ಕನ್ನಡದ ನೆಲ ಅತ್ಯಂತ ಶ್ರೇಷ್ಠ : ಗುಳೇದ

ಲಕ್ಷ್ಮೇಶ್ವರ: ಕನ್ನಡ ಬರೀ ಭಾಷೆಯಲ್ಲ. ಅದು ಈ ನೆಲದ ಸಂಸ್ಕೃತಿ, ಸಂಸ್ಕಾರ, ಪರಂಪರೆ ಸಾರುವ ಶಕ್ತಿಯಾಗಿದೆ ಎಂದು ಕೆಎಸ್‌ಆರ್‌ಟಿಸಿ ಚಾಲಕ ಹನಮಂತಪ್ಪ ಗುಳೇದ ಅಭಿಪ್ರಾಯಪಟ್ಟರು.

ರಾಜ್ಯೋತ್ಸವ ಅಂಗವಾಗಿ ಬಸ್‌ನ್ನು ತಳಿರು ತೋರಣ, ಕನ್ನಡದ ಧ್ವ್ವಜಗಳಿಂದ ಶೃಂಗರಿಸಿ ಬಾಲೆಹೊಸೂರ ಗ್ರಾಮಕ್ಕೆ ಬಂದ ವೇಳೆ ಗ್ರಾಮದ ಕರವೇ ಕಾರ್ಯಕರ್ತರು, ಗ್ರಾಮಸ್ಥರ

ವತಿಯಿಂದ ನಡೆದ ಸನ್ಮಾನ ಕಾರ‍್ಯಕ್ರಮದಲ್ಲಿಮಾತನಾಡಿದರು. ಕನ್ನಡದ ನೆಲ ಅತ್ಯಂತ ಶ್ರೇಷ್ಠ ಮತ್ತು ಪವಿತ್ರವಾಗಿದೆ. ಕನ್ನಡ ನಾಡು ನುಡಿಯನ್ನು ಮತ್ತಷ್ಟು ಶ್ರೀಮಂತಗೊಳಿಸುವಲ್ಲಿನುಡಿಗಿಂತ ನಡೆ ಮುಖ್ಯವಾಗಿದೆ. ರಾಜ್ಯೋತ್ಸವ ಆಚರಣೆ ನಿತ್ಯೋತ್ಸವವಾಗಬೇಕು ಎಂದರು.

ತಾಪಂ ಸದಸ್ಯರಾದ ನಿಂಗಪ್ಪ ಜಾಲವಾಡಗಿ, ಅಪ್ಪಣ್ಣ ಕುಬೇರ, ಡಾ. ಡಿ.ಡಿ. ಬಡೇಖಾನವರ, ಯಲ್ಲಪ್ಪ ಸೂರಣಗಿ, ಫಕ್ಕಿರೇಶ ಮ್ಯಾಟೆಣ್ಣವರ, ಬಸವರೆಡ್ಡಿ ಹನಮರೆಡ್ಡಿ, ಗ್ರಾಮದ ಕರವೇ ಘಟಕದ ರಾಜು ಬಾಲೆಹೊಸೂರ, ವಿನಾಯಕ ಶಿರೋಳ, ಶಿವು ಮಿಳ್ಳಿ, ಹಜರೇಸಾಬ ಮಾಚೇನಹಳ್ಳಿ, ಲೊಕೇಶ ಜಾಲವಾಡಗಿ, ಮಲ್ಲೇಶ ಯತ್ನಳ್ಳಿ, ಮಾರುತಿ ಸತ್ಯಮ್ಮನವರ, ಮಾಂತೇಶ ಮಾಗಿ, ಮಂಜು ಕಬ್ಬೇರ ಇದ್ದರು.