ಶರತ್‌ಗೆ ‘ಮಿಸ್ಟರ್‌ ಪವರ್‌’ ಬಹುಮಾನ

ಅರಕಲಗೂಡು: ತಾಲೂಕಿನ ದೊಡ್ಡಮಗ್ಗೆ ಪವರ್‌ ಜಿಮ್‌ ಬಾಯ್ಸ್‌ ಆವರಣದಲ್ಲಿ ನಡೆದ ತಾಲೂಕು ಮಟ್ಟದ ದೇಹದಾರ್ಢ್ಯ ಸ್ಪರ್ಧೆಯಲ್ಲಿ ದೊಡ್ಡಮಗ್ಗೆ ಪವರ್‌ ಜಿಮ್‌ನ ಶರತ್‌ ಪ್ರಥಮ ಸ್ಥಾನ ಪಡೆಯುವ ಮೂಲಕ 'ಮಿಸ್ಟರ್‌ ಪವರ್‌' ಬಹುಮಾನ ಪಡೆದರು.

ಬೆಸ್ಟ್‌ ಪೋಸರ್‌ ಬಹುಮಾನವನ್ನು ಅರಕಲಗೂಡಿನ ಫ್ರೆಂಡ್ಸ್‌ ಫಿಟ್ನೆಸ್‌ನ ಇಮ್ರಾನ್‌ ಖಾನ್‌, ಮೋಸ್ಟ್‌ ಮಸ್ಕೂಲರ್‌ ಬಹುಮಾನವನ್ನು ದೊಡ್ಡಮಗ್ಗೆ ಪವರ್‌ ಜಿಮ್‌ನ ಪ್ರಜ್ವಲ್‌ ಗಳಿಸಿದರು. 20ಕ್ಕೂ ಅಧಿಕ ಸ್ಪರ್ಧಿಗಳು ಭಾಗವಹಿಸಿದ್ದರು.

ಶಾಸಕ ಎ.ಟಿ.ರಾಮಸ್ವಾಮಿ ಸ್ಪರ್ಧೆ ಉದ್ಘಾಟಿಸಿ ಮಾತನಾಡಿ, ಯುವ ಸಮುದಾಯ ಕಾಲವನ್ನು ಅನಗತ್ಯವಾಗಿ ಕಳೆಯದೇ ಆರೋಗ್ಯ ದೃಷ್ಟಿಯಿಂದ ದೈಹಿಕ ಚಟುವಟಿಕೆಯಲ್ಲಿ ತೊಡಗಿಸಿಕೊಳ್ಳಬೇಕು ಎಂದು ಹೇಳಿದರು.

ತಾಲೂಕು ಕೃಷಿಕ ಸಮಾಜದ ಅಧ್ಯಕ್ಷ ರಂಗಸ್ವಾಮಿ, ಜಿಮ್‌ ಮಾಲೀಕ ಮಧು ಮಾದಿಹಳ್ಳಿ ಹಾಜರಿದ್ದರು.