ವಿದ್ಯುತ್‌ ತಗುಲಿ ಕುರಿಗಳು ಬಲಿ

ಲಕ್ಕುಂಡಿ:ಇಲ್ಲಿಯ ಹೊರವಲಯದ ರಾಷ್ಟ್ರೀಯ ಹೆದ್ದಾರಿ ಪಕ್ಕದ ಜಮೀನೊಂದರಲ್ಲಿ ವಿದ್ಯುತ್‌ ಕಂಬದ ಶಾರ್ಟ್‌ ಸಕ್ರ್ಯೂಟಿನಿಂದ ಎರಡು ಕುರಿಗಳು ಬಲಿಯಾದ ಘಟನೆ ಭಾನುವಾರ ಸಂಜೆ ನಡೆದಿದೆ.

ಕುರಿಗಳು ಜಮೀನಿನಲ್ಲಿ ಮೇಯುತ್ತ ವಿದ್ಯುತ್‌ ಕಂಬದ ಹತ್ತಿರ ಹೋದಾಗ ಕಂಬದಲ್ಲಿ ವಿದ್ಯುತ್‌ ಸಂಚಾರದಿಂದ ತಕ್ಷ ಣವೇ ಎರಡು ಕುರಿಗಳು ಸಾವಿಗೀಡಾಗಿವೆ. ಕಂಬದ ಮೇಲಿರುವ ವಿದ್ಯುತ್‌ ತಂತಿ ಗಾಳಿ ರಭಸಕ್ಕೆ ಹರಿದು ಬಿದ್ದಿದ್ದರಿಂದ ಕಂಬದಲ್ಲಿ ವಿದ್ಯುತ್‌ ಪಾಸಾಗಿ ಈ ಘಟನೆ ನಡೆದಿದೆ. ಮಂಜುನಾಥ ಮೇಘಪ್ಪ ಗರ್ಜಪ್ಪನವರ ಅವರಿಗೆ ಎರಡು ಕುರಿಗಳು ಸೇರಿವೆ. ವಿಷಯ ತಿಳಿದ ಹೆಸ್ಕಾಂ ಸಿಬ್ಬಂದಿ ಸ್ಥಳಕ್ಕೆ ಧಾವಿಸಿ ವಿದ್ಯುತ್‌ ಸಂಪರ್ಕ ಕಡಿತಗೊಳಿಸಿದ್ದಾರೆ.