ವಿದ್ಯಾರ್ಥಿಗಳಿಂದ ರಂಗೋಲಿ ಸ್ಪರ್ಧೆ

ಗಜೇಂದ್ರಗಡ : ಸ್ಥಳೀಯ ಎಸ್‌.ಎಂ. ಭೂಮರೆಡ್ಡಿ ಪ್ರೌಢಶಾಲೆ ಎಸ್‌ಎಸ್‌ಎಲ್‌ಸಿ ವಿದ್ಯಾರ್ಥಿಗಳು ವಿಜ್ಞಾನ ವಿಷಯ ಕುರಿತ ರಂಗೋಲಿ ಸ್ಪರ್ಧೆಯಲ್ಲಿ ಮನುಷ್ಯನ ವಿವಿಧ ಅಂಗಗಳನ್ನು ರಂಗೋಲಿಯಲ್ಲಿ ಚಿತ್ರಿಸಿರುವದು ಆಕರ್ಷಿಸಿತು.

195 ವಿದ್ಯಾರ್ಥಿಗಳ 30 ತಂಡಗಳು ಮಾನವನ ವಿವಿಧ ದೇಹ ಅಂಗಗಳಾದ ಹೃದಯ, ಕಿಡ್ನಿ, ಸಣ್ಣಕರಳು, ಲೀವರ ಸೇರಿದಂತೆ ವಿವಿಧ ಆಕೃತಿ ಚಿತ್ತಾರ ರಂಗೋಲಿ ಮನ ಸೆಳೆದವು. ಪ್ರಧಾನ ಗುರುಮಾತೆ ಎಂ.ಟಿ. ಕುಲಕರ್ಣಿ, ಉಪನ್ಯಾಸಕಿ ಜ್ಯೋತಿ ಗದಗ ಮಾತನಾಡಿದರು. ಸಾವಿತ್ರ ತಳವಾರ, ವಿಜಯಲಕ್ಷ್ಮಿ ಚಳಗೇರಿ, ಸಿ.ಎಸ್‌. ಮೂರಸಿಳ್ಳಿ, ಡಿ.ಎಸ್‌. ಭಜಂತ್ರಿ ಇನ್ನಿತರು ಉಪಸ್ಥಿತರಿದ್ದರು.