ಆಲೂರು: ಪಟ್ಟಣ ಪಂಚಾಯಿತಿಯ 11 ವಾರ್ಡ್ಗೆ ಬುಧವಾರ ಶಾಂತಿಯುತ ಮತದಾನ ನಡೆದಿದ್ದು, ಸ್ಪರ್ಧಿಸಿದ್ದ ಒಟ್ಟು 40 ಅಭ್ಯರ್ಥಿಗಳ ಭವಿಷ್ಯ ಮತ ಪಟ್ಟಿಗೆಗಳಲ್ಲಿ ಭದ್ರವಾಗಿದೆ.
ಬೆಳಗ್ಗೆ 7ರಿಂದ ಸಂಜೆ 5ರವರೆಗೆ ನಡೆದ ಮತದಾನದಲ್ಲಿ ಶೇ.81.44 ರಷ್ಟು ಮತ ಚಲಾವಣೆಯಾಗಿದೆ. ಬೆಳಗ್ಗೆ ಮತದಾನ ಆರಂಭವಾದ ಸಮಯದಲ್ಲಿ ಒಂದು ಗಂಟೆಗೂ ಹೆಚ್ಚು ಕಾಲ ಮಳೆ ಸುರಿದ ಪರಿಣಾಮ ಮತ ಚಲಾವಣೆ ಮಂದಗತಿಯಲ್ಲಿ ಸಾಗಿತು. ನಂತರ ಬಿರುಸಿನ ಮತದಾನ ನಡೆದು ಮಧ್ಯಾಹ್ನದ ವೇಳೆಗೆ ಶೇ.70 ರಷ್ಟು ಮತದಾನವಾಗಿತ್ತು.
ಕೆಲವೆಡೆ ಮತದಾರರ ಪಟ್ಟಿಯಲ್ಲಿ ಹೆಸರು ಅದಲು ಬದಲಾದ ಪರಿಣಾಮ ಮತದಾರರು ಬೇರೆ ವಾರ್ಡ್ಗಳಿಗೆ ಹೋಗಿ ಮತದಾನ ಮಾಡಬೇಕಾಯಿತು. ದರಿಂದ ಬೇಸತ್ತ ಮತದಾರರು ತಮ್ಮ ಅನುಮತಿ ಇಲ್ಲದೆ ಬೇರೆ ವಾರ್ಡ್ಗಳಿಗೆ ತಮ್ಮ ಮತಗಳನ್ನು ವರ್ಗಾಯಿಸಿರುವುದರ ಹಿಂದೆ ಯಾರ ಕೈವಾಡವಿದೆಯೋ ಎಂದು ಶಾಪ ಹಾಕುತ್ತಿದ್ದರು.
ತಾಲೂಕು ಆಡಳಿತ ವತಿಯಿಂದ 11 ಮತ ಕೇಂದ್ರಗಳನ್ನು ಸ್ಥಾಪಿಸಿ, ಮತ ಕೇಂದ್ರಗಳಲ್ಲಿ ಸೂಕ್ತ ಸೌಲಭ್ಯಗಳ ವ್ಯವಸ್ಥೆ ಮಾಡಲಾಗಿತ್ತು. ಎಲ್ಲಾ ಕೇಂದ್ರಗಳಲ್ಲೂ ಪೊಲೀಸರು ಬಿಗಿ ಬಂದೋಬಸ್ತ್ ಏರ್ಪಡಿಸಿದ್ದರು.
ಚುನಾವಣೆಯ ಹಿಂದಿನ ದಿನ ರಾತ್ರಿ ಮಂಗಳವಾರ ಅಭ್ಯರ್ಥಿಗಳು ಮತದಾರರನ್ನು ಓಲೈಸಲು ಹಣ, ಮದ್ಯ, ಫ್ಯಾನ್, ಕುಕ್ಕರ್, ಮಿಕ್ಸಿಯಂತಹ ಗೃಹೋಪಯೋಗಿ ಪದಾರ್ಥಗಳು, ಎಲೆ ಅಡಿಕೆ ಹೂ ಸೇರಿದಂತೆ ಬೆಳ್ಳಿಯ ಆಭರಣಗಳನ್ನು ನೀಡುವುದರ ಜತೆಗೆ ಪ.ಪಂ. ವ್ಯಾಪ್ತಿಯ ಹೊರ ಪ್ರದೇಶಗಳಲ್ಲಿ ಭರ್ಜರಿ ಬಾಡೂಟದ ಪಾರ್ಟಿಗಳನ್ನು ಆಯೋಜಿಸಿ ಮತದಾರರ ಮನವೊಲಿಸಲು ಪ್ರಯತ್ನಿಸಿದರು.
ಒಟ್ಟಾರೆಯಾಗಿ ಈ ಬಾರಿ ಚುನಾವಣೆ ಕಳೆದೆಲ್ಲ ಚುನಾವಣೆಗಿಂತ ಅದ್ದೂರಿ ಪ್ರಚಾರದ ಭರಾಟೆಯೊಂದಿಗೆ ಮುಗಿದಿದ್ದು, ಮತ ಎಣಿಕೆ ನಡೆಯುವ ಮೇ 31 ರ ವರೆಗೂ ಸೋಲು ಗೆಲುವಿನ ಲೆಕ್ಕಾಚಾರ ನಡೆಯಲಿದೆ.
ಬೆಳಗ್ಗೆ 7ರಿಂದ ಸಂಜೆ 5ರವರೆಗೆ ನಡೆದ ಮತದಾನದಲ್ಲಿ ಶೇ.81.44 ರಷ್ಟು ಮತ ಚಲಾವಣೆಯಾಗಿದೆ. ಬೆಳಗ್ಗೆ ಮತದಾನ ಆರಂಭವಾದ ಸಮಯದಲ್ಲಿ ಒಂದು ಗಂಟೆಗೂ ಹೆಚ್ಚು ಕಾಲ ಮಳೆ ಸುರಿದ ಪರಿಣಾಮ ಮತ ಚಲಾವಣೆ ಮಂದಗತಿಯಲ್ಲಿ ಸಾಗಿತು. ನಂತರ ಬಿರುಸಿನ ಮತದಾನ ನಡೆದು ಮಧ್ಯಾಹ್ನದ ವೇಳೆಗೆ ಶೇ.70 ರಷ್ಟು ಮತದಾನವಾಗಿತ್ತು.
ಕೆಲವೆಡೆ ಮತದಾರರ ಪಟ್ಟಿಯಲ್ಲಿ ಹೆಸರು ಅದಲು ಬದಲಾದ ಪರಿಣಾಮ ಮತದಾರರು ಬೇರೆ ವಾರ್ಡ್ಗಳಿಗೆ ಹೋಗಿ ಮತದಾನ ಮಾಡಬೇಕಾಯಿತು. ದರಿಂದ ಬೇಸತ್ತ ಮತದಾರರು ತಮ್ಮ ಅನುಮತಿ ಇಲ್ಲದೆ ಬೇರೆ ವಾರ್ಡ್ಗಳಿಗೆ ತಮ್ಮ ಮತಗಳನ್ನು ವರ್ಗಾಯಿಸಿರುವುದರ ಹಿಂದೆ ಯಾರ ಕೈವಾಡವಿದೆಯೋ ಎಂದು ಶಾಪ ಹಾಕುತ್ತಿದ್ದರು.
ತಾಲೂಕು ಆಡಳಿತ ವತಿಯಿಂದ 11 ಮತ ಕೇಂದ್ರಗಳನ್ನು ಸ್ಥಾಪಿಸಿ, ಮತ ಕೇಂದ್ರಗಳಲ್ಲಿ ಸೂಕ್ತ ಸೌಲಭ್ಯಗಳ ವ್ಯವಸ್ಥೆ ಮಾಡಲಾಗಿತ್ತು. ಎಲ್ಲಾ ಕೇಂದ್ರಗಳಲ್ಲೂ ಪೊಲೀಸರು ಬಿಗಿ ಬಂದೋಬಸ್ತ್ ಏರ್ಪಡಿಸಿದ್ದರು.
ಚುನಾವಣೆಯ ಹಿಂದಿನ ದಿನ ರಾತ್ರಿ ಮಂಗಳವಾರ ಅಭ್ಯರ್ಥಿಗಳು ಮತದಾರರನ್ನು ಓಲೈಸಲು ಹಣ, ಮದ್ಯ, ಫ್ಯಾನ್, ಕುಕ್ಕರ್, ಮಿಕ್ಸಿಯಂತಹ ಗೃಹೋಪಯೋಗಿ ಪದಾರ್ಥಗಳು, ಎಲೆ ಅಡಿಕೆ ಹೂ ಸೇರಿದಂತೆ ಬೆಳ್ಳಿಯ ಆಭರಣಗಳನ್ನು ನೀಡುವುದರ ಜತೆಗೆ ಪ.ಪಂ. ವ್ಯಾಪ್ತಿಯ ಹೊರ ಪ್ರದೇಶಗಳಲ್ಲಿ ಭರ್ಜರಿ ಬಾಡೂಟದ ಪಾರ್ಟಿಗಳನ್ನು ಆಯೋಜಿಸಿ ಮತದಾರರ ಮನವೊಲಿಸಲು ಪ್ರಯತ್ನಿಸಿದರು.
ಒಟ್ಟಾರೆಯಾಗಿ ಈ ಬಾರಿ ಚುನಾವಣೆ ಕಳೆದೆಲ್ಲ ಚುನಾವಣೆಗಿಂತ ಅದ್ದೂರಿ ಪ್ರಚಾರದ ಭರಾಟೆಯೊಂದಿಗೆ ಮುಗಿದಿದ್ದು, ಮತ ಎಣಿಕೆ ನಡೆಯುವ ಮೇ 31 ರ ವರೆಗೂ ಸೋಲು ಗೆಲುವಿನ ಲೆಕ್ಕಾಚಾರ ನಡೆಯಲಿದೆ.