ಜಲಶಕ್ತಿ ಅಭಿಯಾನ ಜಾಗೃತಿ ಕಾರ್ಯಕ್ರಮ

ಶಿರಹಟ್ಟಿ: ಪಪಂನಿಂದ ಸ್ಥಳೀಯ ಡಬಾಲಿ ಕಾಲೇಜಿನಲ್ಲಿಹಮ್ಮಿಕೊಂಡಿದ್ದ ಸಮಗ್ರ ಜಲನೀತಿ ಮತ್ತು ಜಲಶಕ್ತಿ ಅಭಿಯಾನ ಕಾರ‍್ಯಕ್ರಮ ನಡೆಯಿತು.
ಪ್ರಾ. ಎಂ.ಸಿ.ಭಜಂತ್ರಿ ಮಾತನಾಡಿ, ಪ್ರಸ್ತುತ ದಿನಗಳಲ್ಲಿಪರಿಸರ ಮಾಲಿನ್ಯದಿಂದ ಆಗುತ್ತಿರುವಂತಹ ದುಷ್ಪರಿಣಾಮ ತಡೆಗಟ್ಟುವುದಕ್ಕೆ ಶಾಲಾ-ಕಾಲೇಜುಗಳ ಹಂತದಲ್ಲಿಯೂ ಸಹ ವಿದ್ಯಾರ್ಥಿಗಳಿಗೆ ಜಾಗೃತಿ ಮೂಡಿಸುವುದಕ್ಕಾಗಿ ಜಲಶಕ್ತಿ ಅಭಿಯಾನ ಕಾರ‍್ಯಕ್ರಮ ಅನುಷ್ಠಾನಗೊಳಿಸಿರುವುದು ಸ್ವಾಗತಾರ್ಹ. ವಿದ್ಯಾರ್ಥಿಗಳು ಈ ಜಾಗೃತಿ ಅಭಿಯಾನದ ಸದುಪಯೋಗ ಪಡಿಸಿಕೊಳ್ಳಬೇಕೆಂದರು.

ಪಪಂ ಮುಖ್ಯಾಧಿಕಾರಿ ಶೋಭಾ ಬೆಳ್ಳಿಕೊಪ್ಪ ಮಾತನಾಡಿ, ಅಭಿಯಾನದ ಮೂಲ ಉದ್ದೇಶವಾದಂತಹ ನೀರಿನ ಸಂರಕ್ಷಣೆ ಮತ್ತು ಮಳೆ ನೀರು ಕೊಯ್ಲು, ಸಾಂಪ್ರದಾಯಿಕ ಜಲಮೂಲಗಳ ನವೀಕರಣ, ನೀರಿನ ಪುನರ್‌ ಬಳಕೆ ಮತ್ತು ಕೊಳವೆ ಭಾವಿ ಜಲ ಮರುಪೂರಣ, ಕೆರೆ-ಕೊಳ್ಳಗಳ ಪುನರ್‌ಭರ್ತಿ, ಜಲಾನಯನ ಅಭಿವೃದ್ಧಿ ಮತ್ತು ತೀವ್ರವಾದ ಅರಣ್ಯೀಕರಣಗಳ ಕುರಿತು ಏರ್ಪಡಿದ್ದ ಈ ಜಾಗೃತಿಯಲ್ಲಿಕಾಲೇಜಿನ ಉಪನ್ಯಾಸಕ ಪರಶುರಾಮ್‌ ಕುಲಕರ್ಣಿ ಅವರ ಮಾರ್ಗದರ್ಶನದಲ್ಲಿವಿದ್ಯಾರ್ಥಿಗಳಾದ ಎ.ಎಂ.ಲೋಹಾರ, ಸುಧಾ ಬಾರಕೇರ, ಎಂ.ಬಿ.ಬಾರಕೇರ ಪ್ರಬಂಧ ಮಂಡಿಸಿದ್ದು ಪಪಂ ಕೊಡ ಮಾಡುವಂತಹ ಪ್ರಶಸ್ತಿಗೆ ಭಾಜನರಾಗಿದ್ದಾರೆ ಎಂದರು.