ಇಂದು ಸಂಗೀತ ಸ್ವರನಮನ ಕಾರ್ಯಕ್ರಮ

ರೋಣ : ಭಾರತ ರತ್ನ ಪಂ. ಭೀಮಸೇನ ಜೋಶಿ ಅವರ 9ನೇ ಪುಣ್ಯ ಸ್ಮರಣೋತ್ಸವ ಅಂಗವಾಗಿ ಫೆ.22 ರಂದು ಪಟ್ಟಣದ ಗುಲಗಂಜಿಮಠದಲ್ಲಿಸಂಜೆ 4 ಕ್ಕೆ ಸಂಗೀತ ಸ್ವರನಮನ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ. ಗುಲಗಂಜಿಮಠದ ಗುರುಪಾದ ಮಹಾಸ್ವಾಮಿಗಳು ಸಾನ್ನಿಧ್ಯ ವಹಿಸಿಕೊಳ್ಳಲಿದ್ದಾರೆ. ಮಾಜಿ ಸಂಸದ ಆರ್‌.ಎಸ್‌.ಪಾಟೀಲ ಅಧ್ಯಕ್ಷತೆ ವಹಿಸಲಿದ್ದಾರೆ.

ಜಿಲ್ಲಾಕಾಂಗ್ರೆಸ್‌ ಅಧ್ಯಕ್ಷ ಜಿ.ಎಸ್‌.ಪಾಟೀಲ ಉದ್ಘಾಟನೆ ನೆರವೇರಿಸಲಿದ್ದಾರೆ. ಕಲಾವಿದ ಪಂ.ನೌಶಾದ ಹರ್ಲಾಪೂರ, ಎಸ್‌.ವಿ.ಪಲ್ಲೇದ, ಪುರಸಭೆ ಸದಸ್ಯ ಮಿಥುನ್‌.ಜಿ.ಪಾಟೀಲ, ಟಿ.ವಿ.ಕುಲಕರ್ಣಿ, ಎಸ್‌.ಬಿ.ನವಲಗುಂದ, ವಿಶ್ವನಾಥ ಜಿಡ್ಡಿಬಾಗಿಲ, ಎಸ್‌.ಎಲ್‌.ರಡ್ಡೆರ, ಮಲ್ಲಯ್ಯಜ್ಜ ಮಹಾಪುರುಷಮಠ, ಅಶೋಕ ಕುಲಕರ್ಣಿ, ಎಸ್‌.ಎಸ್‌. ಜಾಲಿಹಾಳ ಇತರರು ಪಾಲ್ಗೊಳ್ಳಲಿದ್ದಾರೆ ಎಂದು ಪಂ.ಭೀಮಸೇನ ಜೋಶಿ ಸ್ಮರಣೋತ್ಸವ ಟ್ರಸ್ಟ್‌ ಕಮಿಟಿ ಕಾರ್ಯದರ್ಶಿ ಆರ್‌.ಎನ್‌.ಜೋಶಿ ಪ್ರಕಟನೆಯಲ್ಲಿತಿಳಿಸಿದ್ದಾರೆ.