ತೆರವುಗೊಳಿಸದ ಭಾವಚಿತ್ರ :ಪ್ರತಿಭಟನೆ

ಗದಗ: ಮಾದರಿ ನೀತಿ ಸಂಹಿತೆ ಜಾರಿ ಇದ್ದರು ಸಹ ನಗರದ ವೀರಶೈವ ಲೈಬ್ರರಿ ಹತ್ತಿರದ ಶುದ್ಧ ಕುಡಿಯುವ ಘಟಕದ ಮೇಲೆ ದಿ.ಕೆ.ಎಚ್‌.ಪಾಟೀಲ್‌ ಅವರ ಭಾವ ಚಿತ್ರ ತೆರವುಗೊಳಿಸದ ಹಿನ್ನೆಲೆಯಲ್ಲಿ ಸೋಮವಾರ ಬಿಜೆಪಿ ಕಾರ‍್ಯಕರ್ತರು ಪ್ರತಿಭಟನೆ ನಡೆಸಿದರು.

ಜಿಲ್ಲಾಡಳಿತದ ವಿರುದ್ದ ಘೋಷಣೆ ಕೂಗಿ ತಮ್ಮ ಅಸಮಾಧಾನ ಹೊರಹಾಕಿದರು. ಲೋಕಸಭೆ ಚುನಾವಣೆ ಅಧಿಸೂಚನೆ ಹೊರಬಿದ್ದಾಗಿನಿಂದ ಜಿಲ್ಲೆಯಲ್ಲಿ ಮಾದರಿ ನೀತಿ ಸಂಹಿತೆ ಜಾರಿಯಲಿದೆ. ಆದರೆ ನಗರದ ಮಧ್ಯೆ ಭಾಗದಲ್ಲಿರುವ ರಾಜಕೀಯ ವ್ಯಕ್ತಿಯ ಪ್ರತಿಮೆ ಜಿಲ್ಲಾಡಳಿತದ ಗಮನಕ್ಕೆ ಬಾರದಿರುದು ಸಂಶಯಕ್ಕೆ ಎಡೆ ಮಾಡಿ ಕೊಟ್ಟಿದೆ. ಈ ಬಗ್ಗೆ ಜಿಲ್ಲಾಡಳಿತ ಗಮನ ಹರಿಸದಿದ್ದರೆ ರಾಜ್ಯ ಚುನಾವಣೆ ಆಯೋಗಕ್ಕೆ ದೂರು ನೀಡಲಾಗುವುದು ಎಂದು ಪ್ರತಿಭಟನಾ ನಿರತರು ಎಚ್ಚರಿಕೆ ನೀಡಿದರು.

ಅಮರೇಶ ಬೆಟಗೇರಿ, ಅನೀಲ ಅಬ್ಬಿಗೇರಿ, ಪ್ರಶಾಂತ ನಾಯ್ಕರ, ಮಂಜುನಾಥ ಮ್ಯಾಗೇರಿ, ಡಿ.ಬಿ.ಕರೇಗೌಡರ, ವೆಂಕಟೇಶ ಬಳ್ಳಾರಿ, ಸಿರಾಜ, ಸಾಧಿಕ ಮನಿಯಾರ, ಶರಣಪ್ಪಾ ಇದ್ದರು.