ಕಡ್ಲಿಗಿಡ..ರುಚಿ ನೋಡಿ..!

ಗದಗ: ನಗರದ ಮಾರುಕಟ್ಟೆಗೆ ಹಸಿ ಕಡಲೆ ಗಿಡಗಳು ಲಗ್ಗೆ ಇಟ್ಟಿದ್ದು, ಗ್ರಾಹಕರ ಖರೀದಿ ಭರಾಟೆ ಜೋರಾಗಿದೆ. ಅದರಲ್ಲೂಚಳಿಗಾಲ ಆರಂಭವಾಗುತ್ತಿದ್ದಂತೆ ಹಸಿ ಕಡಲೆ ಬರುತ್ತವೆ. ಆರಂಭದಲ್ಲಿಬೆಲೆ ದುಬಾರಿಯಾದರೂ ಸಹ ಖರೀದಿ ಭರಾಟೆ ಜೋರಾಗಿದೆ.

ಡಿಸೆಂಬರ್‌, ಜನವರಿ ತಿಂಗಳು ಬಂದರೆ ಚಳಿಯಿಂದ ಪಾರಾಗಲು ಬಿಸಿಲು ಕಾಯಿಸುವುದು. ನಾನಾ ಕರಿದ ಹಾಗೂ ಕುರುಕುಲು ಪದಾರ್ಥಗಳ ತಿನ್ನುವ ಜತೆಗೆ ಮಧ್ಯಾಹ್ನ ಮತ್ತು ಸಂಜೆ ಊರಿಗೆ ಹೋಗಲು ಬಸ್‌ ನಿಲ್ದಾಣಕ್ಕೆ ಬಂದರೆ ಜನರಿಗೆ ಕಡಲೆಕಾಯಿ ಬಾಯಾಡಿಸಬೇಕು ಎಂದೆನಿಸುತ್ತದೆ .

ಎಲ್ಲೆಲ್ಲಿಮಾರಾಟ:
ನಗರದ ಕೇಂದ್ರ ಬಸ್‌ ನಿಲ್ದಾಣ, ಮಾರುಕಟ್ಟೆ, ಗಾಂಧಿವೃತ್ತ, ರೈಲ್ವೆ ಸ್ಟೇಷÜನ್‌, ಭೂಮರಡ್ಡಿ ಸರ್ಕಲ್‌, ಬೆಟಗೇರಿ ಭಾಗ, ನಗರಸಭೆ, ಎಪಿಎಂಸಿ ಮಾರುಕಟ್ಟೆ ಸೇರಿದಂತೆ ನಾನಾ ಕಡೆಗಳಲ್ಲಿತಳ್ಳುಗಾಡಿಯಲ್ಲಿನಿತ್ಯ ಹಸಿ ಕಡಲೆ ಮಾರಾಟ ಮಾಡಲಾಗುತ್ತಿದೆ. ಗ್ರಾಮೀಣ ಭಾಗದಲ್ಲಿಹೆಚ್ಚು ಕಡಲೆ ಬಿತ್ತನೆ ಮಾಡಿದ್ದರಿಂದ ಹಸಿ ಕಡಲೆಗೆ ಮುಂದಿನ ದಿನಗಳಲ್ಲಿಬೇಡಿಕೆ ಕಡಿಮೆ ಆಗಬಹುದು.

ಕೆಜಿಗೆ 45 -60ರೂ.:
ನಗರದ ಬಸ್‌ ನಿಲ್ದಾಣ ಹಾಗೂ ಮಾರುಕಟ್ಟೆ, ಪ್ರಮುಖ ವೃತ್ತದಲ್ಲಿಹಸಿ ಕಡಲೆ ಗಿಡ 5 ರೂ.ಗೆ ಒಂದು ಕಟ್‌, 10 ರೂ.ಗೆ 3 ಕಟ್‌ ಮಾರಲಾಗುತ್ತಿದೆ. ಮಾರುಕಟ್ಟೆ ಪಕ್ಕದಲ್ಲಿಕೆಜಿ ಗೆ 60 ರೂ. ದರದಲ್ಲಿಮಾರಾಟ ಮಾಡಲಾಗುತ್ತಿದೆ. ನಗರದ ಬೀದಿಗಳ ತಳ್ಳುಗಾಡಿಗಳಲ್ಲಿಕೆ.ಜಿ.ಗೆ 45 ರಿಂದ 50 ರೂ.ಗೆ ಮಾರಾಟ ಮಾಡಲಾಗುತ್ತಿದೆ. ಹಾವೇರಿ ಧಾರವಾಡ ಹಾಗೂ ಸ್ಥಳೀಯ ಭಾಗದಿಂದ ತರಲಾಗುತ್ತಿದೆ. ಅಲ್ಲಿಂದ ನಾವು ಹೆಚ್ಚಿನ ಬೆಲೆಗೆ ಖರೀದಿಸಬೇಕಾಗುತ್ತಿದೆ. ಹಸಿ ಕಡಲೆಕಾಯಿ ಪ್ರತಿ ವಷÜರ್‍ ನವೆಂಬರ್‌ನಿಂದ ಫೆಬ್ರವರಿವರಗೆ ಮಾರುಕಟ್ಟೆಗೆ ಆಗಮಿಸುತ್ತದೆ. ಚಳಿಗಾಲದ ಸಮಯದಲ್ಲಿಹಸಿ ಕಡಲೆಕಾಯಿಗೆ ಎಲ್ಲಿಲ್ಲದ ಬೇಡಿಕೆಯೂ ಇರುತ್ತದೆ.

ಜಿಲ್ಲೆಯಲ್ಲಿಕಡಲೆ ಪ್ರಮಾಣ ಹೆಚ್ಚು:
ಪ್ರಸಕ್ತ ವರ್ಷ ಜಿಲ್ಲೆಯಲ್ಲಿಹಿಂಗಾರು ಮಳೆ ಚೆನ್ನಾಗಿ ಆಗಿರುವುದರಿಂದ ಹಿಂಗಾರಿನಲ್ಲಿಚಳಿ ಹೆಚ್ಚಾಗಿ ಬೀಳುವುದರಿಂದ ಕಡಲೆ ಬೆಳೆ ಚೆನ್ನಾಗಿ ಬಂದಿದೆ. ಹಸಿ ಕಡಲೆಕಾಯಿ ಚೆನ್ನಾಗಿದ್ದು, ಗ್ರಾಹಕರನ್ನು ಖರೀದಿಸುವಂತೆ ಮಾಡುತ್ತಿದೆ.