ಸ್ವಯಂ ಪ್ರೇರಿತ ರಕ್ತದಾನ ಅಗತ್ಯ

ಗಜೇಂದ್ರಗಡ : ಸ್ವಾಮಿ ವಿವೇಕಾನಂದರ ತತ್ವಾದರ್ಶ ನಿತ್ಯ ಬದುಕಿನಲ್ಲಿ ಅಳವಡಿಕೊಳ್ಳುವುದರ ಜತೆಗೆ ಸ್ವಯಂ ಪ್ರೇರಿತರಾಗಿ ರಕ್ತದಾನ ಮಾಡಲು ಯುವ ಸಮೂಹ ಮುಂದಾಗಬೇಕು ಎಂದು ಸ್ನೇಹಾ ಮಹಿಳಾ ಮಂಡಳ ಅಧ್ಯಕ್ಷೆ ಸಂಯುಕ್ತಾ ಬಂಡಿ ಹೇಳಿದರು.

ಸ್ಥಳೀಯ ಸರಕಾರಿ ಆಸ್ಪತ್ರೆಯಲ್ಲಿ ಶನಿವಾರ ಸ್ವಾಮಿ ವಿವೇಕಾನಂದ ಜಯಂತಿ ಪ್ರಯುಕ್ತ ಶಾಸಕ ಕಳಕಪ್ಪ ಬಂಡಿ ಅಭಿಮಾನ ಬಳಗದಿಂದ ರಕ್ತದಾನ ಶಿಬಿರ ಸಮಾರಂದ ಅಧ್ಯಕ್ಷ ತೆ ವಹಿಸಿ ಮಾತನಾಡಿದರು.

ಸಾವು ಬದಕಿನ ಮಧ್ಯೆ ಹೋರಾಟ ನಡೆಸಿದವರನ್ನು ಬದುಕಿಸಲು ರಕ್ತದಾನ ಮಾಡುವುದು ಸಮಾಜಮುಖಿ ಕಾರ್ಯದಲ್ಲಿ ಒಂದಾಗಿದೆ ಎಂದರು.

ತಾಲೂಕು ವೈದ್ಯಾಧಿಕಾರಿ ಎಂ.ಬಿ. ಪಾಟೀಲ, ಸಂಪತ್‌ಕುಮಾರ ಚಲವಾದಿ, ಕೆ.ಎ. ಹಾದಿಮನಿ ಮಾತನಾಡಿದರು.ಮತ್ತೊಂದು ಜೀವ ಉಳಿಸಿದ ಶ್ರೇಯಸ್ಸು ರಕ್ತದಾನಿಗೆ ಸಲ್ಲುತ್ತದೆ ಎಂದರು. ಭಾಸ್ಕರ್‌ ರಾಯಬಾಗಿ, ರಾಜೇಂದ್ರ ಘೋರ್ಪಡೆ, ಶರಣಪ್ಪ ರೇವಡಿ, ಶರಣಪ್ಪ ಉಪ್ಪಿನಬೆಟಗೇರಿ, ಸುಭಾಷ ಮ್ಯಾಗೇರಿ, ಯು.ಆರ್‌. ಚೆನ್ನಮ್ಮನವರ, ಸಿದ್ದಪ್ಪ ಚೋಳಿನ, ಕೌಸರಬಾನು ಹುನಗುಂದ, ಬಾಳು ಗೌಡರ, ವೈದ್ಯಾರಾದ ಸಂಗಮೇಶ ಬಂಕದ, ಮಹೇಶ ಚೋಳಿನ, ಸುನೀಲ ಹಬೀಬ, ಬಸವರಾಜ ನಾಲಗಟ್ಟಿ, ಅಶೋಕ ಕೋಳಿವಾಡ, ಉಪಸ್ಥಿತರಿದ್ದರು. 70 ದಾನಿಗಳು ಮಡಿದ ರಕ್ತವನ್ನು ಜಿಲ್ಲಾ ವೈದ್ಯಕೀಯ ವಿಜ್ಞಾನಗಳ ಸಂಸ್ಥೆ, ಜಿಲ್ಲಾ ರಕ್ತನಿಧಿ ಕೇಂದ್ರಕ್ಕೆ ಕಳಿಸಲಾಯಿತು.