ಗುಡ್ಡದಿಂದ ಉರುಳಿದ ಬಂಡೆ

ಗಜೇಂದ್ರಗಡ (ಗದಗ): ಸಮೀಪದ ಬೊಮ್ಮಸಾಗರ ಗುಡ್ಡದ ಮೇಲಿನ ಬೃಹತ್‌ ಕಲ್ಲುಬಂಡೆಯೊಂದು ಗುರುವಾರ ಉರುಳಿ ಕೆಳಗಿರುವ ಗ್ರಾಮದ ದುರ್ಗಾದೇವಿ ಉಗ್ರಾಣ ಕೋಣೆಗೆ ಅಪ್ಪಳಿಸಿದೆ.

ಎರಡು ದಿನದಿಂದ ಮಳೆ ಸುರಿಯುತ್ತಿದೆ. ಈ ಹಿನ್ನೆಲೆಯಲ್ಲಿಗ್ರಾಮಕ್ಕೆ ಹೊಂದಿಕೊಂಡ ಗುಡ್ಡದಿಂದ ಮೂರು ಅಡಿ ಎತ್ತರದಿಂದ 15 *20 ಅಡಿ ಬಂಡೆ ಉರುಳಿದೆ.

ಒಂದು ತುಕಡಿ ಬಂಡೆಕಲ್ಲುಕೆಳಗೆ ಉರುಳುತ್ತಾ ಬರುವದನ್ನು ಕಂಡ ಗ್ರಾಮಸ್ಥರು ದಿಕ್ಕಾಪಾಲಾಗಿ ಓಡಿದ್ದಾರೆ. ಗ್ರಾಮ ದೇವತೆ ಉಗ್ರಾಣ ಚಾವಣಿ ಮತ್ತು ಪಕ್ಕದ ಅಂಗನವಾಡಿ ಕಟ್ಟಡ ಮೇಲೆ ಬಂಡೆ ಬಿದ್ದಿದ್ದರಿಂದ ಆ ಕಟ್ಟಡಗಳು ಜಖಂಗೊಂಡಿವೆ. ಅದೃಷ್ಟವಶಾತ್‌ ಜೀವಹಾನಿ ಆಗಿಲ್ಲ್ಲ.

ಸ್ಥಳ ಪರಿಶೀಲಿಸಿದ ತಹಸೀಲ್ದಾರ ಗುರುಶಿದ್ದಯ್ಯ ಹಿರೇಮಠ ಅವರು ''ಬಂಡೆ ಉರುಳಿದ ವಿಷಯವನ್ನು ಜಿಲ್ಲಾಭೂಗರ್ಭ ಇಲಾಖೆ ಅಧಿಕಾರಿಗಳ ಗಮನಕ್ಕೆ ತರಲಾಗಿದೆ''ಎಂದು ತಿಳಿಸಿದರು. ಕಂದಾಯ ನಿರೀಕ್ಷಕ ವೀರಣ್ಣ ಅಡಗತ್ತಿ ಇದ್ದರು.