ಕೃಷಿ, ಹೈನುಗಾರಿಕೆಯಿಂದ ಲಾಭ ಪಡೆಯಿರಿ

ಡಂಬಳ : ಹಲವು ವರ್ಷಗಳ ಕೃಷಿ ಕ್ಷೇತ್ರದ ಅನುಭವದಿಂದ ಅವಿದ್ಯಾವಂತರು ಪ್ರಗತಿಪರ ರೈತರಾಗಿ ಆರ್ಥಿಕ ಸುಧಾರಣೆಯಾಗಿದ್ದು ವಿದ್ಯಾವಂತರು ಉದ್ಯೋಗವಿಲ್ಲದೆ ಪರದಾಡುವ ಬದಲು ತಮ್ಮಲ್ಲಿನ ಜ್ಞಾನ ಬಳಸಿಕೊಂಡು ಕೃಷಿ, ಹೈನುಗಾರಿಕೆ ವೃತ್ತಿಯಲ್ಲಿ ನಿರತರಾದರೆ ಸರಕಾರಿ ಖಾಸಗಿ ಕಂಪನಿಯಲ್ಲಿ ದುಡಿಯುವ ನೌಕರರ ಸಂಬಳಕ್ಕಿಂತ ಪ್ರತಿ ತಿಂಗಳು ಉತ್ತಮ ಆದಾಯ ಪಡೆಯಬಹುದೆಂದು ತೋಂಟದ ಡಾ.ಸಿದ್ದರಾಮ ಸ್ವಾಮಿಗಳು ಹೇಳಿದರು.

ಗ್ರಾಮದಲ್ಲಿ ತೋಂಟದಾರ್ಯ ಜಾತ್ರಾ ಮಹೋತ್ಸವ ಅಂಗವಾಗಿ ಕೃಷಿ ಇಲಾಖೆಯಿಂದ ಆಯೋಜನೆ ಮಾಡಿರುವ ಕೃಷಿ ವಸ್ತು ಪ್ರದರ್ಶನ ಚಾಲನೆ ನೀಡಿ ಮಾತನಾಡಿ, ನಿವೃತ್ತಿ ಹೊಂದಿದ ನೌಕರರು, ಎಂಜನಿಯರ್‌, ಪದವಿ ಸ್ನಾತಕೋತ್ತರ ಪದವಿ ಪಡೆದ ನೂರಾರು ಯುವಕರು ಕೃಷಿ,ತೋಟಗಾರಿಕೆ, ಹೈನುಗಾರಿಕೆ,ಮೀನುಗಾರಿಕೆ, ಕುರಿ ಸಾಕಾಣಿಕೆಯಲ್ಲಿ ವೃತ್ತಿ ಕೈಗೊಂಡು ಉತ್ತಮ ಆಧಾಯವನ್ನು ಪಡೆಯುತ್ತಿದ್ದು ಹಲವು ಕೂಲಿ ಕಾರ್ಮಿಕರಿಗೂ ಉದ್ಯೋಗವನ್ನು ನೀಡಿದ್ದಾರೆ ಹೀಗಾಗಿ ವೈಜ್ಞಾನಿಕ ರೀತಿಯಲ್ಲಿ ಸುಧಾರೀತಿ ತಳಿಯ ಬೀಜಗಳನ್ನು ಬಿತ್ತನೆ ಮಾಡಿ ವಿವಿಧ ಬೆಳೆಗಳನ್ನು ಬೆಳೆಯಬೇಕು ವಿಶೇಷವಾಗಿ ರೈತರು ಸಾವಯವ ಕೃಷಿಗೆ ಆದ್ಯತೆ ನೀಡಬೇಕೆಂದು ಸಲಹೆ ನೀಡಿದರು.

ಕೃಷಿ ಅಧಿಕಾರಿ ಎಸ್‌.ಬಿ ರಾಮೇನಹಳ್ಳಿ ಸಾವಯವ ಭಾಗ್ಯ ಯೋಜನೆ, ಆಧುನಿಕ ಕೃಷಿಯಲ್ಲಿ ಯಾಂತ್ರಿಕರಣ, ಭೂ ಚೇತನ ಯೋಜನೆ, ಕೃಷಿ ಭಾಗ್ಯ ಯೋಜನೆ,ತೋಟಗಾರಿಕೆ ಇಲಾಖೆ ಯೋಜನೆಗಳು,ಮಣ್ಣು ಆರೋಗ್ಯ ಅಭಿಯಾನ, ಪ್ರಧಾನ ಮಂತ್ರಿ ಫಸಲ ವಿಮಾ ಯೋಜನೆ, ಮಣ್ಣು ಪರೀಕ್ಷಾ ಯೋಜನೆಗಳು, ಮೀನುಗಾರಿ ಸೇರಿದಂತೆ ಕೇಂದ್ರ ಹಾಗೂ ರಾಜ್ಯ ಸರಕಾರದ ಯೋಜನೆಗಳ ಕುರಿತು ಮಾಹಿತಿ ನೀಡಿದರು.

ಜಾತ್ರಾ ಕಮೀಟಿ ಉಪಾಧ್ಯಕ್ಷ ಗವಿಸಿದ್ದಪ್ಪ ಬಿಸನಹಳ್ಳಿ, ಮಠದ ವ್ಯವಸ್ಥಾಪಕ ಜಿ.ವಿ.ಹಿರೇಮಠ.ಸಿ.ಆರ್‌. ಹಿರೇಮಠ, ಮರಿತಮ್ಮಪ್ಪ ಆದಮ್ಮನವರ, ಜಿ.ವಿ.ನಂಜಪ್ಪನವರ, ತಾಪಂ ಮಾಜಿ ಉಪಾಧ್ಯಕ್ಷ ಎನ್‌.ಟಿ. ಪ್ಯಾಟಿ ಕೃಷಿ ಇಲಾಖೆಯ ಗೌರಿಶಂಕರ ಸಜ್ಜನ, ವೈ.ವೈ.ಬನ್ನಿಕೊಪ್ಪ, ಎಸ್‌.ಬಿ.ಸೂಡಿ, ಬಸವರಾಜ ಬೇವಿನಮರದ,ಬಸವರಾಜ ಪ್ಯಾಟಿ, ಎನ್‌.ಬಿ. ಹೊಸಳ್ಳಿ, ಆರ್‌.ಎಚ್‌. ಹಳೇಮನಿ,ಟಿ.ವಿ. ರಾಟಿ, ಮಹೇಶ ಕೊಳ್ಳಾರ, ಡಿ.ಡಿ ಸೂರಟೂರ, ಶಂಭು ಮರಿಚಣ್ಣನವರ ಇತರಿದ್ದರು.