, ಸಂಗಮೇಶ ನಾತವಾಡೆ, ಉಮೇಶ ಹಳ್ಳಿಕೇರಿ, ಎಂ. ಕೆ. ಸುಂಕದ, ಕಳಕಪ್ಪ ಅಜಮೀರ್‌ ಇದ್ದರು.