ಆ್ಯಪ್ನಗರ

ಬೆಳೆಗೆ ಕಾಡುಪ್ರಾಣಿಗಳ ದಾಳಿ:ರೈತ ಹಾರಾಣು

ಮುಂಡರಗಿ : ತಾಲೂಕಿನ ಅನೇಕ ಗ್ರಾಮಗಳಲ್ಲಿ ಅದರಲ್ಲಿಯೂ ಶಿಂಗಟಾಲೂರು, ಕಪ್ಪತಗುಡ್ಡ ಸರಹದ್ದಿನಲ್ಲಿರುವ ಗ್ರಾಮಗಳಲ್ಲಿ ಕಾಡುಹಂದಿಗಳ,ಮತ್ತು ಜಿಂಕೆಗಳ ಹಾವಳಿ ವಿಪರೀತವಾಗಿದ್ದು ಬಿತ್ತಿದ ಬೀಜ ಮೊಳೆಕೆಯೊಡೆಯಲು ಕಾಡು ಪ್ರಾಣಿಗಳು ಬಿಡುತ್ತಿಲ್ಲ, ಹೀಗಾಗಿ ಸಾವಿರಾರು ರೂ.ಖರ್ಚು ಮಾಡಿ

Vijaya Karnataka 17 Jul 2019, 5:00 am
ಸಿ.ಕೆ.ಗಣಪ್ಪನವರ
Vijaya Karnataka Web GDG-16MDR2 KADUPRANI ST
ಮುಂಡರಗಿ ತಾಲೂಕಿನ ರೈತರ ಬೆಳೆ ಮೇಲೇಳದಂತೆ ಕಾಡುಪ್ರಾಣಿಗಳು ತಿಂದು ನಾಶಪಡಿಸಿರುವುದು.

ಮುಂಡರಗಿ : ತಾಲೂಕಿನ ಅನೇಕ ಗ್ರಾಮಗಳಲ್ಲಿ ಅದರಲ್ಲಿಯೂ ಶಿಂಗಟಾಲೂರು, ಕಪ್ಪತಗುಡ್ಡ ಸರಹದ್ದಿನಲ್ಲಿರುವ ಗ್ರಾಮಗಳಲ್ಲಿ ಕಾಡುಹಂದಿಗಳ,ಮತ್ತು ಜಿಂಕೆಗಳ ಹಾವಳಿ ವಿಪರೀತವಾಗಿದ್ದು ಬಿತ್ತಿದ ಬೀಜ ಮೊಳೆಕೆಯೊಡೆಯಲು ಕಾಡು ಪ್ರಾಣಿಗಳು ಬಿಡುತ್ತಿಲ್ಲ, ಹೀಗಾಗಿ ಸಾವಿರಾರು ರೂ.ಖರ್ಚು ಮಾಡಿ ಬೀಜ, ಗೊಬ್ಬರ, ಇತರ ಕೃಷಿ ಚಟುವಟಿಕೆಗೆ ಮಾಡಿದ ಖರ್ಚು ರೈತರ ಮೇಲೆ ಹೊರೆಯಾಗುತ್ತಿದೆ. ಇದರಿಂದ ರೈತರು ಹೈರಾಣಾಗಿದ್ದಾರೆ.

ಮಸಾರಿ ಭಾಗದಲ್ಲಿ ಈಚೆಗೆ ಸುರಿದ ಅಲ್ಪಮಳೆಯಿಂದ ಭೂಮಿ ಹಸಿಯಾಗಿ ಶೇಂಗಾ, ಸೂರ್ಯಕಾಂತಿ, ಹೆಸರು, ಉಳ್ಳಾಗಡ್ಡಿ, ಜೋಳ, ಮೆಕ್ಕೆಜೋಳ ಬಿತ್ತಿ ನಿರುಮ್ಮಳಾಗಿ ಹುಟ್ಟುವುದನ್ನೆ ಕಾಯುತ್ತಿರುವಾಗ ಅವುಗಳು ಮೇಲೇಳದಂತೆ ಕಾಡುಹಂದಿಗಳು, ಜಿಂಕೆ ಇತರ ಪ್ರಾಣಿಗಳು ಚಿವುಟಿ ಹಾಕಿ ರೈತರ ಬದುಕನ್ನು ನಾಶಮಾಡಲು ಹೊರಟಿವೆ.

ಬೆಳೆಗಳನ್ನು ಪ್ರಾಣಿಗಳಿಂದ ರಕ್ಷ ಣೆ ಮಾಡಿರಿ ಎಂದು ಅರಣ್ಯ ಇಲಾಖೆಗೆ ಮನವಿ ಮತ್ತು ಒತ್ತಾಯಿಸುತ್ತಲೇ ಬಂದರೂ ರೈತರ ಗೋಳು ಅರಣ್ಯರೋಧನವಾಗಿದೆ, ಕಾರಣ ಇಲಾಖೆ ಪ್ರಾಣಿಗಳ ನಿಯಂತ್ರಣ ಮಾಡುವ ಬದಲು ರಕ್ಷ ಣೆಗೆ ಸುತ್ತಲೂ ತಂತಿಬೇಲಿ ಹಾಕಿಕೊಳ್ಳಿರಿ ಎಂದು ರೈತರಿಗೆ ಮರಳಿ ಸಲಹೆ ನೀಡುತ್ತಿದ್ದಾರೆ. ರೈತರು ಸಾಲ ಮಾಡಿ ಬೀಜ ಗೊಬ್ಬರ ಹೊಂದಿಸಬೇಕಾದರೆ ಸಾಕಷ್ಟು ತೊಂದರೆ ಅನುಭವಿಸುತ್ತಾರೆ. ಇನ್ನು ಎಕರೆ ಎರಡು ಎಕರೆ ಜಮೀನಿಗೆ ತಂತಿಬೇಲಿಹಾಕಿಕೊಳ್ಳುವ ಶಕ್ತಿ ಎಲ್ಲಿಂದ ಬರಬೇಕು ? ಹೀಗಾಗಿ ಅರಣ್ಯ ಇಲಾಖೆ ಮತ್ತು ಸರಕಾರದಿಂದ ಬೆಳೆ ರಕ್ಷ ಣೆ ಕುರಿತು ಯಾವ ಭರವಸೆಯೂ ಉಳಿದಿಲ್ಲ. ರೈತರು ಬೇಸತ್ತು, ಪರಿಹಾರ ಕೊಡುವುದರ ಜತೆಗೆ ಅರಣ್ಯ ಇಲಾಖೆ ಪ್ರಾಣಿಗಳ ನಿಯಂತ್ರಣ ಮಾಡದಿದ್ದರೆ ಸಾಮೂಹಿಕ ವಿಷ ಸೇವನೆ ಮಾಡುತ್ತೇವೆ ಎಂದು ಎಚ್ಚರಿಸುವ ಹಂತಕ್ಕೂ ತಲುಪಿದ್ದಾರೆ. ಆದರೂ ಸರಕಾರ ಕಣ್ಣುಮುಚ್ಚಿ ಕುಳಿತಿದೆ ಎಂದು ರೈತರು ಆರೋಪಿಸುತ್ತಿದ್ದಾರೆ.

ಪರಿಹಾರ ತೀರ ಕಮ್ಮಿ
ತಾಲೂಕಿನ ಬಹುತೇಕ ಗ್ರಾಮಗಳಲ್ಲಿ ಈಗಾಗಲೇ ಬಿತ್ತನೆಯಾದ ಬೆಳೆ ಮೊಳಕೆಯೊಡೆಯುವ ಹಂತದಲ್ಲಿದ್ದಾಗಲೇ ಕಾಡುಮಿಕ, ತೋಳ, ಜಿಂಕೆಗಳ ಹಾವಳಿಯಿಂದ ರೈತರ ಹೈರಾಣಾಗಿದ್ದಾರೆ. ಅರಣ್ಯ ಇಲಾಖೆ ಗಮನಕ್ಕೆ ತಂದರೆ ರಕ್ಷ ಣೆಗೆ ಸುತ್ತಲೂ ತಂತಿಬೇಲಿ ಹಾಕಿ ಪ್ರಾಣಿಗಳಿಂದ ರಕ್ಷ ಣೆ ಪಡೆಯಬೇಕು ಎಂದು ಹೇಳುತ್ತಿದೆ. ಬರದ ಸ್ಥಿತಿಯಲ್ಲಿ ರೈತರು ಅಲ್ಪಸ್ವಲ್ಪ ಮಳೆಗೆ ಹಿಂಜರಿಕೆಯಿಂದಲೇ ಭೂಮಿಗೆ ಬೀಜ ಕಾಣಿಸಲು ಸಾಕು ಬೇಕಾಗುತ್ತದೆ. ಇನ್ನು ಲಕ್ಷಾಂತರ ಹಣ ಖರ್ಚು ಮಾಡಿ ಬೇಲಿ ಹಾಕಲು ಸಾಧ್ಯವಾಗುವುದಿಲ್ಲ. ಜಿಂಕೆಗಳಿಂದ ಬೆಳೆ ನಾಶಗೊಂಡ ರೈತರಿಗೆ ಅರಣ್ಯ ಇಲಾಖೆಯಿಂದ ಕೇವಲ 200 ರಿಂದ 500 ರೂ. ಕನಿಷ್ಠ ಪರಿಹಾರ ಸಿಗುತ್ತದೆ. ತಂತಿಬೇಲಿ ಹಾಕಿಕೊಳ್ಳಲು ಸರಕಾರ ರಿಯಾಯಿತಿ ಇಲ್ಲದೆ ಪ್ರೋತ್ಸಾಹಧನ ನೀಡುವಂತಾಗಬೇಕು. ಇದರಿಂದ ಮಾತ್ರ ರೈತ ಬದುಕಲು ಸಾಧ್ಯವಾಗುತ್ತದೆ ಎಂಬುದು ಪ್ರಜ್ಞಾವಂತರ ಅಭಿಪ್ರಾಯ.

ಕಾಡುಹಂದಿ ದಾಳಿ :
ಬೆಳೆ ರಕ್ಷ ಣೆಗೆ ಗುಡ್ಡದ ಸಾಲಿನಲ್ಲಿರುವ ರೈತರ ರಾತ್ರಿಯೆಲ್ಲ ಹೊಲದಲ್ಲಿಯೇ ಜಾಗರಣೆ ಮಾಡುತ್ತಿದ್ದಾರೆ. ಆದರೂ ಕೆಲವು ರೈತರ ಮೇಲೆ ಕಾಡುಹಂದಿಗಳು ದಾಳಿ ಮಾಡಿ ಗಾಯಗೊಳಿಸಿದ ಘಟನೆ ನಡೆಯುತ್ತಿವೆ. ಕೇವಲ ಬೆಳೆ ನಾಶ ಮಾಡುವುದಲ್ಲದೆ ರೈತರ ಮೇಲೆ ದಾಳಿ ಹಂತಕ್ಕೂ ಪ್ರಾಣಿಗಳು ಮುಂದಾಗಿರುವುದು. ಮತ್ತು ಹಿರೇವಡ್ಡಟ್ಟಿ ರೈತ ಅಶೋಕ ಗುಡಗೇರಿ ಎಂಬ ರೈತನ ಮೇಲೆ ಕಾಡುಹಂದಿ ದಾಳಿ ಮಾಡಿದೆ. ಇದು ರೈತರಿಗೆ ಆತಂಕ ಮೂಡಿಸಿದೆ.

ಮುಂದಿನ ಲೇಖನ

Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
ಲೇಟೆಸ್ಟ್‌ ನ್ಯೂಸ್‌ ಅಪ್‌ಡೇಟ್‌ಗಳನ್ನು ಪಡೆಯಿರಿ, Vijay Karnataka ಫೇಸ್‌ಬುಕ್‌ಪೇಜ್‌ ಲೈಕ್‌ ಮಾಡಿರಿ