15 ಲಕ್ಷ ಸುಪಾರಿ ಕೊಟ್ಟು ತಂದೆಯನ್ನೇ ಹತ್ಯೆ ಮಾಡಿದ ಮಗಳ ಬಂಧನ

ಹಾಸನ: ಪ್ರಿಯಕರನ ಜತೆ ಸೇರಿ‌ 15 ಲಕ್ಷ ರೂ. ಸುಪಾರಿ ಕೊಟ್ಟು ತಂದೆಯನ್ನೇ ಹತ್ಯೆ ಮಾಡಿದ ಮಗಳು ಮತ್ತು ಆಕೆಯ ಪ್ರಿಯಕರ ಸೇರಿದಂತೆ ಮೂವರನ್ನು ನಗರ ಪೊಲೀಸರು ಬಂಧಿಸಿದ್ದಾರೆ. ಪುತ್ರಿಗೆ ಮದುವೆಯಾಗಿದ್ದರೂ ಪತಿಯನ್ನು ತೊರೆದು ಪ್ರಿಯಕರ ಜತೆ ಅಕ್ರಮ ಸಂಬಂಧವನ್ನು ಇಟ್ಟುಕೊಂಡಿದ್ದಳು.

ಆರೋಪಿ ವಿದ್ಯಾಗೆ ಮದುವೆಯಾಗಿದ್ದು ಪತಿಯನ್ನು ತೊರೆದು ಪ್ರಿಯಕರ ಚಿದಾನಂದ ಎಂಬುವವನ ಜತೆ ಅಕ್ರಮ‌ ಸಂಬಂಧ ಹೊಂದಿದ್ದರು. ಆಗಸ್ಟ್‌ 23 ರಂದು ವಿದ್ಯಾಳ ತಂದೆ ಮುನಿರಾಜುವನ್ನು ಚಿದಾನಂದ್ ಮತ್ತು ರಘು ಹತ್ಯೆ ಮಾಡಿದ್ದರು. ಇತ್ತೀಚೆಗೆ ಆಲೂರು ತಾಲ್ಲೂಕಿನ ಹೇಮಾವತಿ ಹಿನ್ನೀರಿನಲ್ಲಿ ಮುನಿರಾಜು ಅವರ ಮೃತದೇಹ ಪತ್ತೆಯಾಗಿತ್ತು.

ಆಲೂರು ತಾಲೂಕಿನ ಮಣಿಗನಹಳ್ಳಿ ಬಳಿಯ ಹೇಮಾವತಿ ನದಿಯಲ್ಲಿ ಮೃತದೇಹ ತೇಲುತ್ತಿತ್ತು. ಆಕ್ಸ್ ಕೇಬಲ್ ಮತ್ತು ಚಾಕು ಬಳಸಿ ಮುನಿರಾಜುವನ್ನು ಕೊಲೆ ಮಾಡಿದ್ದರು. ಇತ್ತ ವಿದ್ಯಾ ತಂದೆಯನ್ನು ಹತ್ಯೆ ಮಾಡಿಸಿ ತಾನೇ ಹಿರಿಸಾವೆ ಪೊಲೀಸ್‌ ಠಾಣೆಯಲ್ಲಿ ತಂದೆ ನಾಪತ್ತೆಯಾಗಿರುವ ಬಗ್ಗೆ ನೀಡಿದ್ದಳು. ಇದೀಗ ವಿದ್ಯಾ ಸೇರಿ ಮುನಿರಾಜು ಹತ್ಯೆ ಗೈದಿದ್ದ ಪ್ರಿಯಕರ ಚಿದಾನಂದ ಮತ್ತು ರಘು ಮೂವರು ಆರೋಪಿಗಳನ್ನು ಪೊಲೀಸರು ಬಂಧಿಸಿದ್ದು, ಹೆಚ್ಚಿನ ವಿಚಾರಣೆಗೆ ಒಳಪಡಿಸಲಾಗಿದೆ.