ಆ್ಯಪ್ನಗರ

ಆದಾಯ ದೇಗುಲಕ್ಕೆ ಮೀಸಲು: ಆಯುಕ್ತೆ

ರಾಜ್ಯದಲ್ಲಿನ ದೇಗುಲಗಳಲ್ಲಿ ಬರುವ ಆದಾಯವನ್ನು ಆಯಾ ದೇಗುಲಗಳ ಸಮಗ್ರ ಅಭಿವೃದ್ಧಿಗೆ ಬಳಸಿಕೊಳ್ಳಲಾಗುತ್ತಿದೆ ಎಂದು ರಾಜ್ಯ ಧಾರ್ಮಿಕ ದತ್ತಿ ಇಲಾಖೆ ಆಯುಕ್ತೆ ಸಿ.ಪಿ.ಶೈಲಜಾ ತಿಳಿಸಿದರು.

Vijaya Karnataka 7 Jun 2019, 5:00 am
ಬೇಲೂರು : ರಾಜ್ಯದಲ್ಲಿನ ದೇಗುಲಗಳಲ್ಲಿ ಬರುವ ಆದಾಯವನ್ನು ಆಯಾ ದೇಗುಲಗಳ ಸಮಗ್ರ ಅಭಿವೃದ್ಧಿಗೆ ಬಳಸಿಕೊಳ್ಳಲಾಗುತ್ತಿದೆ ಎಂದು ರಾಜ್ಯ ಧಾರ್ಮಿಕ ದತ್ತಿ ಇಲಾಖೆ ಆಯುಕ್ತೆ ಸಿ.ಪಿ.ಶೈಲಜಾ ತಿಳಿಸಿದರು.
Vijaya Karnataka Web HSN-HSN6BLR1


ಇಲ್ಲಿನ ಶ್ರೀಚನ್ನಕೇಶವಸ್ವಾಮಿ ದೇವಸ್ಥಾನಕ್ಕೆ ಭೇಟಿ ನೀಡಿ ದೇವರ ದರ್ಶನ ಪಡೆದು ಸುದ್ದಿಗಾರರೊಂದಿಗೆ ಮಾತನಾಡಿ, ''ಆಯಾ ದೇಗುಲಗಳ ಆದಾಯಕ್ಕೆ ಅನುಗುಣವಾಗಿ ಅಲ್ಲಿನ ಮೂಲ ಸೌಲಭ್ಯಗಳನ್ನು ಭಕ್ತರಿಗೆ ಕಲ್ಪಿಸಿಕೊಡಲು ಇಲಾಖೆ ಬದ್ಧವಾಗಿದೆ,''ಎಂದು ಸ್ಪಷ್ಟಪಡಿಸಿದರು.

''ಇಲ್ಲಿನ ದೇಗುಲಕ್ಕೆ ಸೇರಿದ ನೂರಾರು ಎಕರೆ ಆಸ್ತಿಯನ್ನು ಒತ್ತುವರಿ ಮಾಡಿರುವ ಕುರಿತು ದೂರುಗಳು ಬಂದಿವೆ. ಈ ಬಗ್ಗೆ ಸೂಕ್ತ ಪರಿಶೀಲನೆ ನಡೆಸಿ ಕಾನೂನು ರೀತ್ಯ ಕ್ರಮ ತೆಗೆದುಕೊಳ್ಳಲಾಗುತ್ತದೆ. ಯಾವುದೇ ದೇಗುಲದ ಆಸ್ತಿಪಾಸ್ತಿಗಳ ಪರಭಾರೆಗೆ ಅವಕಾಶ ನೀಡುವುದಿಲ್ಲ. ಒತ್ತುವರಿಗಳನ್ನು ತೆರವುಗೊಳಿಸಲಾಗುತ್ತದೆ,''ಎಂದರು.

''ದೇಗುಲದಲ್ಲಿ ಭಕ್ತರು ಎದುರಿಸುತ್ತಿರುವ ದರ್ಶನ ಸಮಯದ ಸಮಸ್ಯೆ, ದೇಗುಲದ ಭದ್ರತೆಗಾಗಿ ಸಿಸಿ ಕ್ಯಾಮೆರಾ ಅಳವಡಿಕೆ ಮಾಡಲು ಅಡ್ಡಿಯುಂಟಾಗಿರುವ ಕುರಿತು ಸಂಬಂಧಪಟ್ಟ ಇಲಾಖೆಯೊಂದಿಗೆ ಚರ್ಚೆ ನಡೆಸಲಾಗುತ್ತದೆ,''ಎಂದರು. ದೇಗುಲ ಸಮಿತಿಯ ವಿವಿಧ ಬೇಡಿಕೆಗಳ ಕುರಿತು ಗಮನಹರಿಸುವ ಭರವಸೆ ನೀಡಿದರು.

ಆಯುಕ್ತರಿಗೆ ಇಲ್ಲಿನ ಅರ್ಚಕ ವೃಂದ ಅವರಿಗೆ ಪೂರ್ಣಕುಂಭ ಸ್ವಾಗತ ನೀಡಿ ಬರಮಾಡಿಕೊಂಡಿತು. ದೇಗುಲದ ಅರ್ಚಕರಾದ ಶ್ರೀನಿವಾಸ ಭಟ್ಟರ್‌, ಕೃಷ್ಣಸ್ವಾಮಿ ಭಟ್ಟರ್‌, ಕಾರ್ಯನಿರ್ವಹಣಾಧಿಕಾರಿ ವಿದ್ಯುಲ್ಲತಾ, ವ್ಯವಸ್ಥಾಪನಾ ಸಮಿತಿ ಅಧ್ಯಕ್ಷ ವೈ.ಟಿ.ದಾಮೋದರ್‌, ಸದಸ್ಯ ವೆಂಕಟೇಗೌಡ ಮತ್ತಿತರರು ಹಾಜರಿದ್ದರು.

ಮುಂದಿನ ಲೇಖನ

Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
ಲೇಟೆಸ್ಟ್‌ ನ್ಯೂಸ್‌ ಅಪ್‌ಡೇಟ್‌ಗಳನ್ನು ಪಡೆಯಿರಿ, Vijay Karnataka ಫೇಸ್‌ಬುಕ್‌ಪೇಜ್‌ ಲೈಕ್‌ ಮಾಡಿರಿ