ಗಣೇಶ ಮೂರ್ತಿಗೆ ಅಂತಿಮ ರೂಪ

ವೀರಪ್ಪ ಸಿದ್ದನಗೌಡರ
ಮುಳಗುಂದ : ಗಣೇಶ ಹಬ್ಬ ಬಂತೆಂದರೆ ಗಣೇಶ ಮೂರ್ತಿ ತಯಾರಿಸಲು ಕೆರೆಯ ಮಣ್ಣು ಹಾಗೂ ನೈಸರ್ಗಿಕ ಬಣ್ಣ ಬಳಸಿ ಸಿದ್ದಗೊಳಿಸುತ್ತಿರುವ ಪರಿಸರ ಸ್ನೇಹಿ ಗಣಪ ಮೂರ್ತಿಗಳ ತಯಾರಿಕೆ ಜೋರಾಗಿ ನಡೆಯುತ್ತದೆ.

ಸಮೀಪದ ಯಳವತ್ತಿ ಗ್ರಾಮದ ಕೇಶವ ಕಮ್ಮಾರ ಇವರು ಸುಮಾರು 35 ವರ್ಷಗಳ ಕಾಲ ಎಲ್ಲರ ಗಮನ ಸೇಳೆಯುವ ಮಣ್ಣಿನ ಗಣೇಶ ಮೂರ್ತಿ ತಯಾರಿಕೆ ಕಲಾವಿದನಾಗಿ ಎಲ್ಲರ ಕಣ್ಣು ಅರಳುವಂತೆ ಮಾಡಿದ್ದಾನೆ.

ಮಣ್ಣಿನ ಗಣೇಶ ಮೂರ್ತಿ ಕೆರಿ ಮಣ್ಣಿಗೆ ನೀರುಣಿಸಿ ಹದಗೊಳಿಸಿ ನಂತರ ದಿನಕ್ಕೆ ಒಂದು ಅಥವಾ ಎರಡು ಗಣೇಶ ಮೂರ್ತಿ ತಯಾರಿಸುತ್ತಾರೆ. ಇವರು ತಯಾರಿಸುವ ಗಣೇಶ ಮೂರ್ತಿಗೆ ಹೆಚ್ಚು ಬೇಡಿಕೆ ಇದೆ. ಈಗಾಗಲೆ ಪಟ್ಟಣದ ಜನರು ತಮಗೆ ಬೇಕಾದ ಗಣೇಶ ಮೂರ್ತಿ ಗುರುತಿಸಿ ಮುಂಗಡ ಹಣ ಪಾವತಿಸಿ ಹೊಗಿರುತ್ತಾರೆ.

ಸಣ್ಣ ಮೂರ್ತಿಗೆ 500 ರೂ.ದೊಡ್ಡ ಮೂರ್ತಿಗೆ 2500 ರೂ. ಗಳಿಗೆ ಮಾರಾಟ ಮಾಡಲಾಗುತ್ತಿದೆ ಎಂದು ಮೂರ್ತಿ ತಯಾರಕ ಕೇಶವ ಕಮ್ಮಾರ ಹೇಳುತ್ತಾರೆ.