ಇಂದು ಕಪ್ಪತ ಮಲ್ಲಯ್ಯನ ಜಾತ್ರೆ

ಡಂಬಳ : ಶರಣ, ಸಿದ್ದರ ತಪೋನಿಷ್ಠೆಯ ಶಕ್ತಿಯಿಂದ ಪರಮಪಾವನವಾದ ಕಪ್ಪತಗುಡ್ಡ ಶತಕೋಟಿ ಸಿದ್ದರಗಿರಿ ಎಂದೇ ಪ್ರಸಿದ್ದಿ ಪಡೆದಿದ್ದು ಗುಡ್ಡದ ಹೃದಯ ಭಾಗದಲ್ಲಿ ನೆಲೆಸಿರುವ ಕಪ್ಪತ ಮಲ್ಲಯ್ಯನ ಜಾತ್ರಾ ಮಹೋತ್ಸವ ನಿಮಿತ್ತ ಆ.22ರಂದು ಸಾಯಂಕಾಲ 5.30ಕ್ಕೆ ರಥೋತ್ಸವ ನಡೆಯಲಿದೆ.

ನಾಡಿನ ವಿವಿಧ ಸಂತರ, ಶರಣರ ನೇತೃತ್ವದಲ್ಲಿ ಶ್ರೀ ಕಪ್ಪತಮಲ್ಲೇಶ್ವರಸ್ವಾಮಿ ಹಾಗೂ ಭ್ರಮರಾಂಭದೇವಿ ವಿವಾಹ ಮಹೋತ್ಸವ ನಂತರ ಸಾಯಂಕಾಲ 5.30ಕ್ಕೆ ರಥೋತ್ಸವ ನಡೆಯಲಿದೆ. ಜಾತ್ರೆ ನಿಮಿತ್ತ ಯಾತ್ರಿಕರಿಗೆ ಗದಗ, ಮುಂಡರಗಿ, ಶಿರಹಟ್ಟಿಯಿಂದ ಬಸ್‌ ವ್ಯವಸ್ಥೆ ಕಲ್ಪಿಸಲಾಗಿದೆ ಎಂದು ಧರ್ಮಾಧಿಕಾರಿ ತಿಳಿಸಿದ್ದಾರೆ.