ಮಳೆ,ಬೆಳೆಗಾಗಿ ಪ್ರಾರ್ಥಿಸಿ ವಿಶೇಷ ಪೂಜೆ

ಮುಳಗುಂದ: ಪಟ್ಟಣದ ಕೌಲಪೇಟಿ ಓಣಿಯ ದುರ್ಗಾದೇವಿ ದೇವಸ್ಥಾನದಲ್ಲಿಶುಕ್ರವಾರ ಮಳೆ ಬೆಳೆಗಾಗಿ ರೇಣುಕಾ ಯಲ್ಲಮ್ಮ, ಗ್ರಾಮದೇವತೆ, ದುರ್ಗಾದೇವಿ, ಬನಶಂಕರಿ, ದ್ಯಾಮವ್ವ ಪಟ್ಟಣದ ಎಲ್ಲದೇವಸ್ಥಾನಕ್ಕೆ ರೈತ ಕುಟುಂಬದ ಮಳೆಯರು ಉಡಿ ತುಂಬಿ ಮಳೆ,ಬೆಳೆ ಜತೆಗೆ ಮಾಹಾಮಾರಿ ಕೊರೊನಾ ದೂರವಾಗಲಿ ಎಂದು ಪ್ರಾರ್ಥಿಸಿದರು.

ಮುಂಗಾರು ಮಳೆ ಆರಂಭವಾಗುವ ಮುನ್ನ ಉತ್ತಮ ಮಳೆ ಬರಲಿ ಎಂದು ಪ್ರತಿ ವರ್ಷವೂ ಮಂಗಳವಾರ ಅಥವಾ ಶುಕ್ರವಾರ 5 ವಾರಗಳನ್ನು ಶ್ರದ್ಧೆಯಿಂದ ದೇವಿ ಆರಾಧಿಸುವ ಸಾಂಪ್ರದಾಯ ಮೊದಲಿನಿಂದಲೂ ಬಂದಿದ್ದು ಪ್ರಾರ್ಥಿಸುವುದರ ಜತೆಯಲ್ಲಿಜನ ಜಾನುವಾರುಗಳಿಗೆ ರೋಗ ಬಾರದಿರಲಿ ಎಂದು ಭಕ್ತಿಯಿಂದ ದೇವಿ ಪೂಜಿಸಿದರು.

ಅಂತರವೇ ಇರಲಿಲ್ಲ:
ದೇಶಾದ್ಯಾಂತ ಕೊರೊನಾ ದಿನದಿನ ಹೆಚ್ಚಾಗುತ್ತಿದ್ದರೂ ಮಹಿಳೆಯರು ಸಾಮಾಜಿಕ ಅಂತರ ಕಾಯ್ದುಕೊಳ್ಳದೇ ಗ್ರಾಮದ ಎಲ್ಲಗುಡಿಗಳಲ್ಲಿಉಡಿತುಂಬುತ್ತಿರುವುದು ಕಂಡು ಬಂದಿತು.