ಅಪರಿಚಿತರಿಂದ ಮಹಿಳೆಗೆ 25 ಗ್ರಾಂ ಚಿನ್ನ ಪಂಗನಾಮ
ಅಪರಿಚಿತರಿಬ್ಬರು ಮಹಿಳೆಯೊಬ್ಬರನ್ನು ಪುಸಲಾಯಿಸಿ ಹೊಸ ಸೀರೆ ಹಾಗೂ 25 ಗ್ರಾಂ ಚಿನ್ನದ ಸರ ಎಗರಿಸಿ ಪರಾರಿಯಾದ ಪ್ರಕರಣ ಅರಸೀಕೆರೆಯಲ್ಲಿ ಶನಿವಾರ ನಡೆದಿದೆ.
Vijaya Karnataka 17 Dec 2018, 5:00 am
ಹಾಸನ: ಅಪರಿಚಿತರಿಬ್ಬರು ಮಹಿಳೆಯೊಬ್ಬರನ್ನು ಪುಸಲಾಯಿಸಿ ಹೊಸ ಸೀರೆ ಹಾಗೂ 25 ಗ್ರಾಂ ಚಿನ್ನದ ಸರ ಎಗರಿಸಿ ಪರಾರಿಯಾದ ಪ್ರಕರಣ ಅರಸೀಕೆರೆಯಲ್ಲಿ ಶನಿವಾರ ನಡೆದಿದೆ.
ಅರಸೀಕೆರೆಯ ಗರುಡನಗಿರಿ ರಸ್ತೆ ವಾಸಿ ಮದನ್ಸಿಂಗ್ ಅವರ ಪತ್ನಿ ಯಡಕೌರ್ ವಂಚನೆಗೆ ಒಳಗಾದವರು. ಡಿ.15 ರಂದು ಮಧ್ಯಾಹ್ನ ತಮ್ಮ ಮನೆಯಿಂದ ಗಣಪತಿ ಪೆಂಡಾಲ್ ಕಡೆ ಇರುವ ಟೈಲರ್ ಅಂಗಡಿಗೆ ಸೀರೆಗೆ ಫಾಲ್ಸ್ ಹಾಕಿಸಲು ತೆರಳುವ ಸಂದರ್ಭ, ಇಬ್ಬರು ಅಪರಿಚಿತರು ಅಮ್ಮ ಎಂದು ಹಿಂದಿ ಭಾಷೆಯಲ್ಲಿ ಮಾತನಾಡಿಸಿದ್ದಾರೆ. ನಾವು ರಾಜಸ್ಥಾನದ ಪುಷ್ಕರ್ ನಿಂದ ಬಂದಿದ್ದೇವೆ, ನಿಮಗೆ ಒಳ್ಳೆಯದಾಗಲು ಪೂಜೆ ಮಾಡಿ ಕೊಡುತ್ತೇವೆ. ಊದುಬತ್ತಿ ತೆಗೆದುಕೊಂಡು ಬನ್ನಿ ಎಂದು ಹೇಳಿ ನಂಬಿಸಿದ್ದಾರೆ. ಹಣವಿಲ್ಲವೆಂದು ತಿಳಿಸಿದರೂ, ಪಕ್ಕದ ಅಂಗಡಿಯಿಂದ ಕವರ್ವೊಂದನ್ನು ಪಡೆದು ಅದರೊಳಗೆ ನಿಮ್ಮ ಬಳಿ ಇರುವ ವಸ್ತುಗಳನ್ನು ಹಾಕಿ ಎಂದು ನಂಬಿಸಿದ್ದಾರೆ. ನಂತರ ತಮ್ಮ ಬಳಿ ಇದ್ದ 10 ಸೀರೆ ಮತ್ತು 25 ಗ್ರಾಂ ತೂಕದ ಚಿಕ್ಕದ ಸರವನ್ನು ಕವರ್ನೊಳಗೆ ಇಟ್ಟಿದ್ದಾರೆ. ಈ ವೇಳೆ ಒಬ್ಬನ ಬಳಿ ಇದ್ದ ಕಪ್ಪು ಬಣ್ಣದ ಬ್ಯಾಗನ್ನು ಕೊಟ್ಟು ಹಿಂದೆ ನೋಡಬೇಡಿ ಮುಂದೆ ಹೋಗುತ್ತಿರಿ ಎಂದು ಹೇಳಿ ಕಳುಹಿಸಿದ್ದಾನೆ. ಅಶೋಕ ಹೊಟೇಲ್ ಬಳಿ ಬಂದು ಹಿಂದೆ ನೋಡಿದಾಗ ಅಪರಿಚಿತ ವ್ಯಕ್ತಿಗಳು ಸೀರೆ ಮತ್ತು ಚಿನ್ನದ ಸರದ ಸಮೇತ ಪರಾರಿಯಾಗಿದ್ದರೆಂದು ಯಡಕೌರ್ ದೂರಿನಲ್ಲಿ ತಿಳಿಸಿದ್ದಾರೆ.
ಈ ಸಂಬಂಧ ಅರಸೀಕೆರೆ ನಗರ ಠಾಣೆಯಲ್ಲಿ ದೂರು ದಾಖಲಾಗಿದ್ದು, ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.
ಅರಸೀಕೆರೆಯ ಗರುಡನಗಿರಿ ರಸ್ತೆ ವಾಸಿ ಮದನ್ಸಿಂಗ್ ಅವರ ಪತ್ನಿ ಯಡಕೌರ್ ವಂಚನೆಗೆ ಒಳಗಾದವರು. ಡಿ.15 ರಂದು ಮಧ್ಯಾಹ್ನ ತಮ್ಮ ಮನೆಯಿಂದ ಗಣಪತಿ ಪೆಂಡಾಲ್ ಕಡೆ ಇರುವ ಟೈಲರ್ ಅಂಗಡಿಗೆ ಸೀರೆಗೆ ಫಾಲ್ಸ್ ಹಾಕಿಸಲು ತೆರಳುವ ಸಂದರ್ಭ, ಇಬ್ಬರು ಅಪರಿಚಿತರು ಅಮ್ಮ ಎಂದು ಹಿಂದಿ ಭಾಷೆಯಲ್ಲಿ ಮಾತನಾಡಿಸಿದ್ದಾರೆ. ನಾವು ರಾಜಸ್ಥಾನದ ಪುಷ್ಕರ್ ನಿಂದ ಬಂದಿದ್ದೇವೆ, ನಿಮಗೆ ಒಳ್ಳೆಯದಾಗಲು ಪೂಜೆ ಮಾಡಿ ಕೊಡುತ್ತೇವೆ. ಊದುಬತ್ತಿ ತೆಗೆದುಕೊಂಡು ಬನ್ನಿ ಎಂದು ಹೇಳಿ ನಂಬಿಸಿದ್ದಾರೆ. ಹಣವಿಲ್ಲವೆಂದು ತಿಳಿಸಿದರೂ, ಪಕ್ಕದ ಅಂಗಡಿಯಿಂದ ಕವರ್ವೊಂದನ್ನು ಪಡೆದು ಅದರೊಳಗೆ ನಿಮ್ಮ ಬಳಿ ಇರುವ ವಸ್ತುಗಳನ್ನು ಹಾಕಿ ಎಂದು ನಂಬಿಸಿದ್ದಾರೆ. ನಂತರ ತಮ್ಮ ಬಳಿ ಇದ್ದ 10 ಸೀರೆ ಮತ್ತು 25 ಗ್ರಾಂ ತೂಕದ ಚಿಕ್ಕದ ಸರವನ್ನು ಕವರ್ನೊಳಗೆ ಇಟ್ಟಿದ್ದಾರೆ. ಈ ವೇಳೆ ಒಬ್ಬನ ಬಳಿ ಇದ್ದ ಕಪ್ಪು ಬಣ್ಣದ ಬ್ಯಾಗನ್ನು ಕೊಟ್ಟು ಹಿಂದೆ ನೋಡಬೇಡಿ ಮುಂದೆ ಹೋಗುತ್ತಿರಿ ಎಂದು ಹೇಳಿ ಕಳುಹಿಸಿದ್ದಾನೆ. ಅಶೋಕ ಹೊಟೇಲ್ ಬಳಿ ಬಂದು ಹಿಂದೆ ನೋಡಿದಾಗ ಅಪರಿಚಿತ ವ್ಯಕ್ತಿಗಳು ಸೀರೆ ಮತ್ತು ಚಿನ್ನದ ಸರದ ಸಮೇತ ಪರಾರಿಯಾಗಿದ್ದರೆಂದು ಯಡಕೌರ್ ದೂರಿನಲ್ಲಿ ತಿಳಿಸಿದ್ದಾರೆ.
ಈ ಸಂಬಂಧ ಅರಸೀಕೆರೆ ನಗರ ಠಾಣೆಯಲ್ಲಿ ದೂರು ದಾಖಲಾಗಿದ್ದು, ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.