ಮಕ್ಕಳಲ್ಲಿಯ ಕಲೆ ಹೊರಬರಲು ಶ್ರಮಿಸಿ

ಕೊಣ್ಣೂರ: ಮಕ್ಕಳು ದೇವರ ಸಮಾನ ಆ ಮಕ್ಕಳಲ್ಲಿಹಲವು ರೀತಿಯ ಕಲೆ ಅಡಗಿರುತ್ತವೆ. ಆ ಕಲೆಯನ್ನು ಬೆಳಕಿಗೆ ತರಲು ಶಿಕ್ಷಕರು ಶ್ರಮಿಸಬೇಕು ಎಂದು ಭೈರನಹಟ್ಟಿಯ ಶ್ರೀ ಶಾಂತಲಿಂಗ ಸ್ವಾಮೀಜಿ ಹೇಳಿದರು.

ಅವರು ಸಮೀಪದ ಶಿರೋಳ ಎಸ್‌.ಎನ್‌.ಗಾಡಿ ಪ್ರಾಥಮಿಕ ಶಿಕ್ಷಣ ಸಂಸ್ಥೆ , ಸಾರ್ವಜನಿಕ ಶಿಕ್ಷಣ ಇಲಾಖೆ ಗದಗ, ಕ್ಷೇತ್ರ ಶಿಕ್ಷಣಾಧಿಧಿಕಾರಿ ಕಾರ್ಯಾಲಯ ,ಕ್ಷೇತ್ರ ಸಮನ್ವಯಾಧಿಕಾರಿ ಕಾರ್ಯಾಲಯ ನರಗುಂದ ಆಶ್ರಯದಲ್ಲಿಹಮ್ಮಿಕೊಂಡ ಶಿರೋಳ ಕ್ಲಸ್ಟರ್‌ ಮಟ್ಟದ ಶಾಲೆಗಳ ಪ್ರತಿಭಾ ಕಾರಂಜಿ ಹಾಗೂ ಕಲೋತ್ಸವ ಕಾರ್ಯಕ್ರಮದಲ್ಲಿಮಾತನಾಡಿದರು. ಮಕ್ಕಳು ಶ್ರಮಪಟ್ಟು ಅಭ್ಯಾಸ ಮಾಡಬೇಕು ಎಂದರು.

ಕ್ಷೇತ್ರ ಸಂಪನ್ಮೋಲ ಅಧಿಧಿಕಾರಿ ರವಿ ಕಟ್ಟಿಮನಿ ಮಾತನಾಡಿ, ಮಕ್ಕಳಿಗೆ ಕೇವಲ ನಾಲ್ಕು ಗೋಡೆಗಳ ಮಧ್ಯ ಶಿಕ್ಷಣ ನೀಡಿದರೆ ಸಾಲದು. ಅದು ಗಾಳಿ, ಬೆಳಕು, ನೀರು ಸಿಗುವ ಪರಿಸರದಲ್ಲಿ ಮಗು ಬೆಳೆದಾಗ ಮಾತ್ರ ಹೊಸ ಕಲೆ ಸೃಷ್ಟಿಯಾಗುತ್ತವೆ ಎಂದರು.

ಸಂತ್ರಸ್ತ ಕುಟುಂಬಗಳಿಗೆ ಒಟ್ಟು 26 ನಿರಾಶ್ರಿತ ಕುಟುಂಬಕ್ಕೆ ಎಸ್‌. ಎನ್‌.ಗಾಡಿ ಶಿಕ್ಷಣ ಸಂಸ್ಥೆಯಿಂದ 2000 ರೂ. ಗಳ ಚೆಕ್‌ ವಿತರಿಸಲಾಯಿತು.

ಶಿರೋಳ ಗ್ರಾಪಂ ಉಪಾಧ್ಯಕ್ಷೆ ಶೇಖವ್ವ ಯಲಿಬಳ್ಳಿ,ಎಂ.ಎಸ್‌.ಯಾದವಾಡ,ಮರೆಗುದ್ದಿ,ಜಗದೀಶ ವಸ್ತ್ರದ,ಸೋಮಶೇಖರಯ್ಯ ವಸ್ತ್ರದ,ಶೇಖಣ್ಣ ಗಟ್ಟಿ,ಬಿ.ಜಿ.ಕರಕಿಕಟ್ಟಿ,ಮಹಾಬಲೇಶ ಕೊಡಬಳ್ಳಿ,ಮಲ್ಲಣ್ಣ ಜಾಬಣ್ಣವರ,ಡಿ.ವೈ.ಶಾಂತಗೇರಿ, ಶಿವಾನಂದ ಸೊಪ್ಪಿನ ಇದ್ದರು.