ಬಾಡಿಗೆ ಕೊಡಲಿಲ್ಲ ಎಂದು ಯುವತಿಯರನ್ನು ಪಿಜಿಯಲ್ಲೇ ಕೂಡಿ ಹಾಕಿದ ಮಾಲೀಕ!

ಹಾಸನ: ನಗರದಲ್ಲಿ ಪಿಜಿ (ಪೇಯಿಂಗ್ ಗೆಸ್ಟ್‌) ರೂಮಿನ ಬಾಡಿಗೆ ನೀಡಿಲ್ಲ ಎಂದು ಇಬ್ಬರು ಯುವತಿಯರನ್ನು ಪಿಜಿ ಮಾಲೀಕ ರೂಮಿನೊಳಗೇ ಕೂಡಿ ಹಾಕಿದ ಘಟನೆ ನಡೆದಿದೆ. ಕುವೆಂಪುನಗರ ಬಡಾವಣೆಯ ಪಿಜಿಯಲ್ಲಿ ಈ ಘಟನೆ ನಡೆದಿದೆ.

ಈ ಇಬ್ಬರು ಯುವತಿಯರು ನಗರದ ಎನ್.ಡಿ.ಆರ್.ಕೆ. ಕಾಲೇಜಿನಲ್ಲಿ ಬಿ ಫಾರ್ಮಸಿ ಓದುತ್ತಿದ್ದಾರೆ. ಇವರು ಯುಗಾದಿ ಹಬ್ಬಕ್ಕೆಂದು ಮೈಸೂರಿನಲ್ಲಿರುವ ಮನೆಗೆ ತೆರಳಿದ್ದರು. ನಂತರ ಲಾಕ್ ಡೌನ್ ಆದ ಹಿನ್ನಲೆಯಲ್ಲಿ ಎರಡು ತಿಂಗಳಿನಿಂದ ಪಿಜಿಗೆ ಬಂದಿರಲಿಲ್ಲ.

ಇಂದು ಬಟ್ಟೆ, ಪುಸ್ತಕಗಳನ್ನು ತೆಗೆದುಕೊಂಡು ಹೋಗಲು ಪಿಜಿಗೆ ಬಂದಾಗ, ಪಿಜಿ ಮಾಲೀಕ ಬಾಡಿಗೆ ನೀಡುವಂತೆ ಕೇಳಿದ್ದಾರೆ. ಈ ಬಾಡಿಗೆ ನೀಡಲು ನಮ್ಮಲ್ಲಿ ಹಣ ಇಲ್ಲ, ಮತ್ತೆ ಬರುತ್ತೇವೆ ಎಂದು ಹೇಳಿದ ಇಬ್ಬರು ಯುವತಿಯನ್ನು ಮಾಲೀಕ ಪಿಜಿಯಲ್ಲೇ ಕೂಡಿ ಹಾಕಿದ್ದಾರೆ. ಎರಡು ತಿಂಗಳ ಬಾಡಿಗೆ ಹಣ ನೀಡಲೇಬೇಕು ಎಂದು ಪಿಜಿಗೆ ಬೀಗ ಹಾಕಿ ಹೊರ ಹೋಗಿದ್ದಾರೆ.

ರಾಜ್ಯದಲ್ಲಿ ಮತ್ತೆ ಸೆಂಚುರಿ ದಾಟಿದ ಕೊರೊನಾ: ಒಂದೇ ದಿನ 116 ಸೋಂಕು!

ಈ ಯುವತಿಯರು ಇಂದು ಮೈಸೂರಿನಿಂದ ಟ್ಯಾಕ್ಸಿಯಲ್ಲಿ ಹಾಸನಕ್ಕೆ ಬಂದಿದ್ದರು. ಮಾಲೀಕ ಬೀಗ ಹಾಕಿಕೊಂಡು ಹೋಗಿದ್ದರಿಂದ ಬೆಳಗ್ಗೆ 10 ಗಂಟೆಯಿಂದ ತಿಂಡಿಯನ್ನೂ ತಿನ್ನದಂತೆ ಪಿಜಿಯಲ್ಲಿ ಲಾಕ್ ಆಗಿದ್ದರು.

ಉಡುಪಿಗೆ ಕೊರೊನಾಘಾತ, 15 ಮಕ್ಕಳು ಸೇರಿ ಹೊಸದಾಗಿ 25 ಜನರಿಗೆ ಸೋಂಕು

ವಿಷಯ ತಿಳಿದ ಬಡಾವಣೆ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ, ಯುವತಿರನ್ನು ರಕ್ಷಿಸಿದ್ದಾರೆ.