ಆ್ಯಪ್ನಗರ

ಮಕ್ಕಳಿಗೆ ಕಡ್ಡಾಯವಾಗಿ ರೋಟಾವೈರಸ್‌ ಲಸಿಕೆ ಹಾಕಿಸಿ

ಎಳೆಯ ಮಕ್ಕಳಲ್ಲಿ ಅತಿಸಾರ ಭೇದಿಯಿಂದ ಉಂಟಾಗುವ ಮರಣ ಪ್ರಮಾಣ ತಡೆಗಟ್ಟಲು ರೋಟಾವೈರಸ್‌ ಲಸಿಕೆಯನ್ನು ಕಡ್ಡಾಯವಾಗಿ ಹಾಕಿಸುವಂತೆ ತಾಲೂಕು ಪಂಚಾಯಿತಿ ಅಧ್ಯಕ್ಷೆ ಉಷಾ ಚಂದ್ರಶೆಟ್ಟಿ ಸಲಹೆ ನೀಡಿದರು.

Vijaya Karnataka 30 Aug 2019, 5:00 am
ಆಲೂರು: ಎಳೆಯ ಮಕ್ಕಳಲ್ಲಿ ಅತಿಸಾರ ಭೇದಿಯಿಂದ ಉಂಟಾಗುವ ಮರಣ ಪ್ರಮಾಣ ತಡೆಗಟ್ಟಲು ರೋಟಾವೈರಸ್‌ ಲಸಿಕೆಯನ್ನು ಕಡ್ಡಾಯವಾಗಿ ಹಾಕಿಸುವಂತೆ ತಾಲೂಕು ಪಂಚಾಯಿತಿ ಅಧ್ಯಕ್ಷೆ ಉಷಾ ಚಂದ್ರಶೆಟ್ಟಿ ಸಲಹೆ ನೀಡಿದರು.
Vijaya Karnataka Web 29ALRP2_ROTA_VIRUS_16

ತಾಲೂಕು ಆರೋಗ್ಯ ಇಲಾಖೆ ವತಿಯಿಂದ ತಾಲೂಕು ಪಂಚಾಯಿತಿಯ ಸಭಾಂಗಣದಲ್ಲಿರೋಟಾವೈರಸ್‌ ಲಸಿಕೆಯ ಪರಿಚಯ ಕಾರ್ಯಕ್ರಮವನ್ನು ಏರ್ಪಡಿಸಲಾಗಿತ್ತು. ಮಗುವಿಗೆ ರೋಟಾವೈರಸ್‌ ಲಸಿಕೆಯನ್ನು ಹಾಕುವುದರ ಮೂಲಕ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದ ಅವರು, ಈ ಲಸಿಕೆಯು ಎಲ್ಲಾಸರಕಾರಿ ಆಸ್ಪತ್ರೆಗಳಲ್ಲಿಪ್ರತಿ ಗುರುವಾರ ಮತ್ತು ಉಪಕೇಂದ್ರಗಳಲ್ಲಿಪ್ರತಿ ಮಂಗಳವಾರ ಲಭ್ಯವಿದ್ದು, ಇದರ ಸದುಪಯೋಗವನ್ನು ತಾಯಂದಿರು ಪಡೆದುಕೊಳ್ಳಬೇಕೆಂದು ಸಲಹೆ ನೀಡಿದರು.
ತಾಲೂಕು ಆರೋಗ್ಯಾಧಿಕಾರಿ ಡಾ.ಎಚ್‌.ಆರ್‌.ತಿಮ್ಮಯ್ಯ ಮಾತನಾಡಿ, 2 ವರ್ಷದ ಮಕ್ಕಳಲ್ಲಿಕಂಡುಬರುವ ಭೇದಿಯಲ್ಲಿಶೇ. 40 ರೋಟಾವೈರಸ್‌ ನಿಂದ ಆಗುತ್ತಿದ್ದು, ಮಕ್ಕಳಲ್ಲಿಕಂಡುಬರುವ ಭೇದಿಯ ಶೇ. 37 ರಷ್ಟು ಸಾವು ರೋಟಾವೈರಸ್‌ ಸೋಂಕಿನಿಂದ ಆಗುತ್ತಿದೆ. ದೇಶದಲ್ಲಿವಾರ್ಷಿಕ 8.72 ಲಕ್ಷ ಮಕ್ಕಳು ಒಳರೋಗಿಗಳಾಗಿ ಹಾಗೂ ವಾರ್ಷಿಕ 32.7 ಲಕ್ಷ ಮಕ್ಕಳು ಈ ಸೋಂಕಿನಿಂದ ಹೊರರೋಗಿಗಳಾಗಿ ಚಿಕಿತ್ಸೆ ಪಡೆಯುತ್ತಾರೆ. ದೇಶದಲ್ಲಿವಾರ್ಷಿಕ 78000 ಮಕ್ಕಳು ಈ ಸೋಂಕಿನಿಂದ ಮೃತಪಡುತ್ತಿದ್ದಾರೆ. ಈ ಲಸಿಕೆಯು ಅತ್ಯಂತ ಸುರಕ್ಷಿತವಾದ ಮೇಕ್‌ ಇನ್‌ ಇಂಡಿಯಾ ಯೋಜನೆಯಡಿ ತಯಾರಿಸಲಾಗಿರುವ ಸಂಪೂರ್ಣ ಸ್ವದೇಶಿ ಲಸಿಕೆಯಾಗಿರುತ್ತದೆ. ಈ ಲಸಿಕೆಯಿಂದ ಯಾವುದೇ ತೀವ್ರ ಅಡ್ಡಪರಿಣಾಮಗಳು ಇರುವುದಿಲ್ಲ. ಈಗಾಗಲೇ 98 ದೇಶಗಳಲ್ಲಿಈ ಲಸಿಕೆ ಬಳಕೆಯಲ್ಲಿದೆ ಎಂದರು.
ರೋಟಾವೈರಸ್‌ ಲಸಿಕೆಯನ್ನು 3 ಡೋಸ್‌ಗಳಲ್ಲಿನೀಡಲಾಗುತ್ತಿದೆ. ಈ ಲಸಿಕೆಯನ್ನು ರಾಜ್ಯಾದ್ಯಂತ ಅನುಷ್ಠಾನಗೊಳಿಸಲಾಗುತ್ತಿದೆ. ಸಾರ್ವಜನಿಕರು ಇದರ ಸದುಪಯೋಗ ಪಡೆದುಕೊಳ್ಳಬೇಕೆಂದರು.
ಉಪಾಧ್ಯಕ್ಷೆ ನಂದಿನಿ ದೊರೆಸ್ವಾಮಿ, ತಾಲೂಕು ಪಂಚಾಯತಿಯ ಕಾರ್ಯನಿರ್ವಹಣಾಧಿಕಾರಿಗಳಾದ ಸತೀಶ್‌, ತಾಲೂಕು ಪಂಚಾಯಿತಿ ಸದಸ್ಯರುಗಳು, ತಾಲೂಕು ಮಟ್ಟದ ಅಧಿಕಾರಿಗಳು, ಆರೋಗ್ಯ ಇಲಾಖೆಯ ಕ್ಷೇತ್ರ ಆರೋಗ್ಯ ಶಿಕ್ಷಣಾಧಿಕಾರಿಗಳು ಮತ್ತು ಹಿರಿಯ ಮಹಿಳಾ ಆರೋಗ್ಯ ಸಹಾಯಕರು ಹಾಗೂ ಸಿಬ್ಬಂದಿಯವರು ಹಾಜರಿದ್ದರು.

ಮುಂದಿನ ಲೇಖನ

Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
ಲೇಟೆಸ್ಟ್‌ ನ್ಯೂಸ್‌ ಅಪ್‌ಡೇಟ್‌ಗಳನ್ನು ಪಡೆಯಿರಿ, Vijay Karnataka ಫೇಸ್‌ಬುಕ್‌ಪೇಜ್‌ ಲೈಕ್‌ ಮಾಡಿರಿ