ರಸ್ತೆ ಸಾರಿಗೆ ನೌಕರರ ಪ್ರತಿಭಟನೆ

ಗದಗ : ರಸ್ತೆ ಸಾರಿಗೆ ನೌಕರರನ್ನು ಸರಕಾರಿ ನೌಕರರು ಎಂದು ಪರಿಗಣಿಸಿ ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆಯ ಅಸ್ತಿತ್ವವನ್ನು ಕಾಪಾಡಿಕೊಂಡು ಸಂಸ್ಥೆಯನ್ನು ಕರ್ನಾಟಕ ಸರಕಾರಕ್ಕೆ ವಿಲೀನಗೊಳಿಸಬೇಕೆಂದು ಆಗ್ರಹಿಸಿ ವಾಕರಸಾ ಸಂಸ್ಥೆಯ ಗದಗ ವಿಭಾಗೀಯ ನೌಕರರು ಜಿಲ್ಲಾಧಿಕಾರಿಗಳ ಮೂಲಕ ಮುಖ್ಯಮಂತ್ರಿಗೆ ಮನವಿ ಸಲ್ಲಿಸಿದರು.

ಬುಧವಾರ ರಸ್ತೆ ಸಾರಿಗೆ ಸಂಸ್ಥೆಯ ಗದಗ ವಿಭಾಗೀಯ ಕಚೇರಿಯ ಎದುರಿಗೆ ಸೇರಿ ವಿವಿಧ ಬೇಡಿಕೆಗೆ ಘೋಷಣೆ ಕೂಗಿ ನಂತರ ಜಿಲ್ಲಾಧಿಕಾರಿಗಳ ಕಚೇರಿಗೆ ತೆರಳಿ ಮನವಿ ಸಲ್ಲಿಸಿದರು.

ಆರೋಗ್ಯ, ಶಿಕ್ಷ ಣ, ಪೊಲೀಸ್‌ ಹಾಗೂ ಇತರೆ ಇಲಾಖೆಗಳ ಮಾದರಿಯಲ್ಲಿಯೇ ರಸ್ತೆ ಸಾರಿಗೆ ನೌಕರರನ್ನೂ ಸಹ ಸರಕಾರಿ ನೌಕರರೆಂದು ಪರಿಗಣಿಸಬೇಕು. ಆಂಧ್ರಪ್ರದೇಶದ ಮುಖ್ಯಮಂತ್ರಿ ವೈ.ಎಸ್‌.ಜಗಮೋಹನರಡ್ಡಿ ಆಂಧ್ರ ರಾಜ್ಯದ ರಸ್ತೆ ಸಾರಿಗೆ ಸಂಸ್ಥೆಯನ್ನು ಆಂಧ್ರಪ್ರದೇಶದ ಸರಕಾರಕ್ಕೆ ವಿಲೀನಗೊಳಿಸುವ ಮೂಲಕ ರಸ್ತೆ ಸಾರಿಗೆ ಸಂಸ್ಥೆಯ ಎಲ್ಲ ಕಾರ್ಮಿಕರನ್ನು ನೌಕರರನ್ನು ಸರಕಾರಿ ನೌಕರರೆಂದು ಪರಿಗಣಿಸಲು ಕ್ರಮ ಜರುಗಿಸಿ ಆದೇಶ ಹೊರಡಿಸಿದ್ದಾರೆ. ಅದೇ ಮಾದರಿಯಲ್ಲಿ ಕರ್ನಾಟಕದಲ್ಲೂ ರಸ್ತೆ ಸಾರಿಗೆ ಸಂಸ್ಥೆಯ ನೌಕರರನ್ನು ಸರಕಾರಿ ನೌಕರರೆಂದು ಪರಿಗಣಿಸಿ ಸರಕಾರಿ ನೌಕರರಿಗೆ ಲಭ್ಯವಿರುವ ಎಲ್ಲ ಸೌಲಭ್ಯಗಳನ್ನು ನೀಡಬೇಕೆಂದು ಮನವಿಯಲ್ಲಿ ಆಗ್ರಹಿಸಲಾಗಿದೆ.

ಎಚ್‌.ಸಿ.ಕೊಪ್ಪಳ, ಆರ್‌.ಎಸ್‌.ಕಾಶೀಗೌಡ್ರ, ಎಂ.ಆರ್‌.ಬೋದ್ಲೇಖಾನ್‌, ಎಸ್‌.ಎಂ.ಇಟಗಿ, ಸುಧಾ ಅಬ್ಬಿಗೇರಿ, ಪಿ.ಎಸ್‌.ಮೇಟಿ, ಎಸ್‌.ಎ. ಮೆಣಸಗಿ, ವಿ.ಎಸ್‌.ನರಗುಂದ, ಯು.ಎಸ್‌.ಮ್ಯಾಗೇರಿ, ಬಡಿಗೇರ, ಮೇಗಲಮನಿ, ಎಂ.ಡಿ.ಕಾಗದಗಾರ, ಎಂ.ಎಂ.ಮನ್ಸೂಫದಾರ, ಡಿ.ವೈ.ಪಾಟೀಲ, ಚಂದ್ರು ಗೌಡರ, ಸತೀಶ ಕುಲಕರ್ಣಿ, ಪ್ರಕಾಶ ಕೊತಬಾಳ, ಶಿವು ಪಾಟೀಲ, ಮಂಗಲಾ ಕುಕನೂರ, ಕೆ.ಪಿ.ರಾಯರ, ಟೀಕು ಲಮಾಣಿ ಇದ್ದರು.