ಅಂದು ಗೌಡ್ರು, ಇಂದು ಮೊಮ್ಮಗನ ವಿರುದ್ಧವೂ ಸೋಲು

ಹಾಸನ : ಹಾಸನ ಲೋಕಸಭೆ ಕ್ಷೇತ್ರದಿಂದ 2014ರ ಚುನಾವಣೆಯಲ್ಲಿ ಮಾಜಿ ಪ್ರಧಾನಿ ಎಚ್‌.ಡಿ.ದೇವೇಗೌಡರ ವಿರುದ್ಧ ಕಾಂಗ್ರೆಸ್‌ನಿಂದ ಸ್ಪರ್ಧಿಸಿ ಪರಾಭವಗೊಂಡಿದ್ದ ಮಾಜಿ ಸಚಿವ ಎ.ಮಂಜು, ಐ ೕ ಬಾರಿ ಗೌಡರ ಮೊಮ್ಮಗನ ವಿರುದ್ಧ ಸ್ಪರ್ಧೆಯಲ್ಲೂ ಪರಾಭವಗೊಂಡಿದ್ದಾರೆ.

2014ರ ಚುನಾವಣೆಯಲ್ಲಿ ಜೆಡಿಎಸ್‌ ಅಭ್ಯರ್ಥಿ ಎಚ್‌.ಡಿ.ದೇವೇಗೌಡರು 5,09,841 ಮತಗಳನ್ನು ಪಡೆದು ಜಯಸಾಧಿಸಿದ್ದರು. ಕಾಂಗ್ರೆಸ್‌ನ ಎ.ಮಂಜು 4,09,379 ಮತಗಳನ್ನು ಪಡೆದು, 1,00,462 ಮತಗಳ ಅಂತರದಿಂದ ಪರಾಭವಗೊಂಡಿದ್ದರು.

ಮೊಮ್ಮಗನ ವಿರುದ್ಧವೂ ಸೋಲು: 2019ರ ಚುನಾವಣೆಯಲ್ಲಿ ಎ.ಮಂಜು ಪಕ್ಷ ಬದಲಿಸಿ ಬಿಜೆಪಿ ಅಭ್ಯರ್ಥಿಯಾಗಿ ಸ್ಪರ್ಧಿಸಿ ಗೌಡರ ಮೊಮ್ಮಗ ಪ್ರಜ್ವಲ್‌ ರೇವಣ್ಣ ವಿರುದ್ಧ 1,41,324 ಮತಗಳ ಅಂತರದಿಂದ ಪರಾಭವಗೊಂಡಿದ್ದಾರೆ.