ಅನಾರೋಗ್ಯದಿಂದ ಯೋಧ ಸಾವು

ಹಾಸನ : ಕಾಶ್ಮೀರದಲ್ಲಿ ಕರ್ತವ್ಯ ನಿರತರಾಗಿದ್ದ ಇಲ್ಲಿನ ಯೋಧ ಅನಾರೋಗ್ಯದಿಂದ ಮಂಗಳವಾರ ಸಾವನ್ನಪ್ಪಿದ್ದಾರೆ. ಹಾಸನ ತಾಲ್ಲೂಕಿನ ದುದ್ದ ಗ್ರಾಮದ ದೇವರಾಜು (24) ಮೃತ ಯೋಧ.

ಕಳೆದ ಎರಡು ವರ್ಷದ ಹಿಂದೆ ಭಾರತೀಯ ಸೇನೆ ಸೇರಿದ್ದ ದೇವರಾಜು, ಕಳೆದ ಎರಡು ತಿಂಗಳಿನಿಂದ ‌ಅನಾರೋಗ್ಯದಿಂದ ಬಳಲುತ್ತಿದ್ದ.

ಅನಾರೋಗ್ಯದ‌ ಹಿನ್ನಲೆಯಲ್ಲಿ ಗಡಿ ಕಾಯುವ ಕೆಲಸದಿಂದ ಕಚೇರಿಗೆ ವರ್ಗಾವಣೆ ಮಾಡಲಾಗಿತ್ತು. ಕಾಶ್ಮೀರದಲ್ಲಿರುವ ಸೇನಾ ಕಚೇರಿಯಲ್ಲಿ ಕರ್ತವ್ಯ ನಿರ್ವಹಿಸುತ್ತಿದ್ದ ದೇವರಾಜು ಅವರ ಪಾರ್ಥಿವ ಶರೀರ ನಾಳೆ (ಗುರುವಾರ) ಹುಟ್ಟೂರು ದುದ್ದ ಗ್ರಾಮಕ್ಕೆ ಆಗಮಿಸಲಿದೆ.