ವಿದ್ಯುತ್‌ ತಗುಲಿ ಕಬ್ಬು ಬೆಳೆ ಭಸ್ಮ

ಡಂಬಳ: ಕಟಾವು ಮಾಡಿ ಪ್ಯಾಕ್ಟರಿಗೆ ಕಳಿಸಬೇಕು ಎನ್ನುವಷ್ಟರಲ್ಲಿ ಗುರುವಾರ ಆಕಸ್ಮಿಕವಾಗಿ ಕಬ್ಬು ಬೆಳೆಗೆ ವಿದ್ಯುತ್‌ ತಗುಲಿ ಸುಟ್ಟ ಘಟನೆ ಪಟ್ಟಣದ ಯಲ್ಲವ್ವ ಬಸಪ್ಪ ಕುಲಕರ್ಣಿ ಎಂಬುವರಿಗೆ ಸೇರಿದ ಒಂದು ಎಕರೆ ಜಮೀನಿನಲ್ಲಿ ಸಂಭವಿಸಿದೆ.

ಡಂಬಳದ ಯಲ್ಲವ್ವ ಬಸಪ್ಪ ಕುಲಕರ್ಣಿ ಎಂಬುವರ ಒಂದು ಎಕರೆ ಜಮೀನಿನಲ್ಲಿ ಕಬ್ಬು ನಾಟಿ ಮಾಡಿ 12 ತಿಂಗಳು ಕಳೆದಿದ್ದರಿಂದ ಕಟಾವಿಗೆ ಬಂದಿತ್ತು. ಈ ವಾರದಲ್ಲಿ ಕಟಾವು ಮಾಡಿ ಪ್ಯಾಕ್ಟರಿಗೆ ಕಳಿಸಬೇಕೆಂಬ ಉದ್ದೇಶವಿತ್ತು. ಆದರೆ ಮಧ್ಯಾಹ್ನ 3 ಗಂಟೆಗೆ ಆಕಸ್ಮಿಕವಾಗಿ ವಿದ್ಯುತ್‌ ತಗುಲಿದ್ದರಿಂದ ಬಹುತೇಕ ಕಬ್ಬು ಸುಟ್ಟು ಕರಕಲಾಗಿದೆ ಎನ್ನುತ್ತಾರೆ ರೈತ ಮಹಿಳೆ ಯಲ್ಲವ್ವ.

ಮುಂಡರಗಿ ನಗರದ ಅಗ್ನಿಶಾಮಕ ದಳದ ಸಿಬ್ಬಂದಿ ತಕ್ಷ ಣ ಆಗಮಿಸಿ ಬೆಂಕಿ ನಂದಿಸುವಲ್ಲಿ ಯಶ್ವಸಿಯಾಗಿದ್ದರಿಂದ ಹೆಚ್ಚಿನ ಪ್ರಮಾಣದಲ್ಲಿ ಹಾನಿಯಾಗುವುದನ್ನು ರಕ್ಷ ಣೆ ಮಾಡಲಾಗಿದೆ. ಒಂದು ಲಕ್ಷ ರೂ. ಮೌಲ್ಯದ ಬೆಳೆ ಹಾನಿಯಾಗಿದೆ ಎಂದು ಅಂದಾಜಿಸಲಾಗಿದೆ.