ಮಹನೀಯರ ಸಂದೇಶ ಸಮಾಜಕ್ಕೆ ದಾರಿದೀಪ

ಗಜೇಂದ್ರಗಡ : ಸಾಹಿತ್ಯ ಕ್ಷೇತ್ರಕ್ಕೆ ಗುರುಪರಂಪರೆ ಕೊಡುಗೆ ಅಪಾರ. ಬಸವ, ಬುದ್ಧ, ಸರ್ವಜ್ಞ, ಸೂಪಿಗಳು, ದಾಸರಂತಹ ಮಹಾಮಹಿಮರ ಸಂದೇಶಗಳು ಸಮಾಜಕ್ಕೆ ದಾರಿದೀಪವಾಗಿವೆ ಎಂದು ತಾಲೂಕು ಆರೋಗ್ಯ ಶಿಕ್ಷಣಾಧಿಕಾರಿ ಕೆ.ಎ. ಹಾದಿಮನಿ ಹೇಳಿದರು.

ಸ್ಥಳೀಯ ಮೈಸೂರಮಠದಲ್ಲಿ ಕನ್ನಡ ಸಾಹಿತ್ಯ ಪರಿಷತ್‌ದಿಂದ ಶನಿವಾರ ಸಂಜೆ ನಡೆದ 157ನೇ ವಾರದ ಸಾಹಿತ್ಯ ಚಿಂತನಾಗೋಷ್ಠಿ ಕಾರ‍್ಯಕ್ರಮದಲ್ಲಿ ಅವರು ಮಾತನಾಡಿದರು.

ದಾರ್ಶನಿಕರು, ಮಹಾತ್ಮರ ಜೀವನ ಚರಿತ್ರೆ ಓದುವುದರಿಂದ ಬದುಕಿನ ಜಂಜಾಟಗಳನ್ನು ಕಾಯಕ ಮೂಲಕ ಹೋಗಲಾಡಿಸಲು ಸಾಧ್ಯ ಎಂಬುದನ್ನು ಅರಿಯಬಹುದು. ಸಮಾಜದಲ್ಲಿ ಸಾಮರಸ್ಯ ಬದಕು ನಿರ್ಮಾಣವಾಗಲಿದೆ ಎಂದರು.

ಕಸಾಪ ಅಧ್ಯಕ್ಷ ಐ.ಎ. ರೇವಡಿ ಮಾತನಾಡಿ, ಗುರು ಪರಂಪರೆಗೆ ವಿಶಿಷ್ಟವಾದ ಸ್ಥಾನವಿದೆ. ವಿದ್ಯೆ, ಬುದ್ಧಿ ಕಲಿಸಿದ ಗುರು ಬದುಕಿನ ಚಿತ್ರಣವನ್ನೇ ಬದಲಿಸುತ್ತಾನೆ. ಭವಿಷ್ಯದ ಭದ್ರ ಬುನಾದಿ ಹಾಕುವವರು ಗುರುಗಳು ಎಂದರು. ಶರಣಮ್ಮಾ ಅಂಗಡಿ, ಶಂಕರ್‌ ಕಲ್ಲಿಗನೂರ, ಪ್ರೋ. ಬಸವರಾಜ ಮುನವಳ್ಳಿ, ಎಸ್‌.ಎಸ್‌. ನರೇಗಲ್‌, ಕೆ.ಜಿ. ಸಂಗಟಿ, ಹುಚ್ಚಪ್ಪ ಹಾವೇರಿ, ಎಮ್‌.ಎಸ್‌. ಮಕಾನದಾರ, ಶರಣಪ್ಪ ಬೇವಿನಕಟ್ಟಿ, ದಾನಮ್ಮಾ ಪಟ್ಟೇದ, ಲಕ್ಷ್ಮಿ ಬಿದರಿ, ಚೈತ್ರಾ ವಿಶ್ವಬ್ರಾಹ್ಮಣ, ಹನುಮಂತಪ್ಪ ಭಜೆಂತ್ರಿ, ಶಿಕ್ಷ ಕ ನೂಲ್ವಿ ಇನ್ನಿತರು ಉಪಸ್ಥಿತರಿದ್ದರು.