ವಿದ್ಯಾರ್ಥಿಗಳಿಂದ ಗುಲಾಬಿ ಆಂದೋಲನ ಜಾಥಾ

ನರಗುಂದ: ತಂಬಾಕು ಉತ್ಪನ್ನಗಳಿಂದ ಆಗುವ ಹಾನಿ ಹಾಗೂ ತಂಬಾಕು ನಿಯಂತ್ರಣ ಕುರಿತು ಆರೋಗ್ಯ ಇಲಾಖೆ, ಶಿಕ್ಷಣ ಇಲಾಖೆ ಮತ್ತು ಪೊಲೀಸ್‌ ಇಲಾಖೆ ನರಗುಂದ ಸಹಯೋಗದೊಂದಿಗೆ ಗುಲಾಬಿ ಆಂದೋಲನ ಎಂಬ ಜಾಥಾ ಕಾರ್ಯಕ್ರಮ ಹಮ್ಮಿಕೊಂಡು ಜಾಗೃತಿ ಮೂಡಿಸಲಾಯಿತು.

ಇಲ್ಲಿನ ಸರಕಾರಿ ಬಾಲಕಿಯರ ಪ್ರೌಢ ಶಾಲೆಯಲ್ಲಿಜಾಥಾಕ್ಕೆ ತಹಸೀಲ್ದಾರ ಮಹೇಂದ್ರ ಚಾಲನೆ ನೀಡಿದರು. ತಾಲೂಕು ಆರೋಗ್ಯಾಧಿಕಾರಿ ಡಾ.ಆರ್‌.ಸಿ ಕೊರವನವರ, ಕ್ಷೇತ್ರ ಶಿಕ್ಷಣಾಧಿಕಾರಿ ಗುರುಪ್ರಸಾದ,ಮುಖ್ಯ ಶಿಕ್ಷಕ ಪಿ.ಎಫ್‌.ಸೋಲ್ಲಾಪೂರ, ಗೋಪಾಲ ಸುರಪೂರ ಭಾಗವಹಿಸಿದ್ದರು.

ಜಾಥಾ ಮೂಲಕ ವಿದ್ಯಾರ್ಥಿನಿಯರು ತಂಬಾಕು ಮಾರಾಟಗಾರರಿಗೆ ಮತ್ತು ತಂಬಾಕು ಉತ್ಪನ್ನಗಳನ್ನು ಬಳಸುವವರಿಗೆ ತಂಬಾಕು ಸೇವನೆಯ ಹಾನಿಗಳ ಕುರಿತು ಕರ ಪತ್ರ ಮೂಲಕ ಗುಲಾಬಿ ಹೂ ನೀಡಿ ಅರಿವು ಮೂಡಿಸಿದರು. ಜತೆಗೆ ಆರೋಗ್ಯ ಇಲಾಖೆಯ ಎಂ.ಆರ್‌ .ಕುಲಕರ್ಣಿ, ಜಿ.ವಿ.ಕೊಣ್ಣೂರ, ಎನ್‌.ಬಿ.ಜೋಶಿ, ಭರತ ಇಟ್ಟಿಗಟ್ಟಿ, ಬಿ.ಎಂ.ಕೌಜಗೇರಿ, ಶಿವಾನಂದ ಕುರಹಟ್ಟಿ, ಎಂ.ಎಂ.ಮಸೂತಿಮನಿ, ಎಸ್‌.ಬಿ.ಹನ್ನೂರ, ಅಕ್ಕಮಾಹದೇವಿ ಇತರರು ಪಾಲ್ಗೊಂಡಿದ್ದರು.