ಸಲೀಮ್ ಬಳಬಟ್ಟಿ
ಗದಗ:ಕಡ್ಡಾಯ ಶಿಕ್ಷಣ ಹಕ್ಕು (ಆರ್ಟಿಇ) ಅಡಿ ಈ ವರ್ಷವೂ ಸೀಟುಗಳ ಸಂಖ್ಯೆ ಮತ್ತು ಶಾಲೆಗಳ ಸಂಖ್ಯೆಯಲ್ಲಿಕಡಿತವಾಗಿದ್ದು, ಆರ್ಟಿಇ ಅಡಿ ಖಾಸಗಿ ಶಾಲೆಗಳಿಗೆ ಮಕ್ಕಳನ್ನು ಸೇರಿಸುವ ಪಾಲಕರ ಕನಸು ನನಸಾಗುವುದು ಕಷ್ಟವಾಗಿದೆ.
ಸತತ ಎರಡನೇ ಶೈಕ್ಷಣಿಕ ವರ್ಷದಿಂದ ಈ ಪ್ರಕ್ರಿಯೆ ಜಾರಿಯಲ್ಲಿದ್ದು, ಪ್ರಸಕ್ತ ವರ್ಷ ಜಿಲ್ಲೆಯ 42 ಖಾಸಗಿ ಶಾಲೆಗಳನ್ನು ಮಾತ್ರ ಆರ್ಟಿಇ ಅಡಿ ತರಲಾಗಿದೆ. ಆ ಮೂಲಕ 338 ಸೀಟುಗಳನ್ನು ಮಾತ್ರ ಭರ್ತಿ ಮಾಡಿಕೊಳ್ಳಲು ಅವಕಾಶ ಕಲ್ಪಿಸಲಾಗಿದೆ.
2018-19ನೇ ಸಾಲಿನಲ್ಲಿಜಿಲ್ಲೆಯಲ್ಲಿ180 ಖಾಸಗಿ ಶಾಲೆಗಳನ್ನು ಆರ್ಟಿಇ ವ್ಯಾಪ್ತಿಗೆ ತರಲಾಗಿತ್ತು. 1200ಕ್ಕೂ ಹೆಚ್ಚು ಸೀಟು ಮೀಸಲಿಡಲಾಗಿತ್ತು. ಆದರೆ ಶಿಕ್ಷಣ ಇಲಾಖೆ ಬದಲಾದ ಮಾರ್ಗಸೂಚಿಯಿಂದ ಆರ್ಟಿಇ ವ್ಯಾಪ್ತಿಗೆ ಒಳಪಡುವ ಶಾಲೆಗಳು ಮತ್ತು ಸೀಟುಗಳು ಕಡಿತವಾದಂತಾಗಿದೆ.
ನಿಮಯಗಳಿಗೆ ತಿದ್ದುಪಡಿ :
2019-20ನೇ ಸಾಲಿನ ಶೈಕ್ಷಣಿಕ ವರ್ಷಾರಂಭದಲ್ಲಿಆರ್ಟಿಇ ನಿಯಮಗಳಿಗೆ ರಾಜ್ಯ ಸರಕಾರ ತಿದ್ದುಪಡಿ ತಂದಿದ್ದರಿಂದ ಆರ್ಟಿಇ ವ್ಯಾಪ್ತಿಗೆ ಒಳಪಡುವ ಶಾಲೆಗಳ ಸಂಖ್ಯೆಯಲ್ಲಿಇಳಿಕೆಯಾಗಿದೆ. ಹೊಸ ನಿಯಮದ ಪ್ರಕಾರ, ಗ್ರಾಮ ಅಥವಾ ವಾರ್ಡ್ ವ್ಯಾಪ್ತಿಯಲ್ಲಿಸರಕಾರಿ ಅಥವಾ ಅನುದಾನಿತ ಶಾಲೆಗಳು ಇದ್ದರೆ ಕಾಯ್ದೆ ಅಡಿಯಲ್ಲಿಖಾಸಗಿ ಶಾಲೆಗಳಿಗೆ ಅರ್ಜಿ ಸಲ್ಲಿಸಲು ಅವಕಾಶ ಇಲ್ಲ. ಇದರಿಂದ ಖಾಸಗಿ ಶಾಲೆ ಹಾಗೂ ಸೀಟುಗಳ ಸಂಖ್ಯೆಯಲ್ಲಿಗಣನೀಯವಾಗಿ ಕಡಿಮೆಯಾಗಿದೆ.
ಪ್ರಕ್ರಿಯೆ ಸ್ಥಗಿತ :
ಸದ್ಯ ಆರ್ಟಿಇ ಅಡಿ ಅರ್ಜಿ ಸಲ್ಲಿಕೆ ಪ್ರಕ್ರಿಯೆ ಮುಕ್ತಾಯವಾಗಿದ್ದು, ಲಭ್ಯವಿರುವ ಸೀಟುಗಳ ಸಂಖ್ಯೆಯಲ್ಲಿಪರಿಷ್ಕರಣೆ ನಡೆದಿದೆ. ಮೊದಲ ಸುತ್ತಿನಲ್ಲಿ174 ಮಕ್ಕಳ ಹೆಸರುಗಳ ಪಟ್ಟಿ ಬಿಡುಗಡೆಯಾಗಿದೆ. ಶೀಘ್ರ ಎರಡನೇ ಪಟ್ಟಿ ಬಿಡುಗಡೆಯಾಗಲಿದೆ ಎಂದು ಶಿಕ್ಷಣ ಇಲಾಖೆ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.
ಪಾಲಕರ ಮನವೊಲಿಕೆ :
2019-20ನೇ ಸಾಲಿನಲ್ಲಿ338 ಆರ್ಟಿಇ ಸೀಟುಗಳಲ್ಲಿ116 ಮಕ್ಕಳು ಮಾತ್ರ ದಾಖಲಾಗಿದ್ದರು. ಪ್ರಸಕ್ತ ಶೈಕ್ಷಣಿಕ ವರ್ಷದಲ್ಲಿರುವ 338 ಸೀಟುಗಳು ಭರ್ತಿಯಾಗುವಂತೆ ಶ್ರಮ ವಹಿಸಲಾಗುತ್ತಿದೆ. ಬಿಇಒ ಮೂಲಕ ಆರ್ಟಿಇ ಅಡಿ ಆಯ್ಕೆಯಾಗಿರುವ ಮಕ್ಕಳ ಪೋಷಕರನ್ನು ಸಂಪರ್ಕಿಸಿ ಶಾಲೆಗೆ ಸೇರಿಸುವಂತೆ ಮನವೊಲಿಸಲಾಗವುದು ಎನ್ನುತ್ತಾರೆ ಡಿಡಿಪಿಐ ಬಸವಲಿಂಗಪ್ಪ.
ಪ್ರವೇಶಕ್ಕೂ ನಿರಾಸಕ್ತಿ :
ಕೋವಿಡ್ -19 ಕಾರಣದಿಂದ ಶಾಲೆಗಳ ಪುನಾರಂಭದ ಬಗ್ಗೆ ಸರಕಾರ ಇನ್ನು ಸ್ಪಷ್ಟ ನಿರ್ಧಾರ ಕೈಗೊಳ್ಳದಿದ್ದರೂ ಆರ್ಟಿಇ ಅಡಿ ಮಕ್ಕಳ ಪ್ರವೇಶಾತಿ ಪ್ರಕ್ರಿಯೆಗೆ ಚಾಲನೆ ನೀಡಲಾಗಿದೆ. ಅದರಂತೆ 2020-21ನೇ ಸಾಲಿನಲ್ಲಿ42 ಶಾಲೆಗಳ ಪೈಕಿ 338 ಸೀಟುಗಳಿದ್ದು, ಅದರಲ್ಲಿ174 ವಿದ್ಯಾರ್ಥಿಗಳು ಮಾತ್ರ ಆಯ್ಕೆಯಾಗಿದ್ದು, 63 ವಿದ್ಯಾರ್ಥಿಗಳು ಮಾತ್ರ ಪ್ರವೇಶ ಮಾಡಿಕೊಂಡಿದ್ದಾರೆ.
ಗದಗ:ಕಡ್ಡಾಯ ಶಿಕ್ಷಣ ಹಕ್ಕು (ಆರ್ಟಿಇ) ಅಡಿ ಈ ವರ್ಷವೂ ಸೀಟುಗಳ ಸಂಖ್ಯೆ ಮತ್ತು ಶಾಲೆಗಳ ಸಂಖ್ಯೆಯಲ್ಲಿಕಡಿತವಾಗಿದ್ದು, ಆರ್ಟಿಇ ಅಡಿ ಖಾಸಗಿ ಶಾಲೆಗಳಿಗೆ ಮಕ್ಕಳನ್ನು ಸೇರಿಸುವ ಪಾಲಕರ ಕನಸು ನನಸಾಗುವುದು ಕಷ್ಟವಾಗಿದೆ.
ಸತತ ಎರಡನೇ ಶೈಕ್ಷಣಿಕ ವರ್ಷದಿಂದ ಈ ಪ್ರಕ್ರಿಯೆ ಜಾರಿಯಲ್ಲಿದ್ದು, ಪ್ರಸಕ್ತ ವರ್ಷ ಜಿಲ್ಲೆಯ 42 ಖಾಸಗಿ ಶಾಲೆಗಳನ್ನು ಮಾತ್ರ ಆರ್ಟಿಇ ಅಡಿ ತರಲಾಗಿದೆ. ಆ ಮೂಲಕ 338 ಸೀಟುಗಳನ್ನು ಮಾತ್ರ ಭರ್ತಿ ಮಾಡಿಕೊಳ್ಳಲು ಅವಕಾಶ ಕಲ್ಪಿಸಲಾಗಿದೆ.
2018-19ನೇ ಸಾಲಿನಲ್ಲಿಜಿಲ್ಲೆಯಲ್ಲಿ180 ಖಾಸಗಿ ಶಾಲೆಗಳನ್ನು ಆರ್ಟಿಇ ವ್ಯಾಪ್ತಿಗೆ ತರಲಾಗಿತ್ತು. 1200ಕ್ಕೂ ಹೆಚ್ಚು ಸೀಟು ಮೀಸಲಿಡಲಾಗಿತ್ತು. ಆದರೆ ಶಿಕ್ಷಣ ಇಲಾಖೆ ಬದಲಾದ ಮಾರ್ಗಸೂಚಿಯಿಂದ ಆರ್ಟಿಇ ವ್ಯಾಪ್ತಿಗೆ ಒಳಪಡುವ ಶಾಲೆಗಳು ಮತ್ತು ಸೀಟುಗಳು ಕಡಿತವಾದಂತಾಗಿದೆ.
ನಿಮಯಗಳಿಗೆ ತಿದ್ದುಪಡಿ :
2019-20ನೇ ಸಾಲಿನ ಶೈಕ್ಷಣಿಕ ವರ್ಷಾರಂಭದಲ್ಲಿಆರ್ಟಿಇ ನಿಯಮಗಳಿಗೆ ರಾಜ್ಯ ಸರಕಾರ ತಿದ್ದುಪಡಿ ತಂದಿದ್ದರಿಂದ ಆರ್ಟಿಇ ವ್ಯಾಪ್ತಿಗೆ ಒಳಪಡುವ ಶಾಲೆಗಳ ಸಂಖ್ಯೆಯಲ್ಲಿಇಳಿಕೆಯಾಗಿದೆ. ಹೊಸ ನಿಯಮದ ಪ್ರಕಾರ, ಗ್ರಾಮ ಅಥವಾ ವಾರ್ಡ್ ವ್ಯಾಪ್ತಿಯಲ್ಲಿಸರಕಾರಿ ಅಥವಾ ಅನುದಾನಿತ ಶಾಲೆಗಳು ಇದ್ದರೆ ಕಾಯ್ದೆ ಅಡಿಯಲ್ಲಿಖಾಸಗಿ ಶಾಲೆಗಳಿಗೆ ಅರ್ಜಿ ಸಲ್ಲಿಸಲು ಅವಕಾಶ ಇಲ್ಲ. ಇದರಿಂದ ಖಾಸಗಿ ಶಾಲೆ ಹಾಗೂ ಸೀಟುಗಳ ಸಂಖ್ಯೆಯಲ್ಲಿಗಣನೀಯವಾಗಿ ಕಡಿಮೆಯಾಗಿದೆ.
ಪ್ರಕ್ರಿಯೆ ಸ್ಥಗಿತ :
ಸದ್ಯ ಆರ್ಟಿಇ ಅಡಿ ಅರ್ಜಿ ಸಲ್ಲಿಕೆ ಪ್ರಕ್ರಿಯೆ ಮುಕ್ತಾಯವಾಗಿದ್ದು, ಲಭ್ಯವಿರುವ ಸೀಟುಗಳ ಸಂಖ್ಯೆಯಲ್ಲಿಪರಿಷ್ಕರಣೆ ನಡೆದಿದೆ. ಮೊದಲ ಸುತ್ತಿನಲ್ಲಿ174 ಮಕ್ಕಳ ಹೆಸರುಗಳ ಪಟ್ಟಿ ಬಿಡುಗಡೆಯಾಗಿದೆ. ಶೀಘ್ರ ಎರಡನೇ ಪಟ್ಟಿ ಬಿಡುಗಡೆಯಾಗಲಿದೆ ಎಂದು ಶಿಕ್ಷಣ ಇಲಾಖೆ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.
ಪಾಲಕರ ಮನವೊಲಿಕೆ :
2019-20ನೇ ಸಾಲಿನಲ್ಲಿ338 ಆರ್ಟಿಇ ಸೀಟುಗಳಲ್ಲಿ116 ಮಕ್ಕಳು ಮಾತ್ರ ದಾಖಲಾಗಿದ್ದರು. ಪ್ರಸಕ್ತ ಶೈಕ್ಷಣಿಕ ವರ್ಷದಲ್ಲಿರುವ 338 ಸೀಟುಗಳು ಭರ್ತಿಯಾಗುವಂತೆ ಶ್ರಮ ವಹಿಸಲಾಗುತ್ತಿದೆ. ಬಿಇಒ ಮೂಲಕ ಆರ್ಟಿಇ ಅಡಿ ಆಯ್ಕೆಯಾಗಿರುವ ಮಕ್ಕಳ ಪೋಷಕರನ್ನು ಸಂಪರ್ಕಿಸಿ ಶಾಲೆಗೆ ಸೇರಿಸುವಂತೆ ಮನವೊಲಿಸಲಾಗವುದು ಎನ್ನುತ್ತಾರೆ ಡಿಡಿಪಿಐ ಬಸವಲಿಂಗಪ್ಪ.
ಪ್ರವೇಶಕ್ಕೂ ನಿರಾಸಕ್ತಿ :
ಕೋವಿಡ್ -19 ಕಾರಣದಿಂದ ಶಾಲೆಗಳ ಪುನಾರಂಭದ ಬಗ್ಗೆ ಸರಕಾರ ಇನ್ನು ಸ್ಪಷ್ಟ ನಿರ್ಧಾರ ಕೈಗೊಳ್ಳದಿದ್ದರೂ ಆರ್ಟಿಇ ಅಡಿ ಮಕ್ಕಳ ಪ್ರವೇಶಾತಿ ಪ್ರಕ್ರಿಯೆಗೆ ಚಾಲನೆ ನೀಡಲಾಗಿದೆ. ಅದರಂತೆ 2020-21ನೇ ಸಾಲಿನಲ್ಲಿ42 ಶಾಲೆಗಳ ಪೈಕಿ 338 ಸೀಟುಗಳಿದ್ದು, ಅದರಲ್ಲಿ174 ವಿದ್ಯಾರ್ಥಿಗಳು ಮಾತ್ರ ಆಯ್ಕೆಯಾಗಿದ್ದು, 63 ವಿದ್ಯಾರ್ಥಿಗಳು ಮಾತ್ರ ಪ್ರವೇಶ ಮಾಡಿಕೊಂಡಿದ್ದಾರೆ.