ಜಾತ್ಯತೀತ ಶಕ್ತಿಗಳ ಏಕತೆ: ಚುನಾವಣೆ ಮುಗಿಯುವವರೆಗೆ ಚಕಾರವೆತ್ತಲ್ಲ ಎಂದ ದೇವೇಗೌಡ

ಹಾಸನ: ಜಾತ್ಯತೀತ ಶಕ್ತಿಗಳು ಒಂದಾಗದಿದ್ದಲ್ಲಿ ಸಂವಿಧಾನದ ರಕ್ಷಣೆ ಸಾಧ್ಯವಿಲ್ಲ. ಎನ್‌ಡಿಎ ವಿರುದ್ಧ ಹೋರಾಟ ಮಾಡಬೇಕು ಎಂದು ಚಂದ್ರಬಾಬು ನಾಯ್ಡು,ಮಮತಾ ಬ್ಯಾನರ್ಜಿ ಆತಂಕ ತೋಡಿಕೊಂಡಿದ್ದಾರೆ. ಈ ವಿಷಯದಲ್ಲಿ ವಿಧಾನಸಭೆ ಚುನಾವಣೆ ಮುಗಿಯುವರಗೆ ನಾನು ಚಕಾರ ಎತ್ತುವುದಿಲ್ಲ, 64 ದಿನದಲ್ಲಿ ವ್ಯವಸ್ಥೆ ನಾಶವಾಗುವುದಿಲ್ಲ ಎಂದು ಮಾಜಿ ಪ್ರಧಾನಿ ಎಚ್.ಡಿ.ದೇವೇಗೌಡರ ಹೇಳಿದ್ದಾರೆ.

ಕೇಂದ್ರ ನೀರಾವರಿ ಸಚಿವರು ಹಾಗೂ ನಾಲ್ಕು ರಾಜ್ಯಗಳ ಮುಖ್ಯಮಂತ್ರಿಗಳು,ತಜ್ಞರು ಒಳಗೊಂಡ ಕಾವೇರಿ ನದಿ ನೀರು ಹಂಚಿಕೆ ಸಮಿತಿ ರಚಿಸಿ ಸೌಹಾರ್ದಯುತವಾಗಿ ಸಮಸ್ಯೆ ಬಗೆಹರಿಸಿಕೊಳ್ಳಬೇಕೇಹೊರತು ಸಂಸತ್ ಕಲಾಪ ನಡೆಯದಂತೆ ತಡೆಯುವುದು,ಆತ್ಮಹತ್ಯೆ ಬೆದರಿಕೆ ಒಡ್ಡಿ ಮಾನಸಿಕ ಒತ್ತಡ ತರುವುದು ಒಳಿತಲ್ಲ ಎಂದು ಹೇಳಿದರು.
=============================================