ಆರ್‌ಟಿಒ ಕಚೇರಿ ಮೇಲೆ ಲೋಕಾಯುಕ್ತ ದಾಳಿ

ಹಾಸನ: ತಂತ್ರಜ್ಞಾನ ಎಷ್ಟೇ ಮುಂದುವರೆದರೂ, ಮಧ್ಯವರ್ತಿಗಳಿಲ್ಲದೆ ಆರ್‌ಟಿಒ ಕಚೇರಿಯಲ್ಲಿಕೆಲಸಗಳಾಗುವುದಿಲ್ಲ ಎಂಬ ಕುರಿತು ವಿಜಯ ಕರ್ನಾಟಕ ರಿಯಾಲಿಟಿ ಚೆಕ್‌ ಮಾಡಿ ಪ್ರಕಟಿಸಿದ್ದ ವರದಿ ಹಿನ್ನೆಲೆಯಲ್ಲಿರಾಜ್ಯ ಲೋಕಾಯುಕ್ತದ ಸೂಚನೆ ಅನ್ವಯ ಜಿಲ್ಲೆಯ ಲೋಕಾಯುಕ್ತ ಅಧಿಕಾರಿಗಳು ಬುಧವಾರ ಮಧ್ಯಾಹ್ನ ನಗರದ ಪ್ರಾದೇಶಿಕ ಸಾರಿಗೆ ಅಧಿಕಾರಿಗಳ ಕಚೇರಿಗೆ ಭೇಟಿ ನೀಡಿ ಪರಿಶೀಲಿಸಿದರು.
ಜಿಲ್ಲಾಕೇಂದ್ರದ ಪ್ರಾದೇಶಿಕ ಸಾರಿಗೆ ಇಲಾಖೆಯಲ್ಲಿಎಲ್‌ಎಲ್‌ಆರ್‌, ಡಿಎಲ್‌, ದಾಖಲೆಗಳ ವರ್ಗ ಈ ಎಲ್ಲಪ್ರಕ್ರಿಯೆ ನಿಗದಿತ ಸಮಯದಲ್ಲಿಆಗಬೇಕು ಎಂಬ ನಿಯಮಾವಳಿ ಇದ್ದರೂ, ಸಾಫ್ಟ್‌ವೇರ್‌ ಸಮಸ್ಯೆ, ಸಿಬ್ಬಂದಿ ಕೊರತೆ ಸಬೂಬುಬುಗಳ ಉತ್ತರ ಬರುತ್ತದೆ. ವೈದ್ಯರ ಹೆಸರಿನ ನಕಲಿ ದೃಢೀಕರಣ ಪತ್ರ ಶರವೇಗದಲ್ಲಿಸಿದ್ಧಗೊಳ್ಳುತ್ತದೆ ಎಂಬ ದೂರಿನ ಬಗ್ಗೆಯೂ ಲೋಕಾಯುಕ್ತ ಅಧಿಕಾರಿ ಭಾನು ಮತ್ತು ಸಿಬ್ಬಂದಿ ಪರಿಶೀಲಿಸಿದರು.
ಮೂರು ದಾಖಲೆ ಪತ್ತೆ: ಸರಕಾರಿ ಆಸ್ಪತ್ರೆ ವೈದ್ಯರ ಹೆಸರಿನಲ್ಲಿನಕಲಿ ದೃಢೀಕರಣಪತ್ರ ನೀಡಿಕೆ ಸಂಬಂಧ ಮೂರು ದಾಖಲೆ ಸಿಕ್ಕಿದ್ದು, ಈ ಸಂಬಂಧ ಸೂಕ್ತ ತನಿಖೆ ನಡೆಸಲಾಗುತ್ತಿದೆ ಎಂದು ಭಾನು ತಿಳಿಸಿದರು.