ನಾರಾಯಣರಾವ್‌ ನಾಡಿನ ಕಣ್ಮಣಿ

ಗಜೇಂದ್ರಗಡ : ಉದಯವಾಗಲಿ ನಮ್ಮ ಚೆಲುವ ಕನ್ನಡ ನಾಡು ನಾಡಗೀತೆ ರಚಿಸಿದ ಹುಯಿಲಗೋಳ ನಾರಾಯಣರಾವ್‌ ಅವರು ಇಡೀ ಕನ್ನಡ ನಾಡಿನ ಕಣ್ಮಣಿಯಾಗಿದ್ದಾರೆ. ಅವರ ಕೊಡುಗೆ ಅಮೋಘ ಎಂದು ಉಪನ್ಯಾಸಕ ಡಿ.ಕೆ. ಕಟ್ಟಮನಿ ಹೇಳಿದರು.

ಸ್ಥಳೀಯ ಮೈಸೂರಮಠದಲ್ಲಿಶನಿವಾರ ಸಂಜೆ ಕನ್ನಡ ಸಾಹಿತ್ಯ ಪರಿಷತ್‌ದಿಂದ ನಡೆದ 170ನೇ ವಾರದ ಸಾಹಿತ್ಯ ಚಿಂತನಾಗೋಷ್ಠಿಯಲ್ಲಿಅವರು ಮಾತನಾಡಿದರು.

ಮುಂಬೈ ಕರ್ನಾಟಕ, ಹೈದ್ರಾಬಾದ ಕರ್ನಾಟಕ, ಮೈಸೂರ ಕರ್ನಾಟಕ ಪ್ರಾಂತಗಳಾಗಿ ಹರಿದು ಹಂಚಿ ಹೋಗಿದ್ದ ರಾಜ್ಯವನ್ನು ಒಂದುಗೂಡಿಸುವ ಮಹನೀಯರಲ್ಲಿಹುಯಿಲಗೋಳ ನಾರಾಯಣರಾವ್‌ ಒಬ್ಬರಾಗಿದ್ದಾರೆ. ಇಂತಹ ಮಹನೀಯರ ಭಾಷಾಭಿಮಾನ ಯುವಕರಿಗೆ ದಾರಿದೀಪ ಎಂದರು.

ಮಹಿಳಾ ಘಟಕ ಅಧ್ಯಕ್ಷೆ ಶರಣಮ್ಮಾ ಅಂಗಡಿ ಅಧ್ಯಕ್ಷತೆ ವಹಿಸಿದ್ದರು. ಕೆ.ಜಿ. ಸಂಗಟಿ, ಎಂ.ಎಸ್‌. ಮಕಾನದಾರ, ಹುಚ್ಚಪ್ಪ ಹಾವೇರಿ, ಸಂಗಮದ, ಕರ್ನಿ, ವಿರೇಶ ಅಕ್ಕಿ, ಅಶ್ವಥ ವಿಶ್ವಬ್ರಾಹ್ಮಣ, ಬಸವರಾಜ ಮುನವಳ್ಲಿ, ಜೂಲಕಟ್ಟಿ ಇತರರಿದ್ದರು.