ಬಣ್ಣ ಎರಚಿ ಕೇಕೆ ಹಾಕಿದ ಯುವಕರು

ರೋಣ : ತಾಲೂಕಿನಾದ್ಯಂತ ಹಲವು ಗ್ರಾಮಗಳಲ್ಲಿ ಹೋಳಿ ಆಚರಣೆಯಲ್ಲಿ ನಡೆಯಿತು. ವಿವಿಧ ತರಹದ ಬಣ್ಣ ಖರೀದಿಸಿ,ಅದಕ್ಕೆ ಬೇಕಾದ ವಸ್ತುಗಳನ್ನು ಬಳಸಿ ಮಿಶ್ರಣ ಮಾಡಿ,ತಮ್ಮೊಂದಿಗೆ ಸ್ನೇಹದಿಂದ ಹತ್ತಿರವಿರುವ ಮಿತ್ರರಿಗೆ ಬಣ್ಣ ಹಾಕಿ ಸಂಭ್ರಮಿಸಿದರು.

ತಾಲೂಕಿನ ಹಿರೇಮಣ್ಣೂರ, ಬಸಲಾಪೂರ, ಚಿಕ್ಕಮಣ್ಣೂರ, ಅರಹುಣಸಿ, ಹುನಗುಂಡಿ, ಬೆನಹಾಳ ಸೇರಿದಂತೆ ಹಲವು ಗ್ರಾಮಗಳ ಮೂಲೆ,ಮೂಲೆಗಳಲ್ಲಿ ಹೋಳಿ ಹಬ್ಬದ ಸಂಭ್ರಮದ ಮೆರೆ ಮೀರಿತ್ತು. ಮಕ್ಕಳು,ಯುವಕರು,ವೃದ್ದರು,ಮಹಿಳೆಯರೆನ್ನದೆ,ಸರ್ವರೂ ಹೋಳಿ ಸಂಭ್ರಮದಲ್ಲಿ ಮಿಂದೆದ್ದರು.ಬೆಳಗಿನಿಂದಲೇ ಮಕ್ಕಳು ಕೈಯಲ್ಲಿ ಬಣ್ಣ ಹಿಡಿದು ಎದುರು ಬಂದವರಿಗೆ ಎರಚಿ ಖುಷಿ ಪಟ್ಟರು.

ಮಹಿಳೆಯರು ಸಂಭ್ರಮದಲ್ಲಿ ಭಾಗಿ : ಮಹಿಳೆಯರು ಮನೆ ಆವರಣದಲ್ಲಿ,ವಠಾರದಲ್ಲಿ ಸುತ್ತಲಿನ ಮನೆಯ ಮಹಿಳೆಯರೊಂದಿಗೆ ಸೇರಿ ಬಣ್ಣದಾಟ ಆಡಿ ನಲಿದರೆ ಅದನ್ನು ಕಂಡ ಯುವಕರ ಗುಂಪು ಮತ್ತಷ್ಟು ಹುರುಪಿನಿಂದ ಬಣ್ಣದಾಟದಲ್ಲಿ ಮಿಂದೆದ್ದರು.

ಅಣುಕು ಶವ ಪ್ರದರ್ಶನ:

ಕಾಮದಹನ ಮಾಡಿದ ನಂತರ ಕೆಲವು ಯುವಕರು ಸ್ತ್ರೀ ವೇಷಭೂಷಣ ಮಾಡಿಕೊಂಡು,ಅವರಲ್ಲೇ ಕೆಲವರು ಪುರುಷರಾಗಿ ತಮ್ಮ ತಂಡದಲ್ಲೇ ಒಬ್ಬರನ್ನು ಶವವಾಗಿಸುವ ಮೂಲಕ ಅಣುಕು ಶವ ಪ್ರದರ್ಶನ ಮಾಡಿದರು.

ಭಾರತೀಯ ಸಂಸ್ಕೃತಿಯಲ್ಲಿ ಪ್ರತಿಯೊಂದು ಹಬ್ಬಗಳು ಒಂದೊಂದು ತನ್ನದೆಯಾದ ವೈಶಿಷ್ಟ್ಯತೆ ಸಾರುವುದರ ಜತೆ ಅರ್ಥಗರ್ಭಿತ ಆಗಿವೆ. ಎಂಬುದಕ್ಕೆ ಹಿಂದಿನ ಕಾಲದಿಂದಲೂ ಬಂದಿರುವ ಹೊಳಿ ಹುಣ್ಣುಮೆಯಲ್ಲಿ ಹೊಯ್ಯಕೊಂಡ ಬಾಯಿಗೆ ಹೋಳಗಿ ತುಪ್ಪ ಎಂಬ ಸಂಪ್ರದಾಯ ಇನ್ನೂ ಜೀವಂತವಾಗಿದೆ.