ಹುಷಾರು ಕರೆಂಟ್‌ ಸ್ವಿಚ್‌ ಬೋರ್ಡ್‌ ಇದೆ

ಮುಂಡರಗಿ: ಕಣ್ಣಿಗೆ ಕಾಣದ ವಿದ್ಯುತ್‌ ಅನೇಕ ಬಾರಿ ಅಪಾಯ ಒಡ್ಡಿದ ಉದಾಹರಣೆಗಳಿವೆ. ಅದರಲ್ಲಿಯೂ ಸಾರ್ವಜನಿಕರು, ಮಕ್ಕಳು ಮಹಿಳೆಯರು ಓಡಾಡುವ ಸ್ಥಳಗಳಲ್ಲಿವಿದ್ಯುತ್‌ ವೈಯರುಗಳು ಅಪಾಯ ತಂದೊಡ್ಡುತ್ತವೆ. ಇಂತಹ ಅಪಾಯಕ್ಕೆ ಅಹ್ವಾನ ನೀಡುವ ಪುರಸಭೆ ಡಿಪೋ ರಸ್ತೆಯಲ್ಲಿರುವ ಜೆ.ಎಚ್‌.ಪಟೇಲ ನಗರದ( ಸರಕಾರಿ ಐಟಿಐ ಕಾಲೇಜು ಬಳಿ) ಬೋರವೆಲ್‌ಗೆ ಜೋಡಿಸಿದ ಪಂಪ್‌ಸೆಟ್‌ ಕರೆಂಟ್‌ ಸ್ವಿಚ್‌ ಬೋರ್ಡ್‌ ತೆರೆದಿದ್ದು ತೀರಾ ಕೆಳಭಾಗದಲ್ಲಿದೆ. ಜತೆಗೆ ಪಕ್ಕದಲ್ಲಿಯೇ ಇರುವ ಬೋರವೆಲ್‌ಗೆ ಜೋಡಿಸಿದ ವೈಯರ್‌ ಹಾಗೆ ಬಿಟ್ಟಿರುವುದರಿಂದ ಅಪಾಯದ ಸ್ಥಿತಿಯಲ್ಲಿದೆ.

ರಸ್ತೆ ಪಕ್ಕದಲ್ಲಿಇರುವ ಕರೆಂಟ್‌ ಮತ್ತು ವೈಯರ್‌ಗಳು ಹಾಗೆ ಬಿಟ್ಟಿರುವುದರಿಂದ ಮತ್ತು ಅಲ್ಲಿಯೇ ನೀರು ನಿಂತಿದೆ. ಪಕ್ಕದಲ್ಲಿಹಾದು ಹೋಗುವಾಗ ವೈಯರ್‌ ತುಳಿದರೆ ಮತ್ತು ಬೋರ್ಡ್‌ ತಗುಲಿದರೆ ಕರೆಂಟ್‌ ಶಾಕ್‌ ಹೊಡೆಯುವ ಸಾಧ್ಯತೆ ಹೆಚ್ಚಿದೆ ಎಂದು ಸಾರ್ವಜನಿಕರು ದೂರುತ್ತಿದ್ದಾರೆ.

ಪುರಸಭೆ ಇತ್ತ ಗಮನ ಹರಿಯಿಸಿ ಕೂಡಲೆ ತೆರೆದು ಬೋರ್ಡು ಸುವ್ಯಸ್ಥಿತವಾಗಿಡಲು ಮತ್ತು ಹೊರಗೆ ಹಾಕಿದ ವೈಯರ್‌ಗಳನ್ನು ಕಾಣದಂತೆ ಜೋಡಿಸುವ ಕ್ರಮ ಕೈಗೊಂಡು ಮುಂದಾಗುವ ಅಪಾಯ ತಪ್ಪಿಸಲು ಸಾರ್ವಜನಿಕರು ಆಗ್ರಹಿಸಿದ್ದಾರೆ.