ಜಾವಗಲ್‌: ಅಪ್ರಾಪ್ತಗೆ ಲೈಂಗಿಕ ಕಿರುಕುಳ ನೀಡಿದ ಹಿನ್ನೆಲೆಯಲ್ಲಿ ವೃದ್ಧರೊಬ್ಬರ ವಿರುದ್ಧ ಪೋಕ್ಸೋ ಕಾಯಿದೆಯಡಿ ಜಾವಗಲ್‌ ಠಾಣೆಯಲ್ಲಿ ದೂರು ದಾಖಲಾಗಿದೆ.
ಜಾವಗಲ್‌ ಹೋಬಳಿ ಮೊಸಳೆ ಗ್ರಾಮದ ಶಂಕರಪ್ಪ (65) ಗ್ರಾಮದಲ್ಲಿ ಆಟವಾಡುತ್ತಿದ್ದ ಬಾಲಕಿಯನ್ನು ಸೀಬೆಕಾಯಿ ನೀಡುವುದಾಗಿ ಹೇಳಿ ಮನೆಯ ಬಳಿ ಕರೆದುಕೊಂಡು ಹೋಗಿದ್ದ. ಈ ವೇಳೆ ಬಾಲಕಿಯೊಂದಿಗೆ ಅಸಭ್ಯವಾಗಿ ವರ್ತಿಸಲು ಮುಂದಾದಾಗ ಬಾಲಕಿ ಆತನನ್ನು ನೂಕಿ ಮನೆಯಿಂದ ಹೊರ ಬಂದು ಪೋಷಕರಿಗೆ ತಿಳಿಸಿದ್ದಾಳೆ.
ಪೋಷಕರು ಜಾವಗಲ್‌ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ. ಆರೋಪಿ ನಾಪತ್ತೆಯಾಗಿದ್ದು ಬಂಧನಕ್ಕೆ ಪೊಲೀಸರು ಶೋಧ ಕಾರ‍್ಯ ಕೈಗೊಂಡಿದ್ದಾರೆ ಎಂದು ಪಿಎಸ್‌ಐ ನಟರಾಜು ತಿಳಿಸಿದರು.