ಲೈಂಗಿಕ ಕಿರುಕುಳ ಬೆದರಿಕೆವೊಡ್ಡಿ ವಸೂಲಿ ಮಾಡಿದವರ ಬಂಧನ

ಕೊಳ್ಳೇಗಾಲ: ಲೈಂಗಿಕ ಕಿರುಕುಳ ನೀಡುತ್ತಿರುವುದಾಗಿ ದೂರು ನೀಡುತ್ತೇವೆ ಎಂದು ಹೆದರಿಸಿ ಹಣ ವಸೂಲಿ ಮಾಡುತ್ತಿದ್ದ ಮೂವರನ್ನು ಕೊಳ್ಳೇಗಾಲ ಪಟ್ಟಣ ಠಾಣೆಯ ಪೊಲೀಸರು ಬಂಧಿಸಿದ್ದಾರೆ.

ಬೆಂಗಳೂರಿನ ಹೆಸರುಘಟ್ಟ ನಿವಾಸಿಗಳಾದ ಸರೋಜಮ್ಮ, ಬಸವರಾಜು, ನಾಗರತ್ನಮ್ಮ ಬಂಧಿತ ಆರೋಪಿಗಳು. ಪಟ್ಟಣದ ಆಂಜನೇಯ ಸ್ವಾಮಿ ದೇವಾಲಯದ ಪ್ರಧಾನ ಅರ್ಚಕ ಟಿ.ವಿ. ಶ್ರೀನಿವಾಸ್‌ ರಾಘವನ್‌ ಬ್ಲ್ಯಾಕ್‌ ಮೇಲ್‌ಗೆ ಒಳಗಾದವರು. ಅರ್ಚಕ ಶ್ರೀನಿವಾಸ್‌ ರಾಘವನ್‌ ಎಂಬುವವರ ಬಳಿ ಮೂವರು ಆರೋಪಿಗಳು ಆಗಾಗ್ಗೆ ಬಂದು ಪೂಜೆ ಮಾಡಿಸುತ್ತಿದ್ದರು. ಜೊತೆಗೆ ಬೆಂಗಳೂರಿಗೆ ಕರೆದುಕೊಂಡು ಹೋಗಿ ಪೂಜೆ ಮಾಡಿಸಿಕೊಳ್ಳುತ್ತಿದ್ದರು.

ಈ ಮಧ್ಯೆ ಆರೋಪಿಗಳು, ಶ್ರೀನಿವಾಸ್‌ ರಾಘವನ್‌ ಅವರು ಲೈಂಗಿಕ ಕಿರುಕುಳ ನೀಡುತ್ತಿದ್ದು, ಪೋನ್‌ನಲ್ಲಿಆಶ್ಲೀಲವಾಗಿ ಮಾತನಾಡು ತ್ತಿರುವುದಾಗಿ ತಾವು ದೂರು ನೀಡುತ್ತೇವೆ ಎಂದು ಬೆದರಿಕೆವೊಡ್ಡಿ ಕಳೆದ 6 ತಿಂಗಳಿಂದ ಸುಮಾರು 20 ಲಕ್ಷ ರೂ. ಹಣ ವಸೂಲಿ ಮಾಡಿಕೊಂಡಿದ್ದಾರೆ. ಇನ್ನೂ 50 ಲಕ್ಷ ರೂ.ನೀಡುವಂತೆ ಬೆದರಿಕೆವೊಡ್ಡಿದ್ದರಿಂದ ನ.8ರಂದು ಅರ್ಚಕ ಶ್ರೀನಿವಾಸ್‌ ಪಟ್ಟಣ ಪೊಲೀಸ್‌ ಠಾಣೆಗೆ ದೂರು ಸಲ್ಲಿಸಿದ್ದರು. ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ಅರ್ಚಕರಿಂದ ಆರೋಪಿ ಗಳಿಂದ ಮದ್ದೂರಿಗೆ ಕರೆಯಿಸಿ ಬಂಧಿಸಿ, ನ್ಯಾಯಾಲಯಕ್ಕೆ ಒಪ್ಪಿಸಿದ್ದಾರೆ.