ಆದರ್ಶ ವ್ಯಕ್ತಿಗಳ ನಡೆ ದಾರಿದೀಪ

ಗಜೇಂದ್ರಗಡ : ಸ್ಥಳೀಯ ಸರಕಾರಿ ಹಿರಿಯ ಪ್ರಾಥಮಿ ಶಾಲೆ ನಂ5 ರಲ್ಲಿ ಸ್ವಾತಂತ್ರ್ಯ ಹೋರಾಟಗಾರ ಭಗತ್‌ಸಿಂಗ್‌, ರಾಜಗುರು,ಸುಖದೇವರವರ ಹುತಾತ್ಮ ದಿನ ಆಚರಿಸಲಾಯಿತು.

ಶಾಲಾ ಮೇಲುಸ್ತುವಾರಿ ಸಮಿತಿ ಅಧ್ಯಕ್ಷ ಮಾರುತಿ ಚಿಟಗಿ ಮಾತನಾಡಿ, ಭಗತ್‌ ಸಿಂಗ್‌ ಅಸಮಾನತೆ ಹೋಗಲಾಡಿಸಿ ಸಮಾನತೆ ಕನಸ್ಸು ಕಂಡವರು. ಸರ್ವರಿಗೂ ಶಿಕ್ಷ ಣ ಸರ್ವರಿಗೂ ಉದ್ಯೋಗದ ಜತೆಗೆ ಸಹಬಾಳ್ವೆಯೊಂದಿಗೆ ಎಲ್ಲರೂ ಜೀವನ ನಡೆಸುವಂತಾಗಬೇಕು.ಬ್ರಿಟಿಷರನ್ನು ಹೊಡೆದೊಡಿಸಿ ದೇಶದಲ್ಲಿ ಸಮಾನತೆಯ ಮಂತ್ರ ಜಪಿಸಿದವರು. ಇಂತಹ ಆದರ್ಶ ವ್ಯಕ್ತಿಯ ವಿಚಾರವನ್ನು ವಿದ್ಯಾರ್ಥಿಗಳು ಅಳವಡಿಸಿಕೊಂಡು ಉತ್ತಮ ನಾಗರಿಕರಾಗಬೇಕು ಎಂದರು.

ದಾವಲಸಾಬ ತಾಳಿಕೋಟಿ ಮಾತನಾಡಿ, ಕ್ರಾಂತಿಕಾರಿ ಸ್ವಾತಂತ್ರ ಹೊರಾಟಗಾರ ಭಗತ್‌ಸಿಂಗ್‌ ಹೋರಾಟದ ಮೂಲಕ ಬ್ರಿಟಿಷರಿಗೆ ಸಿಂಹಸ್ವಪ್ನವಾಗಿದ್ದರು. ಭಗತ್‌ಸಿಂಗ್‌ ಆದರ್ಶಗಳನ್ನು ವಿದ್ಯಾರ್ಥಿಗಳು ಆಳವಡಿಸಿಕೊಳ್ಳಬೇಕು. ಭಗತ್‌ಸಿಂಗ್‌ ಅವರ ತ್ಯಾಗ, ಬಲಿದಾನ ದೇಶದ ಜನ ಎಂದು ಮರೆಯಲು ಸಾಧ್ಯವಿಲ್ಲ ಎಂದರು.

ಆರಂಭದಲ್ಲಿ ಪೌರಾಡಳಿತ ಸಚಿವ ಶಿವಳ್ಳಿಯವರಿಗೆ ಶ್ರದ್ಧಾಂಜಲಿ ಸಲ್ಲಿಸಲಾಯಿತು. ಮುಖ್ಯ ಶಿಕ್ಷ ಕಿ ಎಸ್‌.ಡಿ.ಸವದತ್ತಿ ಮಾತನಾಡಿದರು.ರೇಣುಕಾ ಇಟಗಿ, ಬಿ.ಎ.ಕುಲಕರ್ಣಿ, ಡಿ.ವಿ.ಕಳ್ಳಿ, ಸಾವಿತ್ರಿ ಪವಾರ ಉಪಸ್ಥಿತರಿದ್ದರು.