ಸೆಡ್ಡು ಹೊಡೆದ ಪೈಲ್ವಾನರು

ಗದಗ: ಅಲ್ಲಿಯುವ ಜಟ್ಟಿಗಳ ಕುಸ್ತಿ ಕಾಳಗದ ಕಸರತ್ತು ಬಲು ರೋಮಾಂಚಕವಾಗಿತ್ತು. ಕ್ರೀಡಾಪಟುಗಳ ಜಂಗಿ ಕುಸ್ತಿ ಪಂದ್ಯದ ಜಟಾಪಟಿ ನೋಡುಗರಲ್ಲಿಉತ್ಸಾಹ ಮೂಡಿಸಿತ್ತು. ಅಖಾಡಕ್ಕೆ ಧುಮುಕಿದ ಜಟ್ಟಿಗಳು ತೊಡೆ ತಟ್ಟಿ ಮದ ಗಜಗಳಂತೆ ಕಾದಾಡಿದರು...

ಇದು ಜಿಲ್ಲೆಯಲ್ಲಿಗ್ರಾಮೀಣ ಕ್ರೀಡೆ ಉಳಿಸುವ ನಿಟ್ಟಿನಲ್ಲಿಇಲ್ಲಿಯ ಕೆ.ಎಚ್‌. ಪಾಟೀÇ ಜಿಲ್ಲಾಕ್ರೀಡಾಂಗಣದ ಕುಸ್ತಿ ಮನೆಯಲ್ಲಿಬೆಳಗಾವಿ ವಿಭಾಗ ಮಟ್ಟದ ದಸರಾ ಸಿಎಂ ಕಪ್‌ ಕ್ರೀಡಾಕೂಟದ ಕುಸ್ತಿ ಪಂದ್ಯಾವಳಿ ಆಯೋಜಿಸಲಾಗಿತ್ತು. ಬೆಳಗಾವಿ ವಿಭಾಗದ ಮಟ್ಟದ ಏಳು ಜಿಲ್ಲೆಗಳಾದ ಗದಗ, ಹಾವೇರಿ, ಬೆಳಗಾವಿ, ಧಾರವಾಡ, ಕಾರವಾರ, ವಿಜಯಪುರ, ಬಾಗಲಕೋಟಿ ಜಿಲ್ಲೆಗಳಿಂದ ಆಗಮಿಸಿದ್ದ ಕುಸ್ತಿ ಪಟುಗಳು ಸೋಲು-ಗೆಲುವನ್ನು ಲೆಕ್ಕಿಸದೇ ಕಾದಾಡಿ ನೆರೆದಿದ್ದವರನ್ನು ರಂಜಿಸಿದರು.

ಕುಸ್ತಿ ಪಂದ್ಯಾವಳಿ ವೀಕ್ಷಿಸಲು ಕುಸ್ತಿ ಮೈದಾನದ ಸುತ್ತಲೂ ಕುಳಿತಿದ್ದ, ನಿಂತಿದ್ದ ಕುಸ್ತಿ ಪ್ರೇಮಿಗಳು ಚಪ್ಪಾಳೆ ತಟ್ಟುವ ಮೂಲಕ ತಮ್ಮ ನೆಚ್ಚಿನ ಕುಸ್ತಿಪಟುಗಳಿಗೆ ಹುರಿದುಂಬಿಸುತ್ತಿದ್ದರು.

ಮೂರು ಹಂತದ 10 ವಿಭಾಗಗಳು:
ಮಹಿಳೆಯರ ಹಾಗೂ ಪುರುಷರ ಫ್ರೀಸ್ಟೈಲ್‌, ಗ್ರಿಕೋ ರೋಮ… ಎಂಬ 3 ಹಂತದ 10 ವಿಭಾಗಗಲ್ಲಿಈ ಸ್ಪರ್ಧೆ ನಡೆಯಲಿದೆ. ಇದರಲ್ಲಿಆಯ್ಕೆಯಾದ ಕ್ರೀಡಾಪಟುಗಳು ರಾಜ್ಯ ಮಟ್ಟದ ದಸರಾ ಕ್ರೀಡಾಕೂಟದಲ್ಲಿಭಾವಗಹಸುವರು. ರಾಜ್ಯದ 7ಜಿಲ್ಲೆಯ 180 ಬಾಲಕರು ಹಾಗೂ 45 ಬಾಲಕಿಯರು ಸೇರಿ ಒಟ್ಟು 225 ವಿದ್ಯಾರ್ಥಿಗಳು 11 ಜನ ನಿರ್ಣಾಯಕರು ಈ ಕ್ರೀಡಾಕೂಟದಲ್ಲಿಭಾಗವಹಿಸಿದ್ದರು.

ಬೆಳಗಾವಿ ವಿಭಾಗದ 7 ಜಿಲ್ಲೆಗಳಿಂದ ಪ್ರಥಮ ಸ್ಥಾನ ಪಡೆದ ಪುರುಷರ ವಿಭಾಗದ 57 ಕೆಜಿ, 61 ಕೆಜಿ, 65 ಕೆಜಿ, 70 ಕೆಜಿ, 74 ಕೆಜಿ, 79 ಕೆಜಿ, ಹಾಗೂ 86 ಕೆಜಿ ಕುಸ್ತಿ ಕ್ರೀಡಾಪಟುಗಳು, ಮಹಿಳಾ ವಿಭಾಗದ 50 ಕೆಜಿ 53 ಕೆಜಿ, 55 ಕೆಜಿ , 57 ಕೆಜಿ , 59 ಕೆಜಿ 62 ಕೆಜಿ, 65 ಕೆಜಿ, 68 ಕೆಜಿ , 72 ಕೆಜಿ , 76 ಕೆಜಿ ವಿಭಾಗದಲ್ಲಿಭಾಗವಹಿಸಿದ್ದರು. ಈ ಬೆಳಗಾವಿ ವಿಭಾಗದ ದಸರಾ ಸಿಎಂ ಕಪ್‌ ಕ್ರೀಡಾಕೂಟಕ್ಕೆ ಇಲ್ಲಿಂದ 30 ಕುಸ್ತಿ ಪಟುಗಳು ರಾಜ್ಯ ಮಟ್ಟದ ದಸಾರ ಕ್ರೀಡಾಕೂಟಕ್ಕೆ ಆಯ್ಕೆಯಾಗುತ್ತಾರೆ. ಇದರಲ್ಲಿಇಪ್ಪತ್ತು ಬಾಲಕರು ಹಾಗೂ ಹತ್ತು ಬಾಲಕಿಯರು ಆಯ್ಕೆ ಆಗುತ್ತಾರೆ.

ಪ್ರೇಕ್ಷಕರ ಕೊರತೆ:
ಜಿಲ್ಲೆಯಲ್ಲಿನಡೆದ ಬೆಳಗಾವಿ ವಿಭಾಗ ಮಟ್ಟದ ದಸರಾ ಸಿಎಂ ಕಪ್‌ ಕ್ರೀಡಾಕೂಟದ ಕುಸ್ತಿ ಪಂದ್ಯಾವಳಿಗೆ ಪ್ರೇಕ್ಷಕರ ಕೊರತೆ ಕಾಡುತ್ತಿತ್ತು. ದಸರಾ ಕುಸ್ತಿ ಕ್ರೀಡಾಕೂಟವು ಭಾನುವಾರ ನಡೆದರೂ ಸಹ ಪ್ರೇಕರ ಕೊರತೆ ಕಾಡುತ್ತಿತ್ತು.

ರಾಜ್ಯ ಮಟ್ಟಕ್ಕೆ ಆಯ್ಕೆಯಾದ ಮಹಿಳಾ ಕ್ರೀಡಾಪಟುಗಳು:
ಮಹಿಳೆಯರ ಪ್ರೀ ಸ್ಟೈಲ್‌ ಪಂದ್ಯಾವಳಿಯಲ್ಲಿ50ಕೆಜಿ ವಿಭಾಗದಲ್ಲಿಬಸೀರಾ ವಕಾರದ ಪ್ರಥಮ ಗದಗ, ಮಮತಾ ಕೀಲೋಜಿ ದ್ವಿತೀಯ ಕಾರವಾರ, 53 ಕೆಜಿ ಪ್ರಮಾ ಹುಚ್ಚಣವರ ಪ್ರಥಮ ಗದಗ, ಐಶ್ವರ್ಯ ಕರಿಗಾರ ದ್ವಿತೀಯ ಬೆಳಗಾವಿ, 55ಕೆಜಿ ಶಾಹೀದಾಬೇಗಂ ಬಳಿಗಾರ ಪ್ರಥಮ ಗದಗ, 57 ಕೆಜಿ ಶ್ವೇತಾ ಬೆಳಗಟ್ಟಿ ಗದಗ, ಸೋನಿಯಾ ಜಾಧವ ದ್ವಿತೀಯ ವಿಜಯಪುರ, 59ಕೆಜಿ ಸುವರ್ಣ ಪಾಟೀಲ ಪ್ರಥಮ ಉತ್ತರ ಕನ್ನಡ, ಸಂಗೀತಾ ಸಿತಾರಹಳ್ಳಿ ದ್ವಿತೀಯ ಗದಗ, 62ಕೆಜಿ ಸುಜಾತ ಪಾಟೀಲ ಪ್ರಥಮ ಉತ್ತರ ಕನ್ನಡ, ಶಶಿಕಲಾ ತಳವಾರ ದ್ವಿತೀಯ ಗದಗ, 65ಕೆಜಿ ಪೂಜಾ ದಳವಿ ಪ್ರಥಮ ಬೆಳಗಾವಿ, ಸ್ಪೂರ್ತಿ ಅರಹುಣಸಿ ದ್ವಿತೀಯ ಗದಗ, 68ಕೇಜಿ ವಿಭಾಗ ಲೀನಾ ಸಿದ್ಧಿ ಉತ್ತರ ಕನ್ನಡ ಪ್ರಥಮ, 76 ಕೆಜಿ ವಿಭಾಗದ ದಾವಲಬಿ ಶಾನವಾಡ ಪ್ರಥಮ ಸ್ಥಾನ ಪಡೆದ ರಾಜ್ಯ ಮಟ್ಟಕ್ಕೆ ಆಯ್ಕೆಯಾಗಿದ್ದಾರೆ.