ರೇವಣ್ಣ ಕುಟುಂಬದಿಂದ ಷಷ್ಠಿ ಪೂರ್ತಿ ಪೂಜೆ

ಹಾಸನ : ಬಿ.ಎಂ ರಸ್ತೆಯಲ್ಲಿರುವ ಜ್ಞಾನಶ್ರೀ ಕನ್ವಷನ್ ಹಾಲ್ ನಲ್ಲಿ ಜೆಡಿಎಸ್ ಮುಖಂಡ ಹೆಚ್ ಡಿ ರೇವಣ್ಣ ಕುಟುಂಬದಿಂದ ಷಷ್ಠಿ ಪೂರ್ತಿ ಪೂಜೆ ನಡೆಯಿತು. ಜೆಡಿ ಎಸ್ ಪ್ರಧಾನ ಕಾರ್ಯದರ್ಶಿ ಪ್ರಜ್ವಲ್ ರೇವಣ್ಣ, ಭವಾನಿ ರೇವಣ್ಣ, ಸೂರಜ್ ರೇವಣ್ಣ, ಮಾಜಿ ಪ್ರಧಾನಿ ಹೆಚ್ ಡಿ ದೇವೇಗೌಡ ಮತ್ತು ಅವರ ಪತ್ನಿ ಚನ್ನಮ್ಮ ಭಾಗವಹಿಸಿದ್ದರು.

ಪೂಜಾ ಕಾರ್ಯದಲ್ಲಿ ಆದಿ ಚುಂಚನಗಿರಿ ಮಠದ ನಿರ್ಮಾಲಾನಂದ ಸ್ವಾಮೀಜಿ ಪಾಲ್ಗೊಂಡಿದ್ದು, ಬೆಳಗಿನಿಂದ ಹೋಮ ಹವನ ನಡೆಯಿತು. ಹೆಚ್ ಡಿ ರೇವಣ್ಣ ಅವರು ಭವಾನಿ ಅವರಿಗೆ ಮಾಂಗಲ್ಯ ಧಾರಣೆ ಪೂಜೆ ಮಾಡಿದರು.