ವೃದ್ಧ ಮಹಿಳೆಯ ಕೊಲೆ

ಹಾಸನ: ಮಾರಕಾಸ್ತ್ರಗಳಿಂದ ವೃದ್ದೆಯೊಬ್ಬರನ್ನು ಕೊಲೆಗೈದಿರುವ ಘಟನೆ ಬೇಲೂರು ತಾಲೂಕಿನ ವಳಲು ಗ್ರಾಮದಲ್ಲಿ ಮೇ 16 ರ ಸಂಜೆ ನಡೆದಿದೆ.

ಸುಶೀಲಮ್ಮ (60) ಮೃತ ದುರ್ದೈವಿ. ಮನೆಯಲ್ಲಿ ಯಾರೂ ಇಲ್ಲದ ಸಮಯದಲ್ಲಿ ಕೊಡಲಿಯಿಂದ ಕೊಲೆ ಮಾಡಿ ದುಷ್ಕರ್ಮಿಗಳು ಪರಾರಿಯಾಗಿದ್ದಾರೆ.

ಕೊಲೆ ಮಾಡಿದ ಬಳಿಕ ಮನೆಯ ಹಿಂಭಾಗದ ಕೊಟ್ಟಿಗೆಗೆ ಶವವನ್ನು ಎಸೆದಿದ್ದು, ಸಂಬಂಧಿಕರ ಮನೆಗೆ ತೆರಳಿದ್ದ ಮಗ ಮೇ 17 ರಂದು ಬಂದು ನೋಡಿದಾಗ ರಕ್ತಸಿಕ್ತ ಕುರುಹುಗಳನ್ನು ಕಂಡು ತಾಯಿಯನ್ನು ಹುಡುಕಿದ್ದಾನೆ. ರಕ್ತದ ಕಲೆಗಳ ನೆರವಿನಿಂದ ಕೊಟ್ಟಿಗೆ ಬಳಿ ಬಂದು ನೋಡಿದ್ದಾಗ ಕೊಲೆಯಾಗಿರೋ ತಾಯಿಯ ಮೃತದೇಹ ಕಂಡಿದ್ದು, ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ.

ಈ ಕೊಲೆಯನ್ನು ಪಕ್ಕದ ಮನೆಯ ನಾಗರಾಜು ಮತ್ತು ದ್ರಾಕ್ಷಾಯಿಣಿಯೇ ಮಾಡಿರಬಹುದೆಂದು ಮೃತ ಸುಶೀಲಮ್ಮನ ಪುತ್ರ ಕಾಂತರಾಜು ಅನುಮಾನ ವ್ಯಕ್ತಪಡಿಸಿದ್ದು, ಈ ಬಗ್ಗೆ ಬೇಲೂರು ಠಾಣೆಯಲ್ಲಿ ದೂರು ನೀಡಿದ್ದಾರೆ.

ಸ್ಥಳಕ್ಕೆ ಎಎಸ್ಪಿ ನಂದಿನಿ, ಡಿವೈಎಸ್ಪಿ ಸದಾನಂದ ಅ.ತಿಪ್ಪಣ್ಣನವರ್‌, ವೃತ್ತನಿರೀಕ್ಷ ಕ ಲೋಕೇಶ್‌ ಸ್ಥಳಕ್ಕಾಗಮಿಸಿ ಪರಿಶೀಲನೆ ನಡೆಸಿದ್ದು, ಕೃತ್ಯಕ್ಕೆ ಬಳಸಿದ್ದ ಕೆಲವು ಮಾರಕಾಸ್ತ್ರಗಳನ್ನ ವಶಪಡಿಸಿಕೊಂಡಿದ್ದಾರೆ.