ಹಾಸನದಲ್ಲಿ ತಂಪೆರದ ಮಳೆ

ಹಾಸನ: ಬಿಸಿಲ ಝಳಕ್ಕೆ ಕಾದ ಕಾವಲಿಯಂತಿದ್ದ ಜಿಲ್ಲೆಯ ಹಲವೆಡೆ ಸೋಮವಾರ ರಾತ್ರಿ ಸುರಿದ ಮಳೆ ತಂಪೆರೆಯಿತು.

ಬೆಳಗ್ಗೆಯಿಂದಲೆ ಮೋಡ ಕವಿದ ವಾತಾವರಣವಿತ್ತು. ಸಂಜೆ ವೇಳೆಗೆ ಗಾಳಿ, ಮಳೆಯೊಂದಿಗೆ ಮಳೆ ಸಿಂಚನ ಆರಂಭವಾಯಿತು. 7.15 ಗಂಟೆಗೆ ಶುರುವಾದ ಮಳೆ 8 ಗಂಟೆವರೆಗೆ ಮುಂದುವರೆಯಿತು.

ವರುಷದ ಮೊದಲ ಮಳೆ ರೈತರ ಮೊಗದಲ್ಲಿ ಮಂದಹಾಸ ಬೀರುವಂತೆ ಮಾಡಿದೆ. ಚುನಾವಣೆಯ ಕಾವಿನ ಮಧ್ಯೆ ವರುಣನ ಸಿಂಚನ ಜನರನ್ನು ತಣ್ಣಗಾಸಿದೆ. ರೋಡ್‌ ಟ್ರಾಫಿಕ್‌ನಲ್ಲಿ ದ್ವಿಚಕ್ರ ವಾಹನ ಸವಾರರು ಮಳೆಗೆ ಸಿಲುಕಿ ಪರದಾಡಿದರು. ಇನ್ನೂ ಕೆಲವರು ಮಳೆಯಲ್ಲಿ ಮಿಂದು ಖುಷಿಪಟ್ಟರು.