ಹಾಸನ: ಮಸ್ತಕಾಭಿಷೇಕ ಹಿನ್ನೆಲೆಯಲ್ಲಿ ಜನಾಕರ್ಷಣೆಗಾಗಿ ಏರ್ಪಡಿಸಿರುವ ಅಂತಾರಾಷ್ಟ್ರೀಯ ವಸ್ತುಪ್ರದರ್ಶನ ಜನರೇ ಇಲ್ಲದೆ ಬಿಕೋ ಎನ್ನುತ್ತಿದೆ. ವರ್ತಕರು ತಲೆಮೇಲೆ ಕೈಹೊತ್ತು ಕುಳಿತಿದ್ದಾರೆ.
ರಾಜ್ಯ, ಹೊರ ರಾಜ್ಯಗಳಿಂದ ಆಗಮಿಸಿರುವ ವರ್ತಕರು ಲಕ್ಷಾಂತರ ರೂ.ವ್ಯಯಿಸಿ ಆಕರ್ಷಕ ಸಾಮಗ್ರಿ, ಬಟ್ಟೆ, ಕೈಗಾರಿಕಾ ಸಾಮಗ್ರಿ, ಸಸ್ಯಜನ್ಯ ಪಾದರಕ್ಷೆಗಳು ಹೀಗೆ ವಿಭಿನ್ನ ಬಗೆಯ ವಸ್ತುಗಳನ್ನು ಮಾರಾಟಕ್ಕಿಟ್ಟಿದ್ದಾರೆ.
ದೇಶಿ ಉತ್ಪನ್ನಗಳು, ಖಾದಿ ಬಟ್ಟೆಗಳು, ವ್ಯಂಗ್ಯಚಿತ್ರ, ಚಿತ್ರಕಲೆ ಹೀಗೆ ನೋಡಲೇ ಬೇಕಾದ ಹಾಗೂ ಖರೀದಿಸಲು ಬಹುದಾದ ಉತ್ಪನ್ನಗಳಿದ್ದರೂ ಜನರೇ ಇತ್ತ ಸುಳಿಯದೆ ವರ್ತಕರನ್ನು ಚಿಂತಾಕ್ರಾಂತರನ್ನಾಗಿಸಿದೆ. ಇನ್ನು ವಾಹನ ಪಾಸ್‌ ಹೊಂದಿದವರು ಮಾತ್ರ ಅತ್ತ ತೆರಳಬಹುದಾಗಿದೆ.
--------------------
ರಾಜ್ಯದ ಪ್ರಖ್ಯಾತ ಕಲಾವಿದರ ವ್ಯಂಗ್ಯಚಿತ್ರ ಪ್ರದರ್ಶನಕ್ಕೆ ವ್ಯವಸ್ಥೆಯನ್ನು ಕಸರತ್ತು ಮಾಡಿ, ಕಾಡಿ, ಬೇಡಿ ಕಲ್ಪಿಸಿದ್ದೇನೆ. ಆದರೆ, ಇಡೀ ವಸ್ತುಪ್ರದರ್ಶನಕ್ಕೆ ಜನರೇ ಬರುತ್ತಿಲ್ಲ. ಮುಕ್ತವಾಗಿ ಓಡಾಡುವಂತಾದರೆ ಕಾರು, ಬೈಕ್‌ ಯಾವುದರಲ್ಲಿಯಾದರೂ ಸಮೀಪಕ್ಕೆ ಬಂದು ಹೋಗುತ್ತಾರೆ. ಗಣ್ಯರಿಗೆ ಇರುವ ಬೆಲೆ ಸಾಮಾನ್ಯ ಜನರಿಗೆ ಇಲ್ಲದಾಗಿದೆ. ಹೀಗಾಗಿ ಜನರು ಇತ್ತ ಬರುತ್ತಿಲ್ಲ.
- ಶಿವರಾಂ, ವ್ಯಂಗ್ಯಚಿತ್ರ ಕಲಾವಿದ.
----------------------
ಚಿತ್ರಕಲೆಯ ಕೃತಿಯನ್ನು ತಂದು ಮಾರಾಟಕ್ಕೆ ಇಟ್ಟಿದ್ದೇನೆ. ಮಳಿಗೆ ಬಾಡಿಗೆ, ಕಾರು ಬಾಡಿಗೆಯೂ ಸಿಗುವುದಿಲ್ಲ ಎಂಬುದು ಖಚಿತವಾಗಿದೆ. ಜನರೇ ಬಾರದೆ ಇದ್ದರೆ ವೀಕ್ಷಣೆ, ಮಾರಾಟ ಆಗುವುದಾದರೂ ಎಲ್ಲಿಂದ..? ಇಂತಹ ನೀರಸ ಪ್ರದರ್ಶನ ಎಲ್ಲೂ ನೋಡಿರಲಿಲ್ಲ.
- ವಿನೋದ್‌, ವ್ಯಾಪಾರಿ ಬೆಂಗಳೂರು.