ಹೊಳೆನರಸೀಪುರ: ಪ್ರಜ್ವಲ್‌ ರೋಡ್‌ ಶೋ

ಹೊಳೆನರಸೀಪುರ: ಹಾಸನ ಲೋಕಸಭಾ ಜೆಡಿಎಸ್‌ ಅಭ್ಯರ್ಥಿ ಪ್ರಜ್ವಲ್‌ ರೇವಣ್ಣ ಅರಕಲಗೂಡು ಶಾಸಕ ಎ.ಟಿ.ರಾಮಸ್ವಾಮಿ ಅವರೊಂದಿಗೆ ಹೊಳೆನರಸೀಪುರ ತಾಲೂಕು ಹಳ್ಳಿ ಮೈಸೂರು ಹೋಬಳಿಯಲ್ಲಿ ಭಾನುವಾರ ಬಿರುಸಿನ ಪ್ರಚಾರ ನಡೆಸಿದರು.

ಆಲಗೌಡನಹಳ್ಳಿ ಗ್ರಾಮದ ದೇವಾಲಯದ ಬಳಿ ಪೂಜೆ ನೆರವೇರಿಸಿ ತೆರೆದ ವಾಹನದಲ್ಲಿ ಪ್ರಚಾರ ನಡೆಸಿದರು. ದೊಡ್ಡಳ್ಳಿ, ದೊಡ್ಡಕಾಡನೂರು, ಹಳ್ಳಿಮೈಸೂರು ಭಾಗದ ಗ್ರಾಮಗಳಲ್ಲಿ ರೋಡ್‌ಶೋ ನಡೆಸಿದರು. ನೂರಾರು ಕಾರ‍್ಯಕರ್ತರು ಬೈಕ್‌ ರಾರ‍ಯಲಿ ಮೂಲಕ ಸಾಥ್‌ ನೀಡಿದರು. ಮತಯಾಚನೆ ಸಂದರ್ಭ ದಾರಿಯುದ್ದಕ್ಕೂ ಹೂವಿನ ಹಾರಹಾಕಿ ಗ್ರಾಮಸ್ಥರು, ಕಾರ‍್ಯಕರ್ತರು ಸ್ವಾಗತಿಸಿದರು. ಅಭಿಮಾನಿ ಕೆಲ ಯುವಕರು ತೆರೆದ ವಾಹನದಲ್ಲಿ ಇದ್ದ ಮಾಜಿ ಪ್ರಧಾನಿ ಎಚ್‌.ಡಿ.ದೇವೇಗೌಡರ ಭಾವಚಿತ್ರಕ್ಕೆ ಹಾಲಿನ ಅಭಿಷೇಕ ಮಾಡಿದರು. ಜೆಡಿಎಸ್‌ ಪಕ್ಷ ಮತ್ತು ದೇವೇಗೌಡರ ಪರ ಜೈಕಾರ ಕೂಗಿದರು. ಕಾಂಗ್ರೆಸ್‌ನ ಕೆಲವು ಕಾರ‍್ಯಕರ್ತರು ಪಾಲ್ಗೊಂಡಿದ್ದರು.