ನಳದಲ್ಲಿ ಬಂತು ಹಾವು !

ನರಗುಂದ: ಸತತ ಮಳೆಯಿಂದ ಹಲವು ವಿಷ ಜಂತುಗಳು ಕಂಡು ಬುರುವುದು ಸಹಜ. ಆದರೆ ನಳದಲ್ಲಿಹಾವು ಬಂದ ಅಚ್ಚರಿಯ ಘಟನೆ ಇಲ್ಲಿನ ವಿನಾಯಕ ನಗರದಲ್ಲಿಭಾನುವಾರ ಕಂಡು ಬಂದಿದೆ.

ನಿತ್ಯದಂತೆ ಬಕೆಟ್‌ನಲ್ಲಿ24*7 ನಳದಲ್ಲಿನೀರು ಹಿಡಿಯುವ ಸಂದರ್ಭದಲ್ಲಿಬಕೆಟ್‌ನಲ್ಲಿಮಿಡಿ ನಾಗರ ಹಾವು ಬಿದ್ದಿರುವುದು ಕಂಡು ವಿನಾಯಕ ನಗರದ ನಿವಾಸಿ ಶಿಕ್ಷಕ ಮಾಂತೇಶ ಸಂಗಳಮಠ ಗಾಬರಿಗೊಂಡಿದ್ದಾರೆ. ಮೊದಲಿನಂತೆ 8ದಿನ, 10ದಿನಕ್ಕೆ ಬರುತ್ತಿದ್ದ ನೀರು ಈಗ 24*7 ಕುಡಿಯುವ ನೀರಿನ ಯೋಜನೆಯಿಂದ ನಿತ್ಯವೂ ನೀರು ಬರುತ್ತದೆ. ಇಂತಹ ಸಂದರ್ಭದಲ್ಲಿನಳದಲ್ಲಿ ಹಾವಿನ ಮರಿ ಬಂದಿರುವುದು ಅಕ್ಕಪಕ್ಕದ ಜನರಿಗೂ ಅಚ್ಚರಿ ಹಾಗೂ ಭಯವನ್ನುಂಟು ಮಾಡಿದೆ.

ನಗರದಲ್ಲಿ24*7 ಪೈಪ್‌ಗಳು ಸೋರಿಕೆ ಹೆಚ್ಚಾಗಿ ನೀರು ಪೋಲಾಗುತ್ತಿದ್ದರೂ ಕ್ರಮ ಕೈಗೊಳ್ಳುತ್ತಿಲ್ಲ. ಇಂತಹ ಸಂದರ್ಭದಲ್ಲಿಮರಿ ಹಾವು ಒಡೆದ ಪೈಪ್‌ಗಳಲ್ಲಿಅಥವಾ ನಲ್ಲಿಗಳಲ್ಲಿಸೇರಿಕೊಂಡು ಹರಿದು ಬಂದಿರಬಹುದು. ವಿನಾಯಕ ನಗರಕ್ಕೆ ಹೊಂದಿಕೊಂಡು ಹಾಲಬಾವಿ ಕೆರೆ ಸುತ್ತ ಗಲೀಜು ಇದ್ದು ಇಲ್ಲಿವಿಷ ಜಂತುಗಳು ಹೆಚ್ಚಾಗಿವೆ ಎಂಬ ಮಾತುಗಳು ಜನರಲ್ಲಿಕೇಳಿ ಬರುತ್ತಿದೆ.